أزيكم أنا عارفة إنى أتاخرت عليكم بس معلش كنت مشغولة شوية وبصراحة كنت مكسلة أكمل و كنت بقول لنفسى إنه اللى بيقرأوا الرواية قليلين قوى بالمقارنة مع الروايات التانية اللى كلها قرف( طبعا انتو فاهمين)
لحد ما النهاردة كنت بقلب فى الفيس لقيت واحدة بتسأل على رواياتى وبتقول أحداث منها وأسماء الأبطال انا فرحت جدا وقررت أكمل الرواية ومش مهم يكون الناس اللى قرأت كتير المهم أنهم أستفادوا وأنا كنت بحاول أكتب السرد فصحى بس فى الفصل بتاع النهاردة هيكون صعب اوى لأنه أحداثه كتير وأنا بحس أنه الفصحى مش بتكون معبرة أوى انا كنت محتاجه جدا أقول الكلمتين دول قبل ما أبدأ وعلى فكرة الفصل كان هيبقى حاجة تانية خالص بس أنا قررت أنه كفاية تشويق لحد كده وندخل فى الأحداث إلى أنا واثقة أنكم مستناينها
النهاردة فرح ميار وأدم( اليوم اللى هما الأتنين كانوا مستنين أنه يجى بفارغ الصبر واللى عشان يوصله له أدم اترفض من ميار فى الأول واستحمل طريقة أبوها ومعاملته له وأنه هى هتأخد وقت ممكن يكون كبير عشان تثق فيه وتحبه .. وكذلك ميار اللى استحملت كتير جدا طول عمرها من أبوها ومعاملته اللى أقل وصف ليها أنها قاسية جدا وأنه هى فصلت مستنية ربنا يعوضها وفعلا عوضها .
النهاردة اليوم اللى هما قرروا أنهم هيكملوا بقية حياتهم مع بعض بمرها قبل حلوها بحزنها قبل فرحها بمحاولة التعامل والتأقلم مع عيوب التانى لأنه أكيد التانى فيه عيوب بس لازم تتعامل معاها وتتأقلم عليها عشان الحياة تمشى
الجواز ده حاجة مقدسة " ميثاق غليظ " زى ما ربنا وصفه ..مودة ورحمة زى ما ربنا قال عنه والمودة والرحمة ليهم معانى كتير جدا لو بحثتوا عنها هتعرفوا اد ايه هو مهم واد ايه القرآن كان دقيق جدا فى الوصف ربنا مقالش حب لاء لانه الحب ممكن يختفى إنما المودة والرحمة باقين ومن ضمن التفسيرات للمودة والرحمة أنه المودة فى وقت الصلح إنما الرحمة لما تحصل مشاكل لازم يكون فيه رحمة بينكم وغيرها من التفسيرات
الجواز مش مجرد أننا داخلين نجرب اذا كنا هنكمل نعيش مع بعض ولو لاء يبقى نطلق " زى ما كتير بيفكر دلوقتى " لاء أبدا هو أعمق من كده بكتير الجواز هو أننا هنكمل حياتنا مع بعض وهنعين بعضنا عشان نوصل لأهم حاجة أحنا موجودين فى الدنيا عشانها وهى " الجنة " عشان كده دايما بتكلم أننا لازم نحسن الإختيار كويس جدا جدا وحتى لو الجواز مجاش " مش مهم " أنت لازم تكمل فى حياتك عشان تدخل الجنة
الجواز أه مهم بس مش أهم حاجة فى الدنيا ومش الهدف من وجودنا ..واخيرا الجواز مش حقوقى وحقوقك لاء الجواز أنه ايه المشكلة لما كل واحد بيعرف يعمل حاجة يعملها ؟ لو الراجل بيعرف ينضف ويساعد فى البيت ليه لاء ؟ لو الست عندها مقدرة مالية تساعد جوزها اللى يستاهل المساعدة دى وهو مش طلبها منها ليه لاء ؟ ليه لازم نصعب الحياة على بعض مع أننا فى إيدنا نسهلها ؟
