my family is mafia -تحت التعديل-

"6"

"واشنطن"

بعد يومين ، ٩:٣٠م

خرجت من عند إيان بعد ما صرخ علي للمره المليون عشاني قلت احتاج اجازه وبسحب على التمرين عشان بروح لميلانو كرر تعليماته الف مره عشان انتبه لاكلي وتماريني وادق عليه فيديو كل اسبوع واصور تماريني ، طبعا ما قلت له ان طلع عندي اب واخ ورايحه اشوفهم بس قلت احتاج فترة نقاهه وبشوف اهل امي

حطيت السماعه بأذني وشغلت الاغنيه وأنا امشي ارجع للشقه ، مشيت لمدة نص ساعه وأنا ادخل الحواري المظلمه والصوت الوحيد اللي يستمع هو الذبذبه الخفيفه من سماعاتي بسبب صوت الاغنيه

جفلت ووقفت مكاني وأنا اسمع طلقة النار اللي تردد صداها بالحي الهادي ، نزلت سماعاتي والتفتت للصوت وانطلق الرصاص مره ثانيه، كان على جانبي الأيسر وأنا أشوف واحد عريض الاكتاف ملامحه ابدا مو واضحه كان واقف وماسك رقبة اللي امامه والمسدس مصوب ع بطن العريض ، رمشت مرتين وأنا اشوف المرمي عالارض يناظره بصدمه

اللي كان يبين عريض تحرك ويده اليمين جات للضوء وبان رسغه اللي كان فيه وشم "E.K" ، نبضات قلبي تسارعت وهمست : الياس !

ليش فيه نفس وشم الياس ؟ ما امداني افكر الا استمع صوت طيحته وهو يتهاوى الارض ويطيح وهو يمسك بطنه بألم وتكلم : اذا ما قتل..

ووقتها شهق بألم لما الثاني اللي كان يناظر بصدمه وقف ودعس على جرحه اللي ببطنه وضغط عليه وتكلم بضحكه : تقتل مين ؟ شايف وضعك ؟ متساوي مع الأر- آهه!!!!

قطع ضحكه لما اللي ع الارض طعن ساقه اللي على بطنه ورماه بيد وحده واستند عالجدار وهو يناظر الشخص الثالث اللي يلفظ انفاسه الاخيره على الارض وضحك بخشونه

حسيت بالعرق البارد اسفل ظهري وانا اسمع ضحكته ، وطريقة نظرته للجثه اللي قدامه كان يناظرها بإستمتاع كأنه يقول "هذا انجازي ترا" ، نفضت هالشعور وانا اشوف اللي ساقه انطعنت يوقف بصعوبه وياخذ سلاحه ويصوبه عالمستند وهو يتألم

اللي فيه رصاصه تكلم ببرود : اطلق ، نهاية هاليوم انا راح اكون بالمستشفى وانت راح تكون تحت التراب صدقني

وقتها تجاهلت حقيقة انهم عرب وما انصدمت يمكن لاني عشت بهالوسط لمدة ٣ سنوات؟ ، لما شفت الوشم اللي ع يده وانه قاعد يتعرض للأذى كل خليه فيني رفضت اني اغض البصر وامشي ، مع انه ترك كل شعره فيني توقف من نظراته وضحكته الخشنه !

لكن ما قدرت امشي بسهوله مسحت ع وجهي وانا افتح شعري بسرعه عشان وجهي ما يبين مع انه كله كدمات ، اخذت نفس سريع وتقدمت بسرعه كبيره ناحية اللي ماسك السلاح ورفست يده برجلي اليمنى

بالرغم من اني ما كنت اعرف مين الصح او الغلط لكن الحركه الجبانه اللي ٣ على واحد ما عجبتني ، والوشم لعب دور اني اتقدم له