my family is mafia -تحت التعديل-

"34"

١٢:٢٥م

كنت بالحمام اتروش ، كل المويه اللي تنزل فوق راسي يصير لونها أحمر داكن على بلاط الحمام كان دم بكل مكان فيني، شعري، وجهي ويدي

حسيت بإسترخاء وانا اشوف كل الدم يتنظف من جسمي وينزل ، خرجت بعد ساعه وانا اشوف نفسي بالمرايا واتأكد ان مو باقي فيني بقايا دم

كانت بس يدي توجعني شوي من ضرب وجهه ، حطيت ملاحظه ذهنيه اني احط ثلج عليها لما انزل تحت ، كانت الغرفه اللي انا فيها كبيره وكل شيء فيها مليان اشياء نسائيه وملابس أحب نالي وياسين كيف جهزولي كل هذا بثاني يوم لما شافوني بالحفله

خرجت من الحمام ونشفت جسمي ، كل خليه بجسمي كانت هاديه تماماً أحب هذا الشعور ، كان يخليني استقر داخلياً يمكن لاني قتلت بلاك قبل كم ساعه واستمتعت جداً بقتله هو السبب

انا مو بريئه وما عندي اي مشكله اني اخذ روح شخص راح انام مثل الطفل بعدها ، لكن موت نهاد كان شيء غير ابداً مو شيء عادي حتى لو كان يستحقه ، لانه كان شخص بنيت معاه علاقه عاطفيه لمدة كم سنه وفجأه اقتله؟

اكيد هذا راح يسوي شيء بعقلي ، ما قتلت أحد من كم سنه وكان رجوعي للقتل هو اول ما دخلت ميلانو ، انا ما الوم احد او اقول هم السبب لأ ابداً ، لان انا عارفه من قبل ما اجي ان عايلتي مافيا

انا برجلي دخلت لمكانهم ، لكن بلاك... كان قصه ثانيه ، أول مره قابلناه كان بإجتماع مع نالي وناس ثانيين كنت بسلام والعب بجوالي ولا اهتم للي يقولونه الى ان حسيت بيد ولد بلاك الاكبر ترتاح على فخذي

نالي طبعاً كسر انفه في لحظتها ، وكان بيكسر يده بعد ما خلع كتفه لكن وقفناه لان الاجتماع كان مهم لكن الاب وولده كانو جداً مقموعين من نالي لدرجة ما فكرو مرتين لما حاولو يهجمون علينا ، وعلى ليلي بالاخص...

مستحيل انسى صورتها لما رموها عند باب البيت وجسمها كله دم وهي نصف عاريه ، ماكان ضرب نالي للولد هو اللي ادى لهذا نالي كان ضاغطهم بمناطق كثيره ومضيق النطاق عليهم ولا يبيهم يتوسعون بشغلهم

فشيء ادى لشيء وبالنهايه ليلي هي اللي اخذت الضربه الاقوى ، بينما كانو الكل ينتظروها بالمستشفى انا كنت بمهمة اني اساوي كل شغل بلاك للأرض واي احد يساعده او يحاول حتى راح يتعرض لنفس المصير

بعد اسبوع كامل لقيت بلاك بمستودع مع كم واحد من اخر رجاله ، حرقت المستودع وهو بداخله وانفجر بس شكله خرج ما اعرف كيف لان لما قابلته قبل كم ساعه كان نصف جسمه محروق وكم جزء من وجهه

كان ذاك الاسبوع اللي رحت فيه كأني مجنونه ما يمر يوم الا واقتل فيه كم شخص من مافيا بلاك ، كان.... شعور غريب ولا ابي اكرره حتى بالنسبه لي انا اللي احس اني اسبب ألم لأحد هو استرخاء لي؟ كان شعور ابداً مو مريح