فى بيت عمار
عمار : يلا ى بنى قوم ألبس
أنس : لاء أنا مش جاى .. وأنت عارف إنى مليش فى جو الأفراح ده
عمار : لاء ى حببى ده فرح مختلف.. ده هيكون فيه خطبة هيقولها الدكتور حازم شومان والدكتور محمد الغليظ
أنس( بفرحة ) : أحلف بالله
عمار : هههه وأنا عمرى كذبت عليك برضوه
أنس : طيب قايم ألبس أهو حد يضيع عليه فرصة أنه يشوف اتنين زى دول " وبعدها افتكر جهاد "
عمار : طيب يلا
أنس( بحزن ) : طب بص صورهم وهما بيتكلموا وسلم عليهم بالنيابة عنى بس أنا مش هعرف أجى
عمار( فهم) : كل ده عشانها ؟
أنس : مش عشانها عشان مش أضايق نفسى بسببها
عارف ى عمار أنا بحاول أنساها بس مش عارف .. أنا مش عارف أنا غلطت فى ايه أصلا.. أنا مش مهم المهم أنت وأبقى سلملى عليهم كتير
عمار : طب أنا هقولك حاجة عشان أنا ملاحظ أنه الموضوع مأثر عليك بزيادة .. مينفعش تفضل تتهرب منها كده ومش عايز تشوفها وبعدين أنت مغلطتش فى أى حاجة قوم وبطل هبل
أنس : تفتكر
عمار : طبعا
فى بيت ميار
فلسطين : اللهم بارك زى القمر
ميار : بجد شكلى حلو ؟
جهاد : جميلة جدا اللهم بارك .. اه صحيح هو أدم هيجى أمته ؟
ميار : المفروض أنه دلوقتى هيجى يخدنى عشان نتصور وبعدين نروح القاعة إن شاء الله
نادين : تمام كويس طالما هو دلوقتى يبقى أرن على عمر عشان يخدنا بعربيته
فلسطين ( بإحراج ) : هو لازم يعنى ؟
نادين : طبعا ى بنتى أمال هنركب احنا التلاتة فين؟
جهاد : تمام .. بيزعرطوا تقريبا أدم جه
فلسطين : استنى .. عشان نصور لما يشوفك
ميار : الميكب مضبوط ؟
نادين : حلو والله يلا
أدم خبط
نادين : اتفضل
أدم أول ما شافها فرح جدا وكان مبسوط بيها ومهوس بجمالها هى كده كده جميلة فى كل الأوقات بالنسباله
أدم( بفرحة ) : اللهم بارك اللهم بارك
ميار : بجد ى أدم
أدم : بجد والله .. يلا البسى اللى انتى هتلبسيه على وشك ده عشان مش نتأخر على التصوير
ميار : حاضر وفعلا البنات لبسوها زى نقاب بس مش باين منها أى حاجة حتى عينها عشان ده مش من حق أى رحال غريب أنه يشوفها
وركبوا العربية وجهاد هى اللى ركبت قدام لأنها رفضت تركب مع عمر وعشان تساعد ميار وهى بتنزل من العربية ولما ركبت لقيت أنه اللى سايق هو أنس " هى اتفأجات بس حاولت مش تبين وتتعامل أنه عادى ولا يفرق معاها "
فى عربية عمر نادية قعدت جمب عمر قدام وفلسطين ونادين ورا
نادية : ازيك ى حبيتى
فلسطين ( بكسوف ) : الحمد لله ى طنط أخبارك أنتى
نادية : فى نعم والله .. بس أيه الحلاوة دى قمر اللهم بارك
فلسطين : تسلمى يارب ى طنط
نادية : عقبال يوم فرحك ى حبيتى انتى وعمر وتجيبولى عيال كتير أوى أصل أنا بحب العيال أوى
عمر : ربنا يبارك فيكى ى ماما يارب وتفرحى