my family is mafia -تحت التعديل-

"32"

تارا

الشيء الثاني اللي اعرفه اني صحيت على احد يكب فوقي مويه بارده وقمت وانا اشهق من البروده ، مسحت وجهي وفتحت عيوني وناظرت نالي وياسين اللي واقفين فوق سريري ويناظروني ، متى جيت على سريري؟

رميت نفسي على السرير المبلل مره ثانيه وتكلمت بنبره شوي وابكي : نالي امانه لا

نالي سحبني من ذراعي وخلاني اوقف ولا اهتم اني مبلله : قدامي

ارتجفت من برودة المويه وحاولت اساوم : طيب بغيّر ملابسي

نالي دفني لباب الغرفه : لا

ياسين ضحك وحط العلبه اللي كبها فوقي على الارض  : لكن نالي خفف عنها شوي ترى حمت يدها قبل تكسر الحمام

ناظرت يدي اللي فيها احمرار طفيف وتذكرت اني لفيت يدي بأقرب تيشيرت ثقيل وخليته حاجز لي لو لكمت شيء ثقيل وتنهدت بإرتياح اني ما كسرت يدي لكن رجعت ناظرت نالي برجاء

نالي ما رمش حتى فقط انتظرني اخرج من الغرفه ، لبست شوزي عند الباب وخرجت من الغرفه وانا امشي بهدوء ، كان جسمي كله مبلل ونزلت من الدرج وانا اقطر مويه كنت مستسلمه لأمر الواقع نالي راح يقتلني تمارين الان

كانت تمارين نالي كابوس كان دايماً يدفعني لحافتي لدرجة اني ابكي عشان يوقف ، كان دايماً يقول انه ما نفع اي شيء يجربه معاي عشان يهدأ نوبات عصبيتي

فالشيء الوحيد اللي شافه رادع لي هو التمارين العنيفه ، كان يخليني اسوي الف تمرين ضغط والف تمرين بطن وفوق ال٣٠ دورة ركض بس عشان رميت شيء على ياسين او جهاد او ليلي

كان يخليني اوزعهم لمدة اسبوع او اسبوعين المهم مده معينه اريّح فيها عضلاتي ، لكن حرفيا بعد ما يخلص التمارين جسمي كله يحرقني وابي بس ارمي نفسي على السرير

كان يستعمل التمارين الشيء الاحب لقلبي ك عقاب لي في حال عصبت وكسرت شيء او رميت شيء ، كنت ما انام ولا اخلصها وكنت اتعب لدرجة يغمى علي لكن نالي كان ما يرف طرف جفنه

كان يشوف ان اهم شيء يسويه هو ان يخليني اهدئ من نوبات غضبي بعدها اقدر اتعامل مع الناس بطبيعيه وكان نالي الوحيد اللي علمني على مفعول الالم لوعيي ، كان الالم مثل التنفس في وسط نوبات غضبي

لميت شعري المبلل كعكه وخرجت برا ناظرت انهم مجتمعين برا في وسط الشارع بعد مع وسام والبقيه ، ما ادري ايش سر حبهم للشارع يعني ما عندكم مكاتب ؟

تجاهلتهم وناظرت نالي في انتظار تعليماته استند على الجدار اللي جمب البوابه وناظر حوله بتفكير : همم

نالي ابتسم بتسليه بعد مده : اركضي

ضربت رجلي بالارض بطفوليه مما لفت الانتباه للبقيه اللي برا : لكن نالي ملابسي مبلله!