صدفة

الجزء الثالث والعشرون

طارق : اروى  كانت طول الوقت بتحكلى عليكى واد ايه انتى صاحبه مقربه منها من انكم مش نفس السن ولا حتى مجال الدراسه
جهاد : مش لازم عشان نكون اصحاب اننا نكون نفس السن ولا الدراسه
طارق : اه طبعا .. وانت ايه رايك ى انس
انس : احمم .. اه طبعا مش لازم .. بس برضوه انا رأى لما نكون مع بعض طول الوقت بحكم الدراسه والسن ده هيكون افضل وهيخلق مواقف اكتر
جهاد : مش شرط خالص على فكره انا معايا أصحاب  مقربين ليا فى نفس الدراسه والسن وبالرغم من كده اول حد بفكر احكيله على مشكلتى هى اروى
اروى : حبيتى ى جهاد والله .. وانا كمان بالرغم من انك اصغر منى بس بحس أنه انتى تفكيرك ناضج جدا
انس : ممكن ى انسه جهاد عشان مدام اروى اكبر منك فى السن فأنتى بتاخدى من خبرتها
اروى ميلت على طارق وبصوت واطى : ايه صاحبك ده .. قصده انى كبرت
طارق بصوت واطى : لاء طبعا ى حبيتى مش قصده
جهاد فى نفسها : بيقول انسه ومدام غريبه اوى لسه حد بيتكلم بالالقاب
جهاد : ممكن برضوه
طارق : المهم تأكلوا ايه انا عازيمكم بمناسبه أننا اتصالحنا
جهاد : لا والله ملوش داعى
طارق : ازاى لاء طبعا  شوفى هتطلبى ايه
جهاد : اروى انتى هتاخدى ايه .. اللى هتاخديه هاخد زيه
وفعلا اليوم عدى وكان لطيف وجهاد حاولت أنها تعزم أنها تدفع حسابها ( ده زوقيا طبعا ) وطارق رفض بشده
اروى : معلش ى طارق ممكن اروح انا وجهاد نشترى كذا حاجه فيه محل فى المول ده تحفه
طارق : تمام مفيش مشكله ( وعطاها فلوس )
اروى : ربنا يبارك ليا فيك يارب .. عن اذنك
طارق : بس حاولى مش تتاخرى ( ومشى مع انس )
جهاد : يلا عشان مش نتأخر
اروى : لاء أن شاء الله مش هنتاخر يلا
وراحوا فعلا يجيبوا هدوم جهاد اشترت فستان ارزق عجبها جدا جدا وجابت عليه كالعاده خمار ونقلب اسود
اروى : جهاد عشان خاطرى هانى لون فاتح .. طب بصى بلاش فاتح هاتى ابيض
جهاد : اروى لو سمحتى انا جيبته عشان حبيته.. كده والله مش اشتريه خالص
اروى : وعلى ايه ى اوختى هاتيه احنا كنا فين وبقينا فين .. طب هتجيبى الخمار متر وربع 
جهاد : متر وربع ليه أن شاء الله
اروى : عشان الشغل اللى فى الفستان يبان
جهاد : لاء طبعا متر ونص .. يلا عشان نشترى ليكى خمار على الدريسان بتوعك انا بقول نجيب نبتى هيبقى قمر عليهم
اروى : جهاد ممكن اسالك سؤال انا مش هستنى ردك انا هسأل علطول ههههه انتى ساعات مش بتحسى انك عايزاه تكونى بنوته وتكونى زيهم يعنى تلبسى كل الالوان اللى تحبيها مش دايما الاسود  .. مش لازم تقلعى النقاب بس قصدى أنه فيه بنات منتقبات مع كده بيلبسوا لبس جميل جدا وشيك وملون
جهاد : هههه قصدك انى مش شيك ماشى ى ستى مقبوله
اروى : لا والله مش قصدى
جهاد : انا فاهمه قصدك والله .. بصى ى اروى انا لحد من ٥ سنتين بالضبط كنت بلبس كل اللى انا عايزاه بس مكنتش حاساه باى راحه خالص بس دلوقتى لما لبست النقاب حسيت بالراحه دى .. وبالنسبه لالوان بعيدا على انها تنفع المنتقبه أو لاء فأنا بحس النقاب ده شىء مقدس ..حاجه بتبين دينى ومدى التزامى عشان كده بحاول أنها تكون فى احسن شكل وقصدى فى احسن شكل يعنى مش يكون ملفتت باى شكل كان وطبعا مش قصدى أنه المختمره أقل منى تدينا لاء خالص .. ده أنا بكون لابساه اسود فى اسود زى ما انتى شايفاه وباخد نقد من هنا للصبح من كل الناس الناس اللى  شايفين أنه انا مزودها   وانى كده مش هتجوز وأنه المفروض لبسى يكون ملون وعادى مش البسى الحوانتى والناس اللى شايفين أنه النقاب الماليزى ده فتنه اه والله ناس بيقولوا عليه فتنه والكوتشى الابيض ملفتت ... أما بقا لموضوع أنه انا مش بحب الألوان لاء خالص انا بحبها وبحبها جدا كمان والدليل انى بلبسها فى البيت براحتى وبحط ميكب كمان انا فى البيت اعمل اللى انا عايزاه بره لاء
اروى : معاكى حق جدا ربنا يثبتك
جهاد : امين
وراحوا المحل عشان يجيبوا الخمار بتاع اروى 
اروى : لا سمحتى عايزاه نقاب تنده نفس الدرجه
جهاد : ايه بتقولى ايه ى اروى
اروى : استنى بس ى جهاد .. لو سمحتى عايزاه نقاب مع خمار ألوانهم  اسود وتبنى وزيتى وبيج وهافان واى  غوامق عندك
جهاد : انتى فكرتى كويس
اروى : انا زهقت وتعبت من كتر التفكير والله انا نفسى البسه من زمان بس طول الوقت بخاف بس دلوقتى مش خايفه خالص انا حابه اخد الخطوه دى وخصوصا انها صح ربنا قال " وسارعوا فى الخيرات" الشعرواى لما جه يفسرها قال أول ما تيجلك النيه لحاجه   كويسه اعملها عشان انت مش ضامن نفسك ولا تقلباتها
جهاد (حضنتها) : ربنا يثبتك يارب انا فرحانه بيكى جدا
اروى : وانا والله فرحانه بنفسى اوى
جهاد :طب وزوجك
اروى : لاء من الناحيه دى اطمنى هو بيحب النقاب وكذا مره نفتح الموضوع يقولى أنه نفسى البسه
واروى أصرت تخرج من المحل وهى لابساه النقاب
اروى : النقاب مضبوط ى جهاد حاساه مش حلو
جهاد :والله حلو حلو انتى سالتنى كام مره لحد دلوقتى ؟
اروى : معلش ى ستى انا متوتره شويه بس فرحانه اوى
جهاد : ربنا يفرح قلبك يارب
اروى : جهاد بس شوفتى انس ده شكله محترم
جهاد : انس !! انس مين
اروى : نهارك ابيض انس مين .. صاحب طارق جوزى ى جهاد
جهاد : اه .. ماخدتش بالى
اروى : يعنى ايه ماخدتيش بالى أن شاء الله
جهاد : يعنى ماخدتش بالى اقول ايه يعنى
اروى : مش بصيتى ليه ؟
جهاد : احنا بنتنا متبصش على رجاله ى اوختى
اروى : طب خلاص  مش مشكله شكله .. ايه رايك فى ذوقه وأخلاقه
جهاد : شكله محترم .. يلا بقا انا ماشيه عايزاه حاجه
اروى : عايزاه سلامتك
وكل واحده راحت بيتها جهاد روحت لمامتها وورتيها الفستان وحكتلها تفاصيل اليوم زى ما هى متعوده " حقيقى دى من اجمل الحاجه الى. ممكن تكون بين اى بنت وامها أنهم يكون أصحاب مع بعض طول الوقت ويحكوا لبعض حياتهم.. امك هى اكتر حد بيحبك فى الدنيا وهيسمعك وهتحل مشاكلك وهتفهمك الصح من الغلط والأهم عمرها ما هتذلك باى غلطه بعدين لو انك مش كده حاولى انتى تصاحبها وتحميلها يومك حتى لو عصب ههههه  .. والأمهات كمان حاولوا تصاحبوا بناتكم وتبنوا بينكم ثقه وحب عشان تجى تحكيلك كل  حاجه وهى مش خايفه وحتى لما تحكيلك أنها غلطت حاولى تفهيمها غلطتها بالراحه واوعى  تتعصبى عشان تحكيلك كل حاجه "
فى بيت انس
انس فضل يفكر فى جهاد طول الوقت ما اول ما روح وقرر أنه يحكى لعمار اخوه يمكن يرتاح شويه
خبط على الباب وعمار سمح ليه بالدخول
انس حكى لعمار كل حاجه
عمار : وانت عايزاه ايه دلوقتى
انس : مش عارف والله هل ممكن اكون بحبها
عمار : انت عبيط يلا بتحبها فى الكام دقيقه دول .. ده لو كده مكنش حد غلب
انس : مش عارف ى عمار حاسس انى مشدود ليها كده مع انى مش شايف منها اى حاجه خالص
عمار : خدلك يومين كده تفكر وشوف كده هتيحى على بالك كام مره وبعدين قرر 

انس : ربنا ييسر هى الساعه كام( وفتح موبايل عمار عشان يشوف الساعه ولما فتحه اتفأجأ وضرب اخوه بالبونيه )
عمار :  انت عبيط بتضربنى ليه .. والله لولا انك اخويا الكبير كنت مدينة ايدى عليكى 
انس : ايه ده ى عمار صوره مين دى
عمار : صوره خطيبتى.. انت مالك
انس : اولا مش خطيبتك لسه مش بقت خطيبتك وحتى لو خطيبتك ده مش يديك الحق انك يكون معاك صوره ليها وتحطها خلفيه لموبايلك ممكن حد غريب يشوفها  ثم تعالى قولى انت جيبت صورتها منين
عمار : احمم .. هى حطاها واتس
انس : ما شاء الله وبتكلمها واتس كمان
مالك : لا والله مش كلمتها انا جيبت رقمها وهى عامله الصوره للكل فاخدت الصوره اسكرين وحطاطها
انس : ده مش صح خالص ى عمار .. مش حقك امسح الصوره دى واعمل بلوك لرقمها عشان اقسم بالله هتلاقى منى تصرف مش هيعجبك وبعدين مين المنتقبه اللى معاها فى الصوره دى
عمار : مش عارف بس تقريبا صحبتها .. بس والله مش قاصد اجيبها .. هى اللى حاطها الصوره مع صاحبتها  ولما حاولت اقصها لقيت نادين مش واضحه خالص فسيبتها  وانا مش قصدى ابص على صاحبتها خالص دى حته مش باين منها اى حاجه اهى
انس : طب اعمل زى ما قولتلك .. اه صحيح عمر هيرد عليك أمته
عمار : المفروض بكره أكلمه ادعيلى توافق لو رفضت هزعل اوى
انس : وكمان من ضمن الأسباب إلى بقولك احذف لصوره واعمل بلوك عشان لو مش حصل نصيب مش تفضل متعلق بيها اوى كده
عمار : بعد الشر لاء هتكون نصيبى أن شاء الله
انس : ربنا يرزقك بالخير كله يلا بقا عشان ننام عشان تلحق الفجر اتمنى تقولوا رايكم .. لو على واتباد حطوا نجمه وسيبوا تعليق لطيف زيكم 
# روايه صدفه# أمنيه الطحان