مر يوم كامل من يوم ما نامت تارا ، قامت وهي تحس كل عظمه بجسمها توجعها ناظرت جوالها وشافت الساعه 7 الصباح ، رمته بصداع
: صحيتي اخيراً
فزت على صوت الياس وناظرته وهو جمبها جالس على كرسي المكتب اللي جمب السرير ويبتسم بوجهها ، حست قلبها ارتخى لثانيه وابتسمت بخفه : خوفتني ، تعال سويلي مساج
انسدحت على بطنها ووقف الياس وجلس جمبها بالسرير : عشانك اختي الكبيره لكن لا تفلينها
تارا ضربت يده اللي صارت على كتفها : حبيبي الاخو الصغير
الياس مسج لها بخفه وهو مايعرف : فيه شيء يوجعك ؟ تبين نوديك المستشفى ؟
تارا بخمول : لأ
رفعت يدها اليسار اللي فيها جبيره : لازم اصورها لمدربي هات جوالي
الياس اخذ جوالها وناولها اياه وناظرها وهي تصور يدها وترسل لمدربها وتكتب كلام بالانجليزي ، رمت جوالها على جنب وناظرت الياس : قيمني بتروش ومره جوعان خلينا نخرج ناكل!
الياس سحبها من يدها اليمين بخفه : حاضرر الان بنخرج يلا تجهزي
وقفت تارا وهي تتمطط، فصخت الجبيره ورمتها عالسرير واخذت منشفه من عند الياس جت بتفتح شنطتها تطلع لها ملابس رمى لها كيس : خذي هذا ، محمد يقول هذا لك انتي وملابسك الخفيفه بتمرضين
تارا ناظرت الكيس الأسود اللي مليان وكبته على سرير الياس : واو كثير ، فيه شورتات !
الياس : امي قالت تحترين بسرعه ف محمد جاب لك هاذي بس ثقيله عشان ما تبردين
تارا رفعت الشورتات القطن وقماشها ثقيل وناعم وابتسمت : شكراً
طلعت لها البلوفر الاسود اللي اشتراه لها كسار مع الشورت اللي اشتراه محمد بلون أسود ورمته عالسرير ، الياس انتظرها تدخل الحمام وتتروش عشان يخرجون مع بعض بعد دقايق خرجت تارا وهي متغطيه بالمنشفه على جسمها وشعرها مبلل
الياس ترك جواله وناظرها : انشف لك شعرك؟
تارا هزت بإيجاب وهي تبتسم له ورجفت لاارادياً لما حست بالهواء يصقع فيها ، خلاها تجلس على كرسي التسريحه وناظرت نفسها بالمرايا اخذ المجفف من الدرج وشغله ، نشف شعرها بسهوله مع انه كان طويل : هذا وش ؟؟
انتبه لرقبتها لما حس ان شعرها من الجهه السفليه محلوق : ايش؟ اسكت ماما ماتدري
الياس رفع شعرها وناظر كيف تحت منحوت : يا كلبه شلتيه كثير كيف امي ماشافته؟
تارا رفعت اكتافها : عادي انا افتح شعري دايماً وعشانه طويل مايبين بس بالمبارايات ارفعه ماما ماتشوف مباراياتي ابداً
الياس نزل شعرها وجففه زين : بس حلو ترى
تارا : تعال احلق لك شعرك الطويل
YOU ARE READING
my family is mafia -تحت التعديل-
Adventure"تارا تكتشف بعد ٢٧ سنه ان لديها أب واخ وهم اكبر مافيا في إيطاليا ، أسرار ، وماضي سيء ، واعداء جدد جميعهم يقفون في طريقها" -الروايه تحتوي على عدد من الاشياء الحساسه : عنف ، دماء ، قتل ، الفاظ نابيه ، اساءات لفظيه ، محتوى فوق ١٨ -الروايه بالعاميه..
