صدفة

الجزء الاول

فى إحدى البيوت فى محافظة القاهرة
نادين : عمر عمر انا عايزاك فى حاجه
عمر : خير ى نادين
نادين : بص بقا بما انك اخويا الوحيد وكده واللى مربنى بعد بابا الله يرحمه فأنا عايزاه اخد رايك فى حاجه
عمر : ايه ى بنتى المقدمه الطويله دى عملتى ايه انجزى
نادين : فيه شاب كل شويه يبعتلى على الواتس ويكتبلى جمله " هتجوزك ى طفلتى"
عمر : نعم ى اختى يتجوز مين هو عبيط وانتى بتعملى ايه
نادين : بعمل بلوك عيب عليك . مش دى المشكلة المشكلة أنه كل شويه بيدخلى من رقم غريب ومختلف وانا زهقت الصراحه
عمر : شطوره ى نادين اللى عملتيه ده الصح وبعدين لو هو عايز يتجوزك فعلا يكلمنى انا مش يجيب رقمك ويكلمك زى اللى بيعمل حاجه غلط
نادين : ربنا يهدى . المهم انا هعمل ايه دلوقتى
عمر : سيبنى شويه افكر
بعد وقت
عمر : نادين انا جتلى فكره
نادين : فكره ايه
عمر : انا أخد خطك وانتى تاخدى خطى ولو بعتلك تانى ابقى ارد عليه انا عشان مش بعمل كده تانى

استووووب
عمر : ٢٧ سنه معيد فى كليه الهندسه جامعه القاهره . شاب وسيم عينه خضرا الاهم من كل ده أنه متدين وخاتم لكتاب الله على قدر من المعرفه بالدين احيانا بيكون أمام الجامع هو المسئول عن أخته ومامتاه بعد وفاه باباه يحاول يكون سند لاخوته

نادين : ٢٢ سنه طالبه فى الفرقه الرابعه فى كليه الهندسه جامعه القاهره عينها خضرا برضوه زى اخوها ورثتها من ابوها مختمره خاتمه لكتاب الله على قدر من دينه عندها شروط للى هيتجوزها عنعرفها بعدين بتحب اخوها جدا وبتحاول تكون على قد الثقه الكبيره اللى أهلها عطينهالها

نادين : مفيش حل تانى. عاشت دماغك والله يارب اخلص منه بقا
عمر : عيب عليكى دماغ متكلفه
نادين : ايه ده فى ايه هنغتر ولا ايه .استنى كده اكتب استورى ع الواتس عشان البنات تكلمنى ع الرقم الجديد وكده
عمر : لاء طبعا مش تكتبى حاجه لما نشوف ايه إلى هيحصل
نادين : ليه ى عمر دى استورى يعنى مش هيشوفها غير إلى انا مسجلالهم بس يعنى صاحباتى
عمر : فيها طبعا افرضى أنه الشاب ده اخو واحده صاحبتك مثلا وبجيب رقمك من تلفونها يبقى احنا عملنا ايه
نادين : ايه ى بنى الأوفر ده . وبعدين صاحبتى عمرهم ما يعملوا كده اصلا ويحطونى فى الموقف ده
عمر : مش اوفر ولا حاجه بس عايز والله يكون ده إلى. بيحصل وبعدين انا مش قولت أنها هى اللى بيتديه ممكن يكون هو اللى بياخدوه من غير علمها ودى تفرق طبعا
نادين : اقتنعت جدا . طب هات خطك كده
وحصلت اخر حاجه توقعوها يترى مين اللي. بيبعت لنادين وايه اللى هيحصل ده اللى هنعرفه فى الجزء الجاى # روايه صدفه # امنيه الطحان