محمد
تارا مسكت يدي وسحبتني للمكتب اللي كان اقل ما يقال عنه فوضى ، كل شيء على الارض مكسر والكتب مرميه مع مكتبي اللي مقلوب فوق تحت
تارا جلست على طرف المكتب المقلوب وتكتفت : راح اقول شيء ، ما ابغى صراخ او اصوات عاليه ولا .... راح اخرج من هنا
انا ووسام تشاركنا نظره بإستغراب وهزينا راسنا بإيجاب وهي اطلقت نفس وقالت : بعطيكم صفقه ، ما ابغى احد يسألني كيف ، ليش ، متى ، وين ، الجواب الوحيد اللي ابيه هو ايه ولالا فقط
عقدت حواجبي وهزيت راسي بنفي : طبعا لا ، ما ابغاك تتدخلين بذي الاشياء !
تارا ابتسمت : الصفقه مو صفقتي ، صفقة رين
وسام اعتدل وتقدم خطوه لها : ايش ؟ رين؟ رين عم نالي؟
تارا هزت راسها بإيجاب : امم ، حالياً ما فيه بيدي غير ثلاث صفقات اختارو بينها وبقوله
بلعت ريقي وناظرتها بإستغراب : تارا ، ليش رين يعطيك صفقاته؟ ليش ما يعطيها نالي؟
تارا وقفت عن المكتب ونفضت من وراها : بابا اسفه لاني ما قلت لك قبل ، لكن نالي ساعدني كثير قبل سنوات وتعرفت على رين من طريقه ورين......اوكي ما اعرف اقول هذا بطريقه ما اخليها قذره لان رين قذر شوي لكن انا وهو صرنا اصحاب
وسام رفع حواجبه : وبعدين؟
تارا ناظرتني وضمت شفايفها ببعض : طيب ، نالي اعطاني الصفقه اللي كان بيعطيكم اياها ، اخذتها لان ما ابغى نالي يتورط معاك لان نالي على الرغم اني اعطيه حياتي لكنه انسان متهور ولو احد سوى شيء مايعجبه بالصفقه راح يقتله ولا يهتم مين هذا
تارا اشرت بيني وبين وسام بإشمئزاز : وهذا ...اللي بينكم مستحيل يتوافق مع معايير نالي الصارم ، لانكم متهورين مثله وراح يجي يوم ترفعون السلاح على بعض ونالي يكره ذي الحركات
وسام مسح على وجهه وتكلم بعصبيه : انتي مالك دخل ، انا كنت احتاج صفقته وانتي خربتي علي بسبب هذا..العناد ولا المراهقه المتأخره اللي تسوينها
تارا ضحكت : عطيتك صفقه مع رين اللي افضل من نالي ايش تبي اكثر من كذا ؟ طماع
وسام : انت-
سحبته من ذراعه ومنعته يتقدم لها : اهجد ، تارا ليش اخذتي صفقة نالي ؟
تارا رفعت اكتافها بلامبالاه : ما ابي اشوفك ميت وانا للان ما كملت سنه معاك
تارا ناظرت وسام من فوق لاسفل : وانت على انك غثيث واتمنى افجر مخك احياناً ، لكنك ابو كسار ومايا لو ما ابعدتك عن نالي اخاف اعيّش عيالك بدون اب
وسام اطلق نفس عاجز عن الرد ، لكن انا اطلقت ضحكه خفيفه : طيب ، تحتاجين مساعده علميني ؟ مو عشان نالي ولا عشان اخذ الفضل في الصفقه بس ما ابيك تتورطين بذي الاشياء
YOU ARE READING
my family is mafia -تحت التعديل-
Adventure"تارا تكتشف بعد ٢٧ سنه ان لديها أب واخ وهم اكبر مافيا في إيطاليا ، أسرار ، وماضي سيء ، واعداء جدد جميعهم يقفون في طريقها" -الروايه تحتوي على عدد من الاشياء الحساسه : عنف ، دماء ، قتل ، الفاظ نابيه ، اساءات لفظيه ، محتوى فوق ١٨ -الروايه بالعاميه..
