صدفة

الخامس عشر

خطوبه فلسطين عدت وكان يوم الى حد كبير التزموا فيه بأنه يكون بدون ذنوب بالرغم من اعتراض المعظم على ده حتى أهلها بس هى اقنعتهم أو ع الاقل نفذت اللى هى عايزاه فى الاخر لانه ببساطه دى خطوبتها هى .. ونادين راحت مع عمر وسميه وجابوا دريس سميه واليوم بتاع خطوبه عمر عدى على خير وعمر كان قاعد مع الرجاله بره وحتى الشبكه نادين هى اللى لبستها لسميه اللى كانت لابساه نقابها وزيها الشرعى .. جهاد اتقدملها شخص ولو قعدت معاه قالها أنه بيحس أنه المنتقبات متشددات وأنه فيها ايه لما تكون لابساه حجاب عادى زى البنات كلهم وطبعا جهاد رفضته ( اسد يلا فيه ايه )
النهارده الرؤية الشرعيه بتاعت ميار مع ادم
ادم : ازيك
ميار : الحمد لله
ادم : انا طلبت اقعد معاكى كمان مره
ميار ( قطعت كلامه ) : انا عندى ليك سوالين
أولهم ليه انا قصدى يعنى انت انسان محترم وكويس وبنات كتير جدا تتمانك ليه اخترتنى انا بالنسبه للجمال فأنا مش جميله ولا حاجه وبالنسبه لأخلاق ففيه بنات اخلاقهم احسن منى
سوال التانى اللى  انا عارفاه أنه مش من حقى اعرفه هى نادين محترمه وجميله وكفايه أنها اخت صاحبك الانتيم فليه مش تتجوزها هى وانا اعتقد انك لو اتقدملتها ممكن جدا توافق لانى زى ما قولت بنات كتير تتمناك
  ادم ضحك وميار اول مره تاخد بالها من تفاصيله وأنه ضحكتوه حلوه اوى وعنده غمازه ( طبعا ده كله حقها أنها تركز فى ملامحه وتفاصيله وتشوف إذا كانت تقبله كزوج ليها ولا لاء .. ده فى الرؤية انما الخطوبه تغض بصرها )
ادم : انا اه اتمنى انى اكون محترم وعلى خلق زى ما بتقولى بس انا لما أجى اختار بختار زوجه تكون مناسبه ليا دينا وخلقا وانا لما شوفتك اول مره لما كنتى بتخرجى فى المحاضره من شهر بالضبط وانا متعود انى مش اركز مع البنات قولت فى نفسى هى دى حسيت بحاجه بتشدنى ليكى  .. وزى ما قولتلك قولت لازم اسال عليكى الاول لانه لو انتى دينا  أو أخلاقيا مش مناسبه فأنا مكنتش هتقدملك .. وده انا حسيته من لبسك وطريقه مشيتك وتعاملك وضحكتك اللى مش عاليه وأنك مش بتحاولى تعملى زى معظم البنات أنها تكون محط الأنظار .. انا بختار ام لاولادى تربيهم صح وتحفظهم قران وتعرفهم ازاى يتعاملوا مع الغير ازاى يكونوا مسلمين حقيقين فى ظل الانحدار والأطفال غير المتربين الموجودين دلوقتى .. الرسول صلى الله عليه وسلم قال ما معناه " تنكح المرأة لاربع لجمالها  ومالها وحسبها  ودينها فاظفر بذات الدين تربت يداك " فأنا اهم حاجه عندى الدين لانه اللى هيبقى بالنسبه بقا لانه انتى مش جميله بالعكس أنا شايفاك مناسبه جدا وانا عندى قبول من ناحيتك لانى مش هتجوز واحده لجمالها بس لانه فى النهايه هيروح وكمان ممكن جدا امل من الجمال ده بس طبعا ده مش معناه انى اتجوز واحده مش متقبل شكلها لاء طبعا لازم اكون متقبل شكلك عشان كده اتقدمتلك .. وبالنسبه لأخلاق وأنه فيه بنات احسن منك فى الأخلاق ده ممكن يكون صح بس انا شايفاك مناسبه ليا من الناحيه دى .. وكمان ما اكيد فيه شباب بيتقدملوك احسن منى فى الأخلاق ده مش منطق انا واخدك مجموعه على بعضها جمال واخلاق وطبع وعيله وكل حاجه .. السوال التانى كان ايه  انا نسيت
ميار : حقيقى انا مش عارفاه اقول ايه انا بسمع كلامك وانا مبسوطه جدا ومش عارفه ارد اقول ايه
ادم : انا كلامى مش مظبوط خالص ومش مترتب.. بس ده إلى فى قلبى بجد
ميار : احمم .. السوال التانى نادين ليه مش اتجوزتها
ادم : نادين !! عادى يعنى هو انتى كنتى عايزانى اتجوزها
ميار : عادى يعنى .. ده ردك ..بصى كده من الاخر وانا عارفاه أنه مش من حقى اعرف ولا اسال بس انا عرفت بالصدفه بالصدفه والله انا اتقدمتلها والموضوع مش تم عشان الجواز كان هيتم بعد سنه وهى لسالها سنين فى الكليه 
ادم ( رفع حاجبه ) : وانتى ليه بتسال طالما انتى عارفاه أنه مش من حقك
ميار : احمم بصراحه لانى شخصيه غيوره جدا ومش احب انى افضل طول الوقت خايفاه انك تكون بتحب نادين او هى بتحبك فأفضل بينى وبينها حاجز مش اقدر اتخطاه وخصوصا انها من الأصدقاء المقربين ليه
ادم : فهمت .. انا مكنتش حابب اتكلم لانه مش من حق حد فينا يجيب سيرتها وخصوصا الموضوع كان مجرد كلام مكنش حاجه تمت رسمى .. بس فعلا انا اتقدمتلها وحصل اللى انتى قولتيه.. بس انا مكنتش بحبها ولا حاجه لانى بتعامل بحدود  مع البنات كلهم .. وانا اتقدمتلها لأنها انسانه محترمه وبس ..
ميار : ريحتنى جدا .. اخر حاجه ليه بالرغم من قله ذوقى معاك المره اللى فاتت جيت تانى
ادم ( ضحك ) : هو انتى بس الى تسالى انا مليش حق .. المهم لانى حسيت أنه فيه حاجه مش  مظبوطه وكنت حابب افهم
ماهر( دخل )  : ادخل ولا اخلينى بره  ؟
ادم: اه طبعا اتفضل ده بيتك
ماهر : الخطوبه الاسبوع الجاى ولا انت ايه رايك
ادم ( بص لميار) : اه مفيش مشاكل الاسبوع الجاى مناسب
ماهر : والجواز الشهر الجاى
ميار ( بصدمه ) : نعم !! شهر .. شهر ازاى
ادم:  احمم .. عن اذنكم استاذن انا ( ومشى )
عقبالنا كلنا ى بنات بحد زى ادم وانا أولكم 😂😂😂
# رواية صدفة # امنيه الطحان