صدفة

الجزء التاسع

نادين : قولى ى ست الكل ايه حكايه عمار دى
ناديه : طب انتى عارفاه أنه بابكى الله يرحمه اتوفى وانتى عشر سنين وبعد ما اتوفى بيومين بالضبط جه اخوه طه البيت وطلب أنه يتجوزنى وهو ساعتها كان متجوز وانا رفضت طبعا
نادين : رفضتى ليه 
ناديه : لعده اسباب اولا انا مكنتش عايزاه اتجوز بعد بابكى الله يرحمه  وكمان عشان هو متجوز ومراته اكيد مش هتحب كده والأهم من ده كله أنه كان عايز  يتجوزنى مش عشانكم ولا عشان يربوكم لاء عشان الميراث مش يروح لحد غريب
نادين : وانتى عرفتى منين أنه ده اللى هو بيفكر فيه .. قصدى ما يمكن كان حابب أنه يربى ولاد اخوه
ناديه :  طه مش الإنسان ده .. ولما رفضته  بعدها باسبوع بالضبط طردنا من البيت و اخد  الميراث
نادين : ايه .. لا حول ولا قوه الا بالله
ناديه : اه والله ده اللى حصل .. ولولا البيت بتاع ابويا وميراثى من اهلى كنا بقينا فى الشارع حرفيا
نادين : وانتى سببته بعمل كده .. قصدى مش  حاولتى تاخدى حقك
ناديه : حاولت كتير جدا وياما كلمت ناس عشان يكلموه ويحلوا  المشاكل إلى بينا  وكان يقولهم مش عندى حاجه ليهم .. لدرجه انى رفعت عليه قضيهبس لاسف  هو كسبها لانه جاب عقد المفروض أنه بابكى مضى عليه وطبعا مزور .. والناس كلها بقت تقولى خلاص معدتيش تحاولى تجيبى حقك  وخصوصا انك ست لوحدك  كنت ارد دايما " المؤمن القوى أحب الى الله من المؤمن الضعيف " وأنه ربنا طلب مننا أننا نجيب حقنا ونكون اقوياء فى الحق
نادين ( بضحك.): انا برضوه  معرفتش مين عمار
ناديه : عمار ده يبقى ابن عمك طه
نادين ( بغضب ) : وجاى عايزاه ايه أن شاء الله
ناديه : بعد اما عمك اتوفى الله يرحمه وصى أنه فلوسنا وميراثنا يرجعولنا وعمار  عايز ينفذ الوصيه
نادين : بعد ايه بقا .. اوعى ى ماما تسامحيه
ناديه : انا مسامحه من يومها ى بنتى الدنيا مش مستاهله .. انا مسامحه لانى اكيد غلطت وظلمت ناس فأنا عايزاه اسامحه عشان الناس تسامحنى ولا انتى مش عارفاه الحديث بتاع الرسول صلى الله عليه وسلم معناه  أنه فيه شخص  حد ظلمه فى الدنيا  والشخص ده بيطلب  من ربنا أنه يقتص منه ويجيب ليه حقه فربنا ببقولوه بص كده على يمينك فلقى قصر جميل جدا فبيقولوه لمين القصر ده يارب فربنا رد عليه للى معاه تمنه فالشخص رد ومين اللى معاه تمنه ربنا رد للمتحابين . ربنا قالوه خد اخوك وادخلوه ففى اخر الحديث الرسول صلى الله عليه وسلم بيقول " عجبت لرب يصلح بين عباده " ... انا مسامحه انما اخوكى مش قادر يسامح ولا بنسى وطبعا ده حقه ومش اقدر الومه عليه
نادين : ازاى انتى مسامحه وفى نفس الوقت مش تقدرى تلومى على عمر وهو مش  مسامح
ناديه : لانه ببساطه دى قدرات انا قدرت اسامح هو لاء .. مش اقدر اجبره أنه يسامح ومفيش لوم ولا ذنب عليه أنه مش قادر يسامح .. انا كل اللى بطلبه من عمر أنه يعامل ابن عمه كويس بس كده
نادين : سيبهولى وانا هكلمه 
ناديه : ماشى ى بكاشه

