صباح اليوم الثاني .
تارا فكت جبيرتها وصارت تعرف تحرك يدها بشكل طبيعي لكن ماتقدر تحمل اثقال ، وهذا كان عذاب لها بما انها تتمرن دايماً مدربها قالها ابعدي عن الأثقال وسوي التمارين العاديه زي الهروله وتمارين للفخذ والساق وما الى ذلك
تارا نزلت من الدرج وهي متروشه ولابسه بنطلون وسيع وفزقه بلوزه بكم طويل على الخصر رفعت شعرها هالمره كعكه بالرغم من أنه مبلل وبان شعرها المنحوت من تحت ، محمد ما لاحظها طول هالفتره وهي عندهم لان دايما فاكه شعرها
اخذت جوالها وشنطتها حق الجامعه وقابلت نور عند الباب : صباح الخير
نور لف عليها وناولها قهوتها بعد مافتح الغطاء : صباح النور ، تفضلي
تارا اخذتها وشربت منها ، نور ابتسم جانبياً كلهم صارو يعرفون عادتها هاذي في شرب القهوه تشربها بدون غطاء دايماً لفت يمين ويسار : وين الياس ومحمد ؟
نور أشر بحواجبه للخلف وشافتهم وهم خارجين ولابسين بدل رسميه ، لها أسبوع كامل وهي تشوفهم بهذا الستايل وحست بقمع نوعاً من هالتهم الخانقه اللي يصدرونها لما يلبسون كذا
محمد حط يده حول رقبة تارا وكان بيتكلم لكن بسرعه حس شعرها وناظرها وناظر شعرها : ايش هذا؟
تارا حست بيد محمد الدافيه على رقبتها وابتسمت بإرتباك : ايش ؟
بما انها لمت شعرها كان واضح كل الأوشام اللي برقبتها وخلف أذنها ، محمد دقق في رقبتها وناظر وشم الفراشه اللي كان خلف اذنها وابتسم : انتي والياس فيكم نفس الوشم
الياس قرب منها بسرعه وناظره وشهق : منجدددد ليش الحين اشوف !!!
الياس حضن كتفها واهتزت القهوه بيدها : فينا وشم موّحد حتى قبل ما نعرف بعض
تارا ضحكت ومسحت على كتفه : ياغبي اتركني قهوه بيدي
الياس ابتسم وتركها وعينه معلقه على وشم الفراشه ، محمد ابتسم بإرتياح اول ماشاف تارا لابسه لبس دافي ، ميلانو برد وكل يوم يعيش على قلق انها ممكن تمرض بسبب ملابسها القصيره لكن سرعان ما شال ابتسامته اول ماشاف بلوزتها القصيره
تارا خرجت لبرا البوابه وبيدها قهوتها ووقف جمبها الياس ومحمد ، صارت هاليومين تروح الجامعه مع مايا وينتظرون مع بعض ويرجعون مع بعض ، جزء كبير من معرفتها لمايا خفف عليها نوعاً ما شعور عدم الارتياح هنا
دخلت يدها بجيبها وتذكرت انها كلمت أمجد قبل كم ساعه عشانها نست كل بطاقاتها المصرفيه في الامارات ، ناظرت محمد بتردد بعدها نفضت فكرة أنها تطلب منه وانتظرت مايا
تارا لفت عليهم : ليش واقفين معاي ؟ روحو لشغلكم
محمد هز بإيجاب وقرب منها وباس راسها ومشى لسيارته ، الياس سوا مثله ومشى وراه : باي
YOU ARE READING
my family is mafia -تحت التعديل-
Adventure"تارا تكتشف بعد ٢٧ سنه ان لديها أب واخ وهم اكبر مافيا في إيطاليا ، أسرار ، وماضي سيء ، واعداء جدد جميعهم يقفون في طريقها" -الروايه تحتوي على عدد من الاشياء الحساسه : عنف ، دماء ، قتل ، الفاظ نابيه ، اساءات لفظيه ، محتوى فوق ١٨ -الروايه بالعاميه..
