صدفة

الجزء الواحد والثلاثون

قبل ما نبدأ انا اسفه على تأخير الجزء ده بس كانت عندى مشكله فى النت معلش.. يلا نبدأ

فى بيت ميار
جيهان: يلا ى ميار آدم قاعد بقاله شويه
ميار: خلاص خلصت اهو
جيهان: ايه اللى انتى عاملاله  فى نفسك ده
ميار : عاملاله ايه ما انا زى الفل اهو
جيهان : زى الفل ايه.. ايه المكياج ده وفين خمارك 
ميار : ههههه... ماماه ده جوزى  ى حبيبتى يعنى ده حقه احنا مكتوب كتابنا ولا نسيتى...انا بعمل كده عشان نأخد على بعض شويه لانى بتكسف منه اوى  الصراحه .. وبعدين ايه كلمه مكياج دى ده روج وايلانير ى ماما مضبوط ولا  ايه  انا جيبت  فيديوهات على اليوتيوب عشان اعرف اظبطه مضبوط ؟
جيهان: هههه ايه ى بنتى كل ده  .. ايوه  مضبوط
ميار : شعرى كده حلو كنت ناويه اعمله ضفيره  بس انكسفت بصراحه فقالت اسيبه كده
جيهان: قمر ى ميار قمر ..اللهم بارك يلا عشان مش تتأخرى  اكتر من كده
ميار دخلت الصالون
آدم ( بصدمه) : ايه ده فيه ايه... فين ميار هاتيه من جوه
ميار ( بحياء): آددددم
آدم( بمرح):  احلى ادم سمعتيها فى حياتى... ده انا ما صدقت
ميار : بجد ى آدم شكلى حلو
آدم: اللهم بارك .. قمر والله انتى قمر فى جميع حالاتك ى ميار
ميار : يعنى الايلانير  مضبوط 
آدم( بتلقائيه): هو اكيد مش اللى على شفايفك لانه اسمه روج يبقى اكيد اللى على عينك صح
ميار( بضحك) : هههههه ايه ى آدم ده ههههه ايوه ى حبيبى هو اللى علي عينى  مضبوط
آدم: سيبك من اللى على عينك .. بتقولى ايه ى حبيبى
ميار: انت بتللكك عادى انا بقول الكلمه دى علطول 
آدم( بغيره ) : بتقولها لمين ان شاء الله 
ميار : هههه انت بتغير ى آدم.. لاء بجد خلينى اتكلم بجد انت حبيبى وعوضى وسندى فى الدنيا دى بحبك اوى ى آدم ويدعى ربنا انه يبارك فيك ويديمنا لبعض ونكون خير زوج وزوجه ونجيب اولاد ونربيهم صح
آدم: ده ى الف نهار ابيض .. ايه كل الكلام ده .. اضربنى بالقلم عشان اصدق
ميار : مش للدرجه دى هههه 
بعد شويه
ابو ميار دخل
ابو ميار : ايه اللى انتى عاملاه فى نفسك ده وبعدين فين الخمار امال عاملالنا  فيها شيخه على ايه ى بت ال****
ولسه هيضربها  بالقلم
ميار اتخضت وحطت ايديها على وشها.. اتفأجات بانه آدم مسك ايد ابوها
آدم( بهدوء عكس اللى جواه): لو سمحت ى عمى دى مراتى ما اسمحش لحد يمد ايده عليها حتى لو ابوها واذا كنت سكت قبل كده فعشان كنت يدوبك خطيبها انما دلوقتي انا جوزها
ابو ميار اتضايق جدا وخرج
ميار فضلت تعيط شويه
آدم: ى بنتى خلاص بقا .. البتاع اللى انتى حطاطه هيبوظ هيبقى شكلك وحش اوى هههه
ميار( بتلقائية وهى بتعيط ) : لاء ده من الغالى إلى مش بيبوظ
آدم: شاطره  ههه بقولك ى ميار انا بلاحظ انك علطول بتلبسى خواتم مش بتلبس فى الصابع  للاخر ليه ى بت  مش بتلاقى على مقاسك  ولا ايه
ميار ( بضحك ) : ايه اللى انتى بتقوله ده ى آدم  هههه لاء ى حبيبى دول اسمهم خواتم عقله انا بحبهم اوى وبحب اجيب  منهم بس كده 
آدم: اه .. شوفى بقا بتبقى قمر ازاى وانتى بتضحكى
ميار فرحت جدا من موقف آدم ومن انه وقف قدام بابها عشانها وأنه فضل وراها لحد ما ضحكت
ميار : انا بحبك اوى ى آدم اوعى تسيبنى
آدم: وانا بحبك اوى ى ميار
ادم بعد شويه مشى من عند ميار وبعدين لقى عمر بيتصل  عليه وراح ليه المسجد يصلى العشا
آدم: كنت عايزانى ليه .. انا مشيت كتير عشان اجى هنا ما انا عندى مسجد جمب البيت
عمر: كل دى حسنات ى استاذ لو انت متوضى وناوى للصلاه كل خطوه بتمشيها بحسنات ولا انت نسيت حديث للرسول صلى  الله عليه وسلم 
آدم:عليه الصلاة والسلام  .. ربنا يبارك فيك ى صاحبى يارب
عمر: وفيك يارب .. بقولك مش ام عمر جابتلى عروسه  بتقولى معاها كليه هندسه من جامعه عين شمس 
آدم: مبارك ربنا يتمم لك بخير يارب .. بس انا ليه حاسك مش مبسوط
عمر : انا بس قلقان شويه .. ادعلى تكون الخير ليا وانسى فلسط .. قصدى يعنى انسى اللى حصل فى الخطوبه الاولنيه
آدم: ربنا يرزقك بالخير كله ى عمر انت طيب ومحترم وتستاهل كل خير .. تصدق لو كان عندى اخت كنت جوزتهلك

فى احد البيوت
منار: الفرح كان حلو جدا ى على انا فرحت اوى
على : فعلا كان جميل وهادىء
منار: هههه بس اخدت بالك انه العروسه كانت مكسوفة اوى وحتى وهى بترقص مع العريس كانت مكسوفة بزياده ده مش رقصت غير مره واحده وكل ما يشدها مش توافق .. كانت اوفر اوى الصراحه ههههه
على : ما هو ده الطبيعى لأنها مش عارفاه قبل كده ..طبيعى تكون مكسوفة لأنها عندها حياء وده احسن حاجه فى البنت
منار( بصدمه) : وده من أمته ان شاء الله  ..ده مكنتش رأيك.. انت كنت بتقول لازم يتعرفوا قبل كده عشان يعرفوا بعض كويس ولا نسيت
على : لاء منستش .. بس عادى يعنى الواحد تفكيره بتغير مع الوقت
الأحداث الجايه ضرب نار 😂😂 اوعوا تنسوا النجمة على الواتباد وتعلقوا تعليقات حلوه زيكم # امنيه الطحان # روايه صدفه