صدفة

الجزء الثامن عشر

النهارده خطوبه ميار
فى بيت ادم
ادم ( بيكلم نفسه ) : يعنى انا بجد النهارده خطوبتى على ميار .. يعنى ميار أن شاء الله هتبقى مراتى طول العمر .. هتبقى ام لعيالى انا مش مصدق والله صحيح انا تعبت اوى على ما وصلتلها ووافقت عليا بس معلش كله يهون عشانها ( عقبال كل البنات امايجى  حد ويقول الجمله دى" تعبت على ما وصلتلها بس هى تستاهل" وانا أولكم طبعا ههههه ) .. أما الحق اكلم عمر  عشان يجهز عشان مش اتاخر عليها .. واه الدهب اما اجيبه احطه قدامى عشان مش أنساه .. لولا الملامه  مكنتش قولت  لعمى ومراته يجوا بس مضطر اعمل ايه
ادم بيكلم عمر فى التلفون
ادم : يلا ى أستاذ مش عايز اتاخر ربع ساعة وتكون جاهز اجى اخدكم
عمر : تمام .. اه صحيح مش  المفروض عمك ومرات عمك يجوا معاك فى الملاكى
ادم : لاء هما قالوا هيجوا لوحدهم .. وبعدين انت عارف انى بعتبركم اهلى
عمر  : طبعا .. يلا بقا عشان تيجى تلاقنى جاهز
ادم : مع السلامة
وقفل
ادم اخد معاه الدهب وبوكيه ورد بلون فستان ميار وكان فستانها لونه موف كان حقيقى بسيط جدا وجميل فى نفس الوقت
فى بيت عمر
عمر : يلا عشان مش نتأخر
ناديه : انا خلصت .. هروح انادى على نادين
نادين : وانا كمان خلصت بلبس الشوز بس
عمر : الله الله .. ايه الجمال ده اختى قمر ى جدعان والخمار قمرين
نادين : بجد ى عمر
عمر : اه والله انا عمرى كذبت عليكى .. اه صحيح فين الحبوب اللى كانت فى وشك
نادين ( بفرح ) : راحت بجد؟  الدكتوره جابتلى كميه ادويه بس الحمد لله .. يعنى بجد راحت
عمر : اه والله راحت .. وكمان لما  نومك اضبطت على صلاه الفجر لما بقيتى تنامى على عشره وتصحى على الفجر  .. وكمان لما بقيتى تشربى مياه كتير الدنيا اتظبطت  اكتر
نادين : ده انت مركز معايا بقى .. ومركز مع نومى وصحيانى
عمر : إذا مكنتش اركز معاكى اركز مع مين يعنى .. يلا عشان نستناه قدام البيت
عمر سبقهم وهما وراه
ناديه ( بصوت واطي ) : مش لو كنتى وافقتى كان فاتك مخطوبه ليه .. ده ولد زى الفل ( زى كل الامهات ههه )
نادين : كل شىء قسمه ونصيب ى ماما .. وميار زى العسل والله
ناديه : ده اللى باخدوه منك
ادم جه
ادم : اتفضلوا
( عمر ركب قدام ونادين وناديه ورا ده الطبيعى ههههه)
وراحوا بيت ميار
فى بيت ميار
ميار : ماما شكلى حلو ؟
جيهان : زى القمر والله .. بس لو كنتى حطيتى شويه ميكاج كنتى هتبقى احلى
ميار : ماماه انتى عارفه رأى فى الموضوع ده .. المهم الخمار مضبوط انا بفكر اعمله بطريقه تانيه
جيهان : لاء كده قمر
وسمعوا صوت زغاريط
جيهان : يبقى اكيد العريس  وصل
ميار : انا مالى خفت كده ليه
جيهان : ده طبيعى ى حببتى .. يلا عشان مش نتأخر وخرجوا
ادم اول ما شافها : اللهم بارك .. اتفضلى( وعطاها الورد )
ادم ممكن اوريكى حاجه قبل ما طنط ناديه تلبسك الشبكه
ميار : ايه
ادم ( فتح علبه الدهب )
ميار ( بصدمه ) : ايه ده انت جيبت الطقمين .. الطقم اللى انا كنت عايزاه والطقم إلى. ماماه اخترته
ادم: اه .. خفت اوى لحد ياخدوا فروحت تانى يوم علطول جيبته
ميار : بس ده كتير اوى
ادم: ( بيربط البوبينه ):  دى أقل حاجه عندى
ميار : ماشى ههههه ى استاذ ادم .. اهو كله بيبتاع فى الاخر .. اوف ايه اللى انا قولتله ده
ادم : هههههههه .. ربنا يسترها ومش نضطر نبيع أن شاء الله هههههه
وفعلا ام ادم لبستها الشبكه واتصورت هى وادم بوكيه الورد والشبكه ( وهى فضلت أنها تلبس الطقم اللى. عجبها هى .. مهى مش هتلبس كل ده مش خليجيه هى ) واليوم  كان زى القمر بدون موسيقى واختلاط وذنوب الا حاجه واحده واليوم عدى كويس على ميار الا حاجه واحده مش ابوها لاء ( ابقى خمنى حلو ههههه  )
مرات عم ادم ( زينب ) : ايه ده ى عروسه كل دى شبكه كتير والله
ميار : ع فكره هو اللى جاب انا مش جبرته يجيب حاجه
زينب : ايه الأكل اللى انتو مقدمينوه ده مفيش فراخ ولا ايه
جيهان : عندك كبده وكفته وكل انواع الجبن ورومى ولانشون  ولا كل ده مش عجبك
زينب : لاء ى حببتى الناس بتقدم فراخ تشويها على الفحم وتقدمها للمعزايم بس يلا مش مهم
جيهان : المره الجايه بقا أن شاء الله .. يلا ى ميار عشان تقعدى مع خطيبك ..  عن اذنك ( وسابتها )
" فيه ناس وظفتها فى الحياه أنها تضايقك وتعكنن عليك فرحتك وتقلل كل حاجه عملتلها وهتعملها  وممكن يعلقوا على شكلك اللى انت مش ليك ذنب فيه وممكن يدخلوا فى حياتك .. التعامل الصح مع الناس دول انك ترفض الطريقه دى وتحرجهم وتبين ليهم أنه تصرفهم ده غير مقبول انما شغل بتاع انك تسكت وبعدين تيجى على اخر اليوم تفضل تعيط وتعاتب نفسك انك مش رديت ده مش صح .. ردوا عليهم ومش تخافوا على زعلهم لانهم مش خافوا على زعلكم من الاول... وفى الاول ممكن ترودى ردود مش  احسن حاجه ده طبيعى مره على مره هتعرفى تردى بطريقه اشيك بس اوعى تسكتى .. انا كنت كده بس اتغيرت اتغيروا انتو كمان "
فلسطين : نادين ازيك
نادين : ازيك ى فلسطين .. وحشانى بقالى كام  يوم مش شوفتك فى الجامعه
فلسطين : انا فعلا مش جيت بقالى يومين عايزاكم جدا اتكلم معاكم كلكم
نادين : طب بصى احنا عندنا بكره اول محاضره الساعه ٩ وبعدين سيكشن  ١ بينهم وقت ممكن نتكلم تمام
فلسطين : تمام جدا .. فين جهاد
نادين : اهى ( وشاورت عليها )
فلسطين : طيب .. انتى شكلك مستعجله ولا ايه
نادين : اه معلش اصل عمر اخويا رن عليا عشان اطلع ليه .. عن اذنك
فلسطين : مع السلامه اشوفك بكره أن شاء الله
نادين : سلام ( ومشيت )
فلسطين فى نفسها : انتى حصلك ايه لما جابت سيره عمر .. فلسطين مش ينفع كده انتى مخطوبه .. وهى كمان خاطب خلاص بقا بطلى تفكير فيه .. روحى لجهاد  سلمى عليها وقولى ليها تتقابلوا بكره عشان بقالكم زمان مش قعدتو مع بعض
تانى يوم
فى الجامعه
عمر : ما شاء الله اللهم بارك .. اليوم امبارح كان جميل جدا
ادم : الحمد لله .. انا مش مصدق نفسى والله
عمر ( بضحك ) : للدرجه دى
ادم : اه والله
عمر : ربنا يسعدك يارب .. بقولك عملت ايه فى موضوع الصدقه
ادم : بص كلمتك كذا حد وهما مستعدين جدا يشتركوا .. وفيه كذا اسم اعرفهم الجواز واقف على دهان البيت واللى واقف على الخشب وفيه بنات جابوا كل حاجه لسه الاجهزه الكهربائيه
عمر : تمام جدا .. هاتلى أسمائهم
فى الكافرتيا
فلسطين وميار ونادين وجهاد
قاعدين مع بعض
يترى هيقولوا ايه ده اللى هنعرفه الجزء الجاى # روايه صدفه # امنيه الطحان