صدفة

الجزء الثاني والعشرون

فى جامعه القاهره
عمر: عامل ايه ى استاذ
ادم : الحمد لله ... بس ابو ميار ده هيجرالى حاجه بسببه وربنا
عمر : خير عمل ايه
ادم : كل شويه يطلب منى طلبات غريبه مفكرانى قاعد على بنك .. مش مهم كده المهم تخيل أنه لما كنت عندها اخر مره ضربها بالقلم قدامى انا كان هاين عليا اموته والله
عمر : لا حول ولا قوه الا بالله ايه الراجل ده يضربها وقدامك .. طب ومن وراك قصدى يعنى هى بتحكيلك أنه بيعاملها وحش مثلا
ادم : الصراحه لاء هى بتفكر صح مش عايزانى اكره أو يعنى انى ازلها بالموضوع ده بعدين مع انى والله عمرى ما هعمل كده بس هى برضوه لسه مش عارفنى كويس عشان تأتمنى اوى كده
عمر : بصراحه كده ى ادم انت لسه هتكمل ولا بتفكر تفسخ  الخطوبه دى
ادم : صراحه ساعات بفكر افسخها واقول أنه حياتى هتبقى فيها مشاكل كتير وأنها اكيد نفسيا متاذيه منه ومن طريقه تعامله معاها وانى هاخد وقت كبير جدا لحد ما تثق فيا ... بس ارجع واقول هى تستاهل انى اعمل اكتر من كده واستحمل بابها واستحملها هى كمان
عمر : ده المهم عندى .. وبعدين انت حتى لو اتجوزتها علاقتك هتبقى سطحيه مع بابها .. اهم حاجه تربيتها وأخلاقها والواضح أنها متربيه كويسه وهو ومامتها  مربينها  كويس بالرغم من قسوته معاها ...لاسف فيه أهل بيفكروا أنه دى الصح المعامله بقسوه مع أنه الحقيقه غير كده خالص
ادم : عقبالك انت كمان نفسى افرح بيك مفيش حاجه ولا واحده حاطط عينك عليها
عمر : لاء مفيش .. قولى صحيح كتب كتابك أمته
ادم : بتوهنى بس تمام هعديها كتب الكتاب مفروض أنه الجمعه الجايه
عمر : ادم انا مش عارف إذا كان صح اسالك ولا لاء بس انا بتعامل معاك ع انك اخويا
ادم : ما تخلص ى عم عايز تسال على ايه
عمر : طالما انت بتقول أنه بابها مادى كده هتعمل ايه فى الجهاز قصدى اتفقتوا انت هتجبب ايه وهما هيجيبوا ايه ولا لاء
ادم : هو لمح من بعيد أنه مش عنده المقدره الماديه اوى فأنا قولت  انى مش عندى مانع انى اجيب كل حاجه على مقدرتى زى ما الشرع بيقول ومامتها  مكنتش موافقه خالص غير لما انا حلفت انى هجيب كل حاجه وكانت محرجه جدا منى بس انا حلفت عشان مش يحصل بينهم مشاكل وهى أصرت أنها هتجيب ادوات المطبخ  ولبس ميار  .. بس عادى  لو قالت إنها مش  هتقدر  تجيبهم اجيبهم انا على مقدرتى مش  لازم الفشخره دى
عمر : انت صح كده ل ادم صح جدا مفروض الحاجات دى تتفقوا عليها من الاول عشان مش يحصل مشاكل بعدين .. وطبعا هتكتب قايمه
ادم : اه طبعا حقها .. بس انا مش ناوى غير انى افضل معاها بقيه عمرى أن شاء الله.
عمر : ربنا يسعدك يارب انت تستاهل كل خير
ادم : اه صحيح فكرتنى بمناسبه اللى يستاهل كل خير متوافق على عمار ولا ايه .. قصدى اختك وافقت يعنى
عمر : لسه بتفكر وانا مش عايز اضغطها برضوه
ادم ( بضحك ) : لسه بتفكر دى .. وبعديها ترفضه  زى ما عملت معايا هههه
عمر ( سكت شويه وبعدين مشى من غير ما يرد )
ادم : هو انا غلطت ولا ايه

فى بيت جهاد
اروى : ازيك ى طنط عامله ايه
سعاد : الحمد لله ى حببتى اخبارك ايه واخبار جوزك
اروى : الحمد لله ى طنط فى نعم .. بقولك انا عايزاه اخد منك جهاد شويه هنروح نلف مع بعض ونخرج من زمان مش خرجنا
سعاد : طيب ى حببتى اخرجوا .. بس بالله عليكى تعقليها انا تعبت معاها كل شويه يجى ليها عريسان زى الفل وهى مش موافقه على اى حد .. طب اسالها  رفضت اخر واحد ليه
اروى : جهاد رفضتى اخر واحد ليه
جهاد : حلف بالطلاق اه والله فى نص الكلام كان بيهزر فحلف بالطلاق انا استأمن  نفسى مع واحد. مفكر الطلاق لعبه
اروى : لاء معاها حق ى طنط الصراحه ده بيحلف دلوقتى ومفيش حاجه يبقى بعدين هيعمل ايه
سعاد : طب اساليها ايه قبله
جهاد : اللى قبله قالى أنه مش حابب النقاب .. واللى قبله بساله عن الصلاه مردش  بيقولى دى حاجه بينى وبين ربنا لاء طبعا حقى اعرف واسأله وهو يحاوب انا معنديش اى استعداد اتجوز حد مش بيصلى أمن نفسى معاه ازاى
اروى : جهاد معاها حق جدا ...  واضح انها عارفاه هى عايزاه ايه ودى اهم حاجه لازم الواحد يكون عارف هو عايزاه ايه من شريك حياته
سعاد : يعنى انا بقولك تعقليها تعومى على عومها كده .. قومى يلا ى جهاد البسى عشان مش تتاخروا
( جهاد قامت تلبس بعد شويه خرجت من الاوضه )
اروى ( بصدمه ) : نهار ابيض ى جهاد ايه ده إللى انتى عاملاه فى نفسك ده .. اسود فى اسود طب فتحى فى اى حاجة البسى الخمار ملون طيب الدريس
جهاد : مالى كده ما انا زى القمر اهو .. يلا عشان مش نتأخر
سعاد : انا تعبت معاها والله .. علطول خارجه لابساه اسود فى اسود لما تفتحها تلبس الخمار الكحلى أو النبتى
اروى : لاء  الله  يكون فى عونك ى طنط ... ايه ده طب كويس والله لبستى كوتشى ابيض
جهاد : عيب عليكى ده أنا فى الشياكه والالوان معنديش ياما ارحمنى
اروى : والله اللى يشوفك فى البيت وانتى لابساه البيجامه الملونه   وحاطه ميكب ومسرحه شعرك تسريحه انا معرفش اعملها مش بشوفك دلوقتى وانتى لابساه اسود فى اسود مس باين منك اى حاجه
جهاد : تسريحه الشعر هبقى اعلمها لك بعدين .. بالنسبه بقا للبسى ى حببتى انا فى البيت اعمل إلى. انا عايزاه انما بره لازم التزم بحجابى الشرعى .
اروى : معاكى حق .. يلا
وفعلا مشوا ووصلوا المطعم إلى جوز اروى عازمهم فيه ووصلوا المطعم .. كان قاعد على الطربزيه طارق " جوز اروى " أنس " صاحبه "
لما وصلوا اروى سلمت بالايد على طارق وأنس
وجهاد : اسفه مش بسلم
طارق( بيحاول يغير الموضوع )  : كل ده تاخير
اروى : معلش بقا على ما أقنعت جهاد  ومامتها .. يلا شوفوا هنطلب ايه
طارق : ده انتى جايه على الحامى كده
اروى : بصراحه اه .. بص جهاد اتكلمت معايا وخلتنى اخد بالى من حاجات كتير اوى مكنتش واخده بالى منها 
طارق : ومين سمعك .. أنس برضوه خلنى اخد بالى من حاجات كتير جدا .. ويعد تفكير كبير انا قررت أنه تعملى اللى انتى عايزاه والأهم اللى يريحك
اروى : حببى ى طارق والله .. هو شهر واحد بس ارتاح فيه وأن  شاء الله ترجع الشغل تانى
طارق : شهر سنه مش عايزاه ترحعى براحتك
فلاش باااك
طارق : ايه اللى انا فيه ده .. اقولها تعد  من الشغل قبل ما نتجوز تعند وتقول لاء .. ودلوقتى بعد ما اشتغلت تقولى هعد من الشغل بعد ما دخلتنى فى كميه اقساط ومصاريف مطلوبه منى انا مش هقدر ادفع كل ده .. ولما ارفض ابقى وحش ومش عايزاها ترتاح وابقى ضدها  هى مسائله عند وخلاص واللى هى عايزاه هو اللى لازم يحصل
انس : خلصت .. واضح انك خلصت وقولت كل اللى عندك اقول انا بقا اللى عندى ... هى مش ينفع تحس انها شغاله عندك بتجيب ليك  فلوس وبس ده غير أنه مش  حقك تاخد منها مليم وكمان  محدش فى الدنيا بيحب أنه يتجبر على حاجه يعنى انت لما قولتلها تعد هى حسيت كأنك بتحبرها فرفضت ودلوقتى لما فكرت  مجرد التفكير أنها تعد من الشغل والدليل أنها فكرت بس انها مش اخدت خطوه جديه زى مثلا أنها تقدم على اجازه من غير ما تقولك   كان مستنيه  منك انك تقولها اعملى اللى يريحك ومهما كان قرارك أنا موافق عليه انما انت اتعاملت معاها على أنها عدو لازم تفوز عليه وكلامك ورابط هما الصح  ... حاجه كمان مراتك زى ما انت قولت بتحب الشغل جدا يعنى مش هتعرف تعد من غير ما تشتغل وكمان انت قولت أنها دكتوره يعنى ممكن جدا مس تعرف تاخد اجازه وممكن تاخدها وبعدين يطلوبها فى الشغل ساعتها هتضطر تركع الشغل  وانت هتكون  جميل وطيب وهتفضل فاكراها لك طول العمر .. وكمان حاجه الاقساط ده موضوع فاشل من كل المقاييس انتو بقالكم كام سنه متجوزبن عشان يكون عليكم الاقساط دى ومعظمها حاجات مش مهمه العربيه مكنش ليها لازمه دلوقتى خالص ... وكمان انت بتقول انكم مش بتخرجوا عن الاقل يوم فى الأسبوع يسيدى خليه يوم كل اسبوعين تغيروا جو وتتكلموا شويه فيها حاجه دى
طارق : نهار ابيض .. انا مفكرتش كده خالص تصدق معاك حق انا عملت الموضوع كبير وهو ولا حاجه  انا هعمل بنصيحتك واكلمها
وفعلا طارق كلمها وعزمها على الغدا وهى وافقت وقالت إنه  جهاد معاها هيبقى شكلها وحش لما تسببها كده  قالها تجيبها وهو هجى مع صاحبه عشان مش تحس انها عازول ما بينهم
نرجع تانى
طارق وأنس ضحكوا لبعض وجهاد واروى ضحكوا لبعض كل واحد فيهم حد أنه انتصر
اد ايه الجواز ده موضوع صعب جدا ومرهق بس الحقيقه انه يستاهل كل التعب ده والا ربنا مكنش وصفه " ميثاق غليظ " بس المشكله فيه أنه كل واحد عايز ياخد اللى هو عايزاه .. والحقيقه انك تقدر تاخد اللى انت عايزاه بس بالطريقه والأسلوب والكلمه الصح الموضوع محتاج تدريب كبير وفهم شخصيه اللى قدامك كويس جدا
# روايه صدفه # امنيه الطحان