my family is mafia -تحت التعديل-

"29"

كسار

مرت ثلاثه ايام من اول مره سمعتها تقول لي كلمة "احبك" ، ابتعدت عنها كم يوم فقط عشان اهدي مشاعري المتضاربه بشكل مو طبيعي ، انا ما اعرف اتجاوب مع المشاعر ما اعرف اتصرف معاها ما اعرف اكون انسان طبيعي وادخل علاقه مع شخص واعطيه كل المشاعر

العلاقه الوحيده اللي اعرفها هي علاقة الانتفاع من شخص اخر عن طريق الجنس ، فقط لا غير ، كان واضح ان تارا بعد مو انسانه حق علاقات مثلي كانت تحب الانتفاع مثلي بالضبط

لكن صرنا ننام مع بعض حتى واحنا بملابسنا! هذا مو طبيعي بالنسبه لي هذا شيء جديد تماماً لعالمي ولشخصيتي ، وما احس شخصيتي تعرف تتصرف تحت الضغط في ذي الاشياء

"كنت" احسب اني ما راح اعرف اتصرف ، لكن لما لاحظت نفسي مع تارا اسوي كل اللي مشاعري تمليه علي وكل شيء راح يكون تمام ، يعني بدون اي سيطره فقط تركت نفسي اتصرف وفقاً لمشاعري معاها

اني المسها ، ابوسها ، احضنها او حتى اهاوشها كانت كلها بمشاعري ، وهذا كان ماشي تمام الى ان فجأه انجرفت وقالت هالكلمه ، اعرف انه مو قصدها لان حتى هي جاها ذعر فجأه وكانت تبي تبرر بس انا اخذت نفسي وخرجت

آه كان موضوع مرهق جداً اذا فكرت فيه ، كان عندي بُعد نظر لما ابعدت نفسي عن كل هالمشاعر وقلت لأ كبيره لها ..

لما شفتها قبل ساعه وهي تاخذ السلاح وتطلق بكل اريحيه تحت رجل ابوي ، حسيت جسمي كله استقام كان هذا...فقط منظر يستحق النظر له مليون مره ، لكن يدي اشتدت لما شفت خدها الايسر كان فيه علامه حمراء تحت ضوء الشمس ومنفخ شوي وبطرف شفايفها جرح خفيف

لو كان هذا شخص ثاني اللي ضربها بوجهها؟ كان يده انخلعت من مكانها ، لكن...كان ابوي واعرف ان تارا قالت له او سوت له شيء كان يستحق انه يكون تحت النار مع محمد والياس لان الياس كان يفور حرفيا لما ضرب ابوي على الارض

والياس كان دايماً عنده خوف ناحية ابوي ، الياس كان مثل ايف غبي يقول او يسوي ولا يهتم لكن كانو الاثنين يتغيرون ١٨٠د لما يصير شيء لاحد يحبونه وشخصيتهم تتغير جذرياً

وقفت على جنب وناظرتهم بتسليه الى ان خرجت تارا وهي تعطينا كلنا نظرات بإيلام كأنها تسأل ليش ما وقفتوهم؟ ، ما ابعدت نظري عنها وانا اشوفها تعرج على رجل وحده وهذا ابداً ماكان حاجز من انها تخلي اكثر حراسنا يرتجفون امامها

مو بس حراسنا ، بعد ماخلصت تهديد أشرت فقط! أشرت! للبيت لمحمد والياس والاربعه اتجهو للبيت بدون اي كلمه او حتى تذمر ، كان مشهد مضحك صراحه مو كل يوم نشوف محمد الرئيس الكبير تهجده بنته الصغيره

لما قالتلي انها تبي تكلمني حسيت جسمي تشددّ لوهله بس رديت بملل مصطنع فقط عشان ما تحسب اني هربت منها بسبب كلمتها وهو فعلاً لكن ما ابيها تحسب كذا