فى بيت ادم
عمر : ايوه ى ادم بقالك اسبوع مش جيت ليه الكليه انا مش هفضل كتير اعطى المحاضراه بدالك
ادم : انا بفكر اصلا انقل لجامعه عين شمس
عمر( بصدمه )  : نعم !! واهون عليك ى صاحبى
ادم : عادى ى  عمر هنفضل أصحاب وهنتكلم برضوه
عمر : ايه اللى حصل لكده يعنى
ادم : ميار رفضتنى وبابشع طريقه دى حتى مش رضيت تبص فى وشى
عمر : ايه ى ادم اللى حصل  احكلى بالراحه كده
ادم : انا لما قعدت معاها بقولها  تبصى عليا قامت ردت انه الموضوع كده كده مش هيتم. ومش هان عليها تبص عليا ولا تكلمنى غير فى الاخر وبتقولى انى اكلم ابوها اقوله انى مش ارتحت ليها .. شايف الظلم يعنى انا كمان اللى أكلمه واقولوه... انا حقيقى تعبت .. هو انا وحش ؟
عمر : لاء طبعا انت كويس وكويس جدا كمان انسان محترم ومتدين وابن اصول وبيشتغل دكتور ومهندس فى نفس الوقت
ادم ( بضحك ) : ده وقت هزار
عمر : ايوه كده اضحك والله هتعدل ..
بعديها بشويه
عمر : ادم انت مش ملاحظ حاجه غريبه يعنى
ادم : حاجه غريبه ازاى
عمر : أنه هى بتقولك انك انت اللى تقول لباباها انك مش ارتحت ليها .. المفروض انها هى اللى تقول .. ولو هى رافضك انت او رافضه المبدأ مكنتش قعدت معاك من الاول
ادم : تقصد صح انا  مش خدت بالى .. بس ممكن تكون مجبره أنها تعد معايا .. بس الى لفت انتباهى أنه واضح انها مش رافضنى انا  لشخصى هى رافضه الموضوع ككل لانها قالت إنه الموضوع هيتم من غير حتى ما تبصلى
عمر : الموضوع ده فيه حاجه
ادم : ده اكيد .. ده أنا مش راضى اروح الكليه خايف اصطدم بيها أو احرجها
عمر : اه صحيح بالمناسبه انت رديت على ابوها
ادم : لا والله لسه .. مش قادر اقولها ليه
عمر : طب رن عليه وهات أنا  أكلمه
ادم طلب الرقم
عمر : السلام عليكم ورحمه الله وبركاته
ماهر : وعليكم السلام .. ايوه ى استاذ ادم
عمر : ى عمى لو سمحت ممكن اعد كمان مره مع الانسه ميار
ادم ( بصدمه و وبصوت واطي) : انت  بتقول ايه.
ماهر : طيب مفيش مشكله الجمعه الجاى تنور .. مع السلامه
عمر استنى لما ماهر قفل وبعدين قفل
ادم ( بغضب ) : ايه اللى انت عملته ده ى  عمر

فى بيت ميار
جهاد : اه ى بنتى بقالك اسبوع مش بتجى ليه ..كل يوم ابقى عايزاه اجيبلك بس على ما أقنعت الجماعه بقا
ميار : معلش ى جهاد تعبتك معايا .. بس والله مش قادره من كتر التفكير حاساه انى هموت لو مش اتكلمت مع حد

فى بيت فلسطين
فلسطين بعتت رساله على جروب صاحبتها البنات " جروب المتشردين " اللى فيه ميار وجهاد ونادين
فلسطين : بنات انا خطوبتى أن شاء الله السبت الجاى لازم تبقوا معايا من الصبح لو مش جيتوا من الصبح هيبقى كلام تانى بس كده
نادين : مبارك ى حببتى فرحتنى ربنا يتمم بخير انتى تستاهلى كل خير والله
فلسطين : عقبالك ى نن
نادين : بعد الشر .. اه صح وخطوبه عمر اخويا الأحد أن شاء الله ده أنا هتعب اوى اليومين دول .. يلا ربنا يعينى
فلسطين ( اتضايقت مش عارفه ليه )
فلسطين ( بتكلم نفسها ) : طب ما انتى هتخطبى ولا هو حلال ليكى حرام على غيرك .. وبعدين ما هو هيخطب يبقى مكنش بيفكر فيكى ولا بيحبك .. طب ما يمكن عمل كده انتقاما منك لما عرف انك هتتخطبى مكنش المفروض تتخطبى .. طب افرضى أنه مش بيحبك اصلا كنتى هتعملى ايه
دوامه التفكير إلى بتجى لكلنا
الاحداث الجايه مختلفه جدا ومشوقه استنونى  # روايه صدفه # امنيه الطحان