my family is mafia -تحت التعديل-

"35"

بعد ساعتين ونص خلص اجتماعهم وتجدد العقد تحت توزيع المناطق والصفقات برضا من الطرفين ، نالي ما فتح موضوع الطلاق لكسار لكن مستحيل ينساه وراح يقترحه في اليومين الجايه

ما كان يبي علاقة تارا بأبوها تخرب بسبب انها كذبت عليه وهو السبب ، احترم رغبتها مع ان كل نظره يحطها على كسار كان وده يشيل عيونه من مكانها او يده... او راسه بأكمله

تارا كانت بنته ، ولا زالت ، ما كان يهتم لمحمد انه ابوها البيولوجي هو اللي اهتم فيها مو محمد طول السنوات اللي فاتت ، من جهه ثانيه كان كسار حاسس بنظرات نالي اللي تخترقه من فترة لفتره لكن تجاهلها وركز على الاشعار اللي جاء بجواله

فيه أحد حول له ٥٠ الف دولار صافيه على حسابه من كم ساعه ، الان انتبه لجواله وناظر ان الاشعار من ساعتين قبل ما يدخل الاجتماع مخه علق لثواني بعدها تذكر المبلغ اللي اعطاه تارا قبل فتره

كان وده يكسر الجوال فوق راسها ، ما كان يبيها ترجع الفلوس اللي اخذتها منه لكن كان يعرف بنفس الوقت ان تارا ما كانت راح تاخذها من الاساس لو ماكانت بترجعها

إيف ناظر الاشعار معاه وهز رأسه بإستغراب ، كسار كتب داخل الملاحظات "أعطيت تارا قبل فتره المبلغ هذا والحين رجعته" إيف اخذ الجوال يقرأ ورجعه له بعد ما هز رأسه

كسار أطلق نفس وطلع مع البقيه لبرا غرفة الاجتماعات ، كانو رجالهم متوزعين بكل مكان وواقفين حراس على الابواب نالي أطلق نظره تجاه أحد من رجال كسار اللي كان وجهه فيه كدمات ولاف يده بشاش

لكن كان واقف ثابته ولا يناظر بعين احد ، ياسين اتبع خط بصره وشهق وهو يأشر عليه : هذا هو!

سام استقام بسرعه وناظر مودي اللي اشتد جسمه وياسين يأشر عليه : مودي؟ مو قلنا عندك اجازه؟

مودي رفع بصره وناظر سام : رئيس، اصاباتي تمام

نالي ناظر مودي من أسفل لأعلى بهدوء وتفحص جسمه وشاف ما فيه اي اضرار واضحه غير انفه اللي انكسر رفع حواجبه بإنعجاب على تارا ، تذكر انها قالت اخذت مباراه مع احد من رجال كسار وقالت انها ما قتلته

على الرغم ان تارا مستواها تحسّن بكثير لما صارت تسيطر على نوباتها اكثر وما صارت تقتل احد بالحلبه او تسبب له اضرار دائمه لانه غير قانوني أصلاً في المبارايات ، لكن انعجب بعد لان تارا جاتها الفرصه بقتال غير قانوني وكانت قادره تكسر رقبته ولا احد يقدر يقولها شيء عليه

ومع ذلك الولد واقف قدامهم اليوم ببدله سوداء وجسم متعافي وحي! نالي ابتسم بخفه وحس ان صدره يسترخي وهو يحس ان تارا صارت اقل هوس من انها تقتل احد بالحلبه

ياسين قرب من مودي اللي رفع بصره الان له وناظره بحذر : انت اللي تارا اخذت مباراه معاك؟