صدفة

الجزء الرابع

عمر روح البيت وهو مضايق جدا  ام عمر بتنادى عليه
عمر :  ايوه ى ماما
ام عمر ( ناديه ) :  ايه ى بنى مالك شكلك مضايق
عمر :  انا مكنتش ناوى اقولك بس انتى عارفه انى مش بخبى عنك حاجه ، عمار  طه جالى النهارده فى الكليه
ناديه( بصدمه )  : بجد .  وانت عملت ايه ؟
عمر :  طردته طبعا ، ولا انتى نستى كل إللى حصل
ناديه :  انت غلطان ى عمر مكنش ينفع تطرده  ده جالك لحد عندك كنت اسمعه ع الاقل
عمر :  ما اقدرتش ى ماما انا بشر

فى بيت فلسطين
اخت فلسطين( ميرنا )  :  ما تخلصى ى بت
فلسطين :  ايه ى ميرنا هو وصل ؟
ميرنا :  ايوه وقاعد مع ابوكى يلا ، بس ى بت ده مز . ده احلى من مالك خطيبى
فلسطين :  ايه ى ميرنا عيب كده . وبعدين المهم خلقه ودينه زى ما قال الرسول صلى الله عليه وسلم
يلا ى فلسطين ( باباها بينادى )
_فلسطين : السلام عليكم
اسامه :  وعليكم السلام ازيك ى فلسطين ( ومد ايده عشان يسلم )
( فلسطين بصت لبابها)
ابو فلسطين ( محمد ) :  ما تسلمى ى بنتى هيفضل مدد   ايده
فلسطين :  اسفه مش بسلم
اسامه (اتحرج اوى ): احمم
محمد ( حاول يغير الموضوع ) : اتفضل  ى بنى .عن اذنكو اسيبكو شويه تتكلموا
فلسطين : خليك معانا لو سمحت ى بابا
محمد : لاء هسيبوكم تاخدوا راحتكم عشان تعرفوا تتكلموا حتى
فلسطين : بابا خليك لو سمحت 
اسامه : عادى ى عمى خليك انا مش مضايق. اعرفك بنفسى ى انسه فلسطين انا اسامه ٢٦ سنه مسافر السعوديه شغال محاسب والحمد لله بصلى ومش بدخن  مش عندى اخوات  باباه وماماه متوفين. انا عايش لوحدى فى السعوديه وعندى شقه هنا بس طبعا مقفوله لانى بفضل فى السعوديه  سنتين بنزل شهر بس فطبعا الموضوع هيبقى صعب لو فضلتى هنا  واكيد هتسافرى معايا 
محمد : ايه ده ى استاذ اسامه  حضرتك مش قولتلى انك هتاخدها معاك
اسامه : انا حضرتك زى ما قولك  بفضل سنتين وبجى شهر واحد فصعب اوى انى اسيبها هنا 
محمد :  يومين ان شاء الله ونرد عليك شرفتنا 
اسامه :  عن اذنكو ( ومشى)

نرجع لعمر تانى 
  عمر خلص مع ماماته الكلام ودخل عشان ينام لقى آدم    بيرن عليه وبيقولوه   انه عاوز يقابله وفعلا عمر راح
_عمر : عايز ايه ى بنى انا كنت هنام
ادم : معلش ى سيدى هتعبك معايا . ايه إللى انت عملته النهارده مع عمار ؟
عمر : نعم عملت ايه يعنى. دى اقل حاجه ممكن تتعمل  ولو سمحت ى ادم بلاش تدخل نفسك فى الموضوع ده عشان مش نخسر بعض تمام 
ادم : انا كنت مفكر انى صاحبك الانتيم ومفيش عندك اسرار بتخفيها عليا 
عمر : طبعا ى ادم انت صاحبى وكل حاجه .بس بجد مجرد تذكر الموضوع بيضايقنى .
ادم : خلاص براحتك . تاكل ايه انا عذماك على العشاء عد الجمايل بقا
عمر( بضحك )  : فعلا ى ادم جمايلك زادت  عليا

فى بيت عمر
نادين بتذاكر لانه عندها امتحانات . لقيت رساله مبعوتلها  على الواتس " انتى مفكره كده مش هعرف اجيب رقمك.  .. هتجوزك ى طفلتى "
بصراحه نادين فكرت ترد عليه لأنها شخصيه فضوليه جدا وهى عايزاه تعرف هو مين اللى مركز معاها اوى كده وجاب رقمها الجديد وكنت فعلا هترد
بس شويه وقالت إنها كده بتفتح ليه البيت وأنه كلامها معاه ملوش لازمه وكده كده مش هيقولها هو مين وحتى لو قال مش هتستفيد اى حاجه بالعكس هتخسر أنها عملت ليه اللى هو عايزاه وفتحت ع نفسها مدخل الشيطان ببحبوه اوى وبيحصل بسببه بلاوى
فقررت تعمل الصح وعملت بلوك من غير ما ترد

يترى ايه حكايه  عمار  ؟ وهل فلسطين واهلها هيوافقوا على اسامه ؟ ومين الشاب اللى بيحاول يكلم ميرنا ؟ ده اللى هنعرفه الجزء الجاى # روايه صدفه # امنيه الطحان