my family is mafia -تحت التعديل-

"25"

الهواء صار جامد فجأه ولا احد تكلم بس كانو يناظرون تصرفات تارا الهاديه اللي ولا كأنها قبل شوي قتلت وضربت ٣ اشخاص وتاركتهم ينزفون تحت رجلها

محمد ناظر تارا بدهشه لجزء فقط من الثانيه مو خوفاً منها او شيء لأ ، انما توقع تارا ما تقدر تتعامل مع الموقف ، لكن غير رأيه بعد ما شاف اليوم ايش سوت ، شاف بعد حركات كسار تجاه تارا ، كلهم يعرفون ان كسار يحب النظافه ومستحيل يوسخ يده لو ما يستحق الموضوع ، لكن تقدم لتارا بكل بساطه وقتله لانه ما عجبه المكان اللي بتكون يدها فيه! ، فكر لنفسه لدقيقه انه حتى هو ما تحمل بنته تشوف هالاجزاء لشخص مقزز او لأي شخص كان!

كان راح يتقدم لو ما تذكر نظرات وكلام تارا اللي كانت تقول ان الاشخاص لها وهي اللي تبي تتصرف معاهم ، يمكن جانب منه كان مليان فضول انه يشوف بنته كيف تتعامل مع الموقف ، كان عنده شكوكه حول بنته انها شخص مو سهل ابداً على الرغم من التصرفات القذره اللي تسويها حول كسار احياناً

لكن فهم الحين ان تارا لو كسار اذاها بيوم من الايام او اي شخص ، هو ما يحتاج يرفع اصبع لانها هي راح تضمن ان هالشخص مستحيل يقوم من مكانه ، يمكن فقط طبيعته الابويه هي اللي تخليه يتقدم بالمساعده لبنته والتفكير ان بنته لازالت صغيره وتحتاج المساعده لانه ابوها

ما تغيرت وجهة نظره عن بنته انها لازالت بريئه ولازالت تحتاج مساعدته ولا شافها شخص مؤذي بالعكس تماما بعدها اتجه لعندها وتصرف بطبيعيه -وهو فعلاً- يعني ما كان يتصنع ردة فعله ابداً ، ما اهتم ولو لذره للاشخاص اللي على الارض وشاف انه طريقتها ما تكفي عشان يطفي الحقد اللي بداخله عليهم ، كيف شوهو وجه وجسم بنته الوحيده يحس بالدم يغلي داخله اول مايشوف الخدوش اللي عليها

تارا شافت محمد يتجه لعندها وقمعت هالتها العدائيه بسرعه ، استوعبت ان ابوها اول مره يشوفها بهالصوره القاسيه وعديمة الرحمه كانت بتنطق بس شافته يمسك كفها الايسر اللي مافيه شاش ودخل يده بجيبه وطلع مناديل نظيفه

وبرِقه ، مسح من يدها قطرات الدم اللي داخل وخارج كفها من دم الاثنين اللي تناوبت بيدينها الثنتين تلكمهم ، وبعدها ناظر وجهها ورتب شعرها بيده ومسك كفها اللي فيه شاش وامتلئ دم من جروح مفاصلها : جرحك شكله افتك اخوك بيتصرف مع الباقي ، نرجع ؟

الياس نط لعندهم وناظر تارا بإعجاب وهو يمسح على كتفها : u did so well sis
-لقد تصرفتي جيداً اختي-

تارا بتردد ناظرتهم : يعني مو خايفين مني ؟

الياس ضحك : انتي يمكن تخافين مننا

محمد مرر خارج اصبعه على خدها وناظرها ببتسامه : u did what u have 2 do
-لقد فعلتي مايجب عليك فعله-

تارا ابتسمت على لمسة ابوها وميلت راسها على كتفها وتركت يد محمد تصير بين رقبتها وكتفها ، حركت راسها بنعومه على يده ، محمد ضحك على حركتها كأنها جرو صغير يطلب احد يربت على راسه