صدفة

الجزء السابع عشر

ادم : ازيك ى عمر عامل ايه
عمر : الحمد لله فى زحام من النعم
ادم : بقولك انا عايز اقابلك اجيلك البيت ولا نتقابل بره
عمر( افتكر أنه أخته ومامته مش فى البيت )  : تمام تعال البيت
ادم : أن شاء الله هكون عندك كمان شويه سلام ( وقفل )
ادم : ايوه .. انا اتصلت على ادم ووافق نروح ليه البيت اجهز وانا جايلك اهو
..: تمام
بعد شويه ادم راح ومعاه حد لعمر
ادم ( رن الجرس ) وعمر وراح فتح
ادم : السلام عليكم
عمر : وعليكم السلام .. اتفضل
ادم : بس انا جايب معايا حد لو مش عايزاه انا كمان همشى
عمر : حد مين
فجأه عمار جه
عمار : ازيك ى عمر عامل ايه
عمر ( بتوتر ) : الحمد لله .. ازيك انت ى عمار اتفضلوا
عمار وادم اتفأجوا وفضلوا يبصوا لبعض
ادم : عمر انت متاكد..  ده عمار ابن عمك
عمر ( بضحك ) : ما اكيد عارف انه عمار .. ادخلوا ولا هتفضلوا وافقين على الباب ( ودخلوا وعمر شاور على الصالون )

عمر : عن اذنكم اجيب ليكم حاجه تشربوها ( ومشى )
عمار : انا مش مصدق ده أنا فكرته هيطردنى ولا حاجه
ادم : ولا انا والله انا قولت كده .. قولت هنمشى انا وانت وهيبقى شكلنا وحش وهخسر صاحبى الوحيد
عمار : بعد الشر .. متعرفش هو اتغير ليه كده
ادم : والله ما اعرف بس انا حاولت معاه وفشلت
عمر جه
عمر : اتفضلوا
ادم وعمار شربوا العصير
عمار : بص ى عمر انا مس عارف مين اللى اقنعك انك تسمعينى أو تسامح عمك بس المهم اننا قاعدين مع بعض دلوقتى .. وانا عندى ليك طلبين
عمر : طلبين ... ده انت طماع اوى
عمار : دى حقيقه
ادم : معلش بس .. اصل انا واحد فضولى زى ما انتو عارفين فأنا عايز اعرف ايه اللى غيرك كده
عمر : بصراحه حد اقنعنى وانا اقتنعت وحسيت انى كنت غلطان فكنت حابب اصلح الغلط ده .. وع فكره انا اللى كنت ناوى اجيلك نتكلم بس انت سبقتنى
ادم : ياه .. واضح أنه شخص ذكى جدا ومقنع لدرجه انك كمان كنت هتروح ليه
عمر : دى حقيقه..  المهم ايه اللى طلبين اللى انت عايزاهم ى عمار
عمار : الطلب الاول انك تاخد كل حق فى ميراث ابوك انت واختك ومامتك بالعدل وأدى كل الاوراق اللى تثبت ملكيتك فى البيت وكل الحاجات بتاعت باباك اللى يرحمه والفلوس إلى كانت فى تجاره اللى ابويا الله يرحمه كان بيشتغل بيها وضمها لفلوسه
ادم ( باحراج ) : طب عن اذنكم انا دى مسائل عائليه مينفعش اكون موجود فيها
عمر : خليك ى ادم .. انا بعتبرك زى اخويا بالضبط .. وكفايه انك حاولت بدل المره اتنين توافق الدنيا بينى وبين عمار
ادم ( بفرح ) : ده اقل واجب ى صاحبى
عمر : الطلب الاول انا مكنتش موافق الصراحه اخد الفلوس دى لسبين الاول  انى الحمد لله مش محتاجهم اوى والتانى انى مكنتش عايز حاجه من باباك الله يرحمه .. بس دلوقتى انا هخد الفلوس وانا مسامح ابوك الله يرحمه يارب
ادم وعمار : الله يرحمه
عمر : ايه الطلب التانى ى عمار
عمار ( باحراج ): انا .. انا يعنى بس توعدنى أنه مش هيأثر على علاقتنا ولا كلمنا ده
عمر : اوعدك .. قول بقا
عمار : انا عايز اطلب ايد اخوتك
عمر ( بصدمه ) : اختى .. وانت تعرفها منين ..قصدى شوفتها فين ده انتم مش شوفتوا بعض لما كان هى عندها عشر
عمار : مش الرسول صلى الله عليه وسلم قال ما معناه" تنكح المرأة لاربع لجمالها ومالها وحسبها ودينها فاظفر بذات الدين تربت يداك " فأنا متاكد طالما أنها اختك فهى اكيد ذات دين
ادم : ى ولا .. عايز تقنعنى انك مش شوفتها وهى كبيره
عمار( باحراج ) : .... ادم فيه ايه
ادم: لاء مفيش حاجه
عمر : المهم انا هسال اختى وربنا يعمل اللى فيه الخير
عمار : عن اذنك
ادم: لسه فاكر تمشى دلوقتى .. انا واحد خطوبتى بكره مش  فاضى لكم
عمار : مشى ى عم المشغول .. ادينا مشيين اهو عشان تفضى لخطوبتك
عمر راح يوصلهم على الباب ( وده من الزوق )
عمر لسه بيفتح الباب لقى نادين أخته فى وشه وعمار وادم  وراه
نادين : ايه ى عمر الحر ده أنا معدتش طايقه نفسى حاسب كده أما اقلع الخمار
عمر : نادين
نادين : ايه بتنده عليا ليه بتحفظنى أسمى مثلا هههه ( وبدأت تقلع الخمار فعلا )
عمر : مع السلامه ى عمار
عمار ( بيضحك ) : الله يسلمك
نادين : نهار ابيض عمار مين وحاولت تدارى نفسها بالخمار
عمار( حاول مش يبص عليها بس مش  قدر .. بقى زى الحرامى وهو بيخطف نظرات كده وهو يلبس الجزمه )
ادم : انا ماشى عايز حاجه
عمر ( بهمس) : عايزاك مش تمشى
ادم : تمام ( ومش بص  لنادين خالص )
عمار لبس الجزمه ومشى
نادين  : السلام عليكم ( ودخلت علطول )
ادم رجع الصالون تانى
ادم : عايز ايه
عمر : بص زى ما قولت انا مش  محتاج الفلوس اوى .. فأنا بفكر اعملهم كصدقه ليا فاهمنى
ادم : صدقه زى ايه مثلا
عمر : هو انا كنت بفكر  (ده بعد موافق اختى  ومامله لانه فى الاخر دى فلوسهم معايا )بفكر تكون فى حاجه زى مياه والرسول صلى الله عليه وسلم قال" خير الصدقة سقيا الماء " أو مثلا فى مستشفى او مدرسه بس الصراحه انا مش ضامن فلوسى تروح فى المكان الصح
ادم : لاء مش الناحيه دى اطمن خالص فيه جميعات كتير محترمه وسمعتها كويسه انا ممكن اشوفلك جميعه منهم
عمر : بس انا كده مش هكون تعبت .. انا بفكر انى اخلى الفلوس دى عشان اجوز بيها الشباب يعنى لو شاب محتاج طبعا ومش معاه فلوس يجهز شقه ويتجوز انا اتكفل بجزء من المصاريف اديك شايف الحياه عامله ازاى والجواز شىء بقى صعب جدا احنا صعبنا الحلال وسهلنا الحرام جدا .. المطالب بتاعت العروسه واهلها إلا من رحم ربى بقيت مبالغ فيها جدا وكل شويه تطلع تقاليع كده غريبه .. وكذلك البنات برضوه لو واحده محتاجه انا ممكن اتكفل بجزء .. وكل ده طبعا فى حدود المعقول مش المبالغ فيه
ادم : طب والله فكره حلوه جدا انا معاك وهشارك معاك فى الموضوع ده .. وهحاول اجيب  ناس تانيه تشارك وشوف ناس من حواليا محتاجين يتجوزوا مش عندهم المقدره ده الرسول صلى الله عليه وسلم قال ما معناه" يامعشر الرجال من استطاع منكم الباءة فليتزوج من لم يستطع فعليه بالصيام فهو ازكى للنفس واحصن للفرج "
عمر : شكرا ليك ى ادم تعبتك معايا
ادم : تعبك راحه  انا ماشى بقا .. خطوبتى بكره بقولكم مش فاضى
عمر : ماشى ى عم .. الخطوبه هتكون أمته
ادم : بعد العشاء كده .. انت عارف مليش أهل غير عمى ومرات عمى ولسه هقولهم والله اعلم هيجوا ولا لاء  .. هعدى عليك اخدك انت ومامتك واختك لو هما حابين يجوا يعنى
عمر : تمام واحنا هنسناك
ادم : مع السلامه ( ومشى )
ادم وهو ماشى : افتكرتك انا لو كنت نسيت كنت هزعل اوى (وراح مكان يترى راح فين)
ده إلى. هنعرفه الجزء الجاى # روايه صدفه # امنيه الطحان