my family is mafia -تحت التعديل-

"27"

بعد ٣ ايام
نديم

حطت الرحله بأمان في ميلانو ، أول ما نزلت من باب الطياره قابلني الهواء البارد والجو الغائم على الرغم انها كانت ٢ الظهر ، نزلت من الدرج ووقفت على الجنب لثواني استنشق الهواء المنعش ، عظامي ارتجفت بسبب ازراري الاولى المحرره

لي ٥ سنوات او اقل ما جيت هنا ، كنت مستشار قانوني لمافيا معروفه هنا رئيسها كان محمد الغبي وولده اللي ما ادري كيف راح يعيشون حياتهم من دوني! ، محمد كان اول شخص دعمني مالياً بدراستي وشغلي وبيتي الاول كان مثل الاب بالنسبه لي كان ناجح في شغله وحياته

لكن فاشل جداً في ضبط نوبات غضبه ويفكها على اي شخص قدامه ، ما عدا ولده طبعاً محمد صح كان فاشل في هذا لكن ابدا ما فشل في دوره ك اب لإلياس كان صاحبه وابوه بنفس الوقت

الياس كان بمثابة اخوي الصغير دايما ومستحيل يتغير ، خرجت من افكاري لما الجو ازداد بروده وحسيت بأسناني تنضرب ببعضها ، اخذت شنطتي واغراضي ومشيت للبوابه قابلني السائق اللي فتح لي الباب واخذ شنطتي واغراضي

جلست داخل المقعد وبدون ما اتكلم السائق شغل التدفئه وقفل الدرايش ، تنهدت بإرتياح ودخلت يدي بجيوبي حسيت انها راح تتجمد واستندت على المقعد ، قعدت ساعه تقريباً وانا اراقب الطريق والمباني والشوراع

كم سنه ما جيت هنا واحس كل شيء تغير ، داهمني الدفء في اطرافي لما جاء على بالي فكرة وجه الياس المتفاجئ ، اشتقت له كثير وما اصدق كيف كبر هذا كله اتذكر أنه اتصل علي قبل كم يوم ومو راضي ابداً يسكت عن اخت جديده له

ماكنت معطيه انتباهي الكامل لكن اتذكر اني التقطت الاساسيات ، حتى انا ما كنت اعرف ان محمد عنده بنت غير الياس وانه ما قال لاحد عنها ما فهمت الموضوع كله لكن الياس راح يقولي كل شيء اذا قابلته

توقفنا امام البيت وكنت اقدر اشوف رجال محمد بالخارج واستقامو بإنتباه اول ماشافو السياره الغريبه اللي وقفت امام بيتهم ، لكن اول ما نزلت منها ارتخو وناظروني واومؤا لي ما اهتميت ونزلت اغراضي

ابتعدو عن طريقي بعد ما مشيت لبوابة محمد ووقفت امام الباب اخذ نفس ، ما امداني التقط انفاسي الا اصتطدم شخص بصدري طيحت شنطي اللي بيدي وبكل غباء هي كانت بتطيح على الارض

التقطت خصرها بيد وحده وتقفلت المسافه بيننا ، شفت وجهها اللي فيه وشم صغير بحرف T ورمز ثاني شعرها الاشقر اللي طاح على ظهرها ، عيونها الزرقاء بشكل فظيع كانت واسعه وحمراء من الاطراف كأنها ما نامت من ايام

كنت قادر اشم ريحه باهته جداً من الشامبو على شعرها وجسمها ، هذا كله صار بثلاث ثواني فقط ابتعدت عنها وتركت خصرها وحسيت بيدي صارت دافيه لثواني

البنت تكلمت بنبره ضعيفه نوعاً ما : ما شفت- sorry i didn't see u

شفتها تستند بيدها على حافة الباب بعد ما نطت له برجلها اليسار واليمين كانت مرفوعه من الارض ، ناظرت للاسفل وشفت فخذها اللي واضح امامي بسبب بنطلونها القصير شفت الضماده البيضاء عليه ورفعت بصري لها بسرعه