الساعه ١١:٠٩ص
نور دف باب المكتب بهلع وهو ماسك اللاب : رئيس!
الياس اللي كان نايم على المكتب بجمب ابوه فز بسرعه ، محمد القى نظره عليه وبعدها على نور اللي ياخذ نفس بصعوبه : نعم ؟
نور كان بيتكلم وبعدها استوعب ان الياس موجود ف ابتسم بربكه وتنهد : لا خلاص نسيت
الياس اللي كان متنرفز من طريقته وقف وسحب اللاب من يده : بكسره فوق راسك اخلص وش عندك !
نور بسرعه قفل اللاب وناظر محمد بإستنجاد ، محمد ارتبك لكن ما وضح : اترك اللاب واطلع برا
الياس بإصرار : ليش ؟
محمد اخذ نفس : موضوع لا صار وقته بعلمك عنه!
الياس هز راسه بنفي : لك ٣ ايام مخبي عني شيء ، وواضح انه شيء كبير لدرجة نور ما تكلم بـ ولا كلمه ، علمني ولا انا مو طالع
محمد مسح على وجهه وزفر لمده وبعدها قال لإلياس : اجلس طيب
الياس جلس وناظر ابوه بقل صبر والافتتاحيه كانت : انت عندك اخت وام ، امك ما ماتت وعايشه بالامارات أنا وهي انفصلنا عن بعض بسبب المافيا واختك بنفس عمرك ولا تدري عنك
الياس اطلق ضحكه خفيفه : اهااا ، حبيت طيب متى بتقول الموضوع الاساسي ؟
محمد ناظر بتمعن بوجهه ولا تكلم ، بعد دقيقه استوعب الياس وشال الابتسامه عن وجهه : منجدك ؟ منجدك ابوي ؟
محمد : ايه
الياس ضغط على جبينه ووقف ومسح على وجهه بعدم تصديق : البنت اللي بالفيديو بالمستشفى هاذي هي ؟
محمد فتح عيونه : متى شفته ؟ بس ايه ذي اختك!
الياس حس أطرافه بردت ، من بين كل الاحتمالات اللي كان يتوقعها من ابوه ما طرا بباله هذا الاحتمال أن امه عايشه؟واخت؟ ، التفت يناظر محمد وتكلم برجفه لاشعورياً ، شعور ان عنده ام بعد ٢٧ سنه كامله ماخلاه يتمسك بعواطفه : ليش؟
محمد عض على شفايفه وتكلم بهدوء : جوانا امك عرفت اني رئيس مافيا لما كنتو بالسنوات الاولى ، تغاضت بعدها قالتلي اتركها ولا قدرت لما صار عمرك سنتين انت وتارا بلغت علي ومسكتني الشرطه ولا لقت دليل ، بعدين عرفت انها كانت تحذرني اذا ما وقفت راح تعيشيني من دونك انت واختك...وهي
نور فتح عيونه بصدمه ابداً ماتوقع ان زوجة الرئيس تبلغ عليه كذا بوضح النهار وسمع محمد يكمل : بعدها خيرتني بينك وبين تارا .. واخترتك..
الياس بنرفزه : كيف اخترتني!
محمد عقد حواجبه : ما اخترتك عشان أفضلك اكثر ولا عشان احبك اكثر! اخترت وبس !
الياس ناظر نور بعصبيه : وانت ! وش كنت توريه قبل كم يوم !
نور بلع ريقه بإرتباك وناظر محمد ، محمد أأشر له بإيجاب ونور فتح اللاب : ج جوانا دخلت المستشفى بسبب انتكاسه
YOU ARE READING
my family is mafia -تحت التعديل-
Adventure"تارا تكتشف بعد ٢٧ سنه ان لديها أب واخ وهم اكبر مافيا في إيطاليا ، أسرار ، وماضي سيء ، واعداء جدد جميعهم يقفون في طريقها" -الروايه تحتوي على عدد من الاشياء الحساسه : عنف ، دماء ، قتل ، الفاظ نابيه ، اساءات لفظيه ، محتوى فوق ١٨ -الروايه بالعاميه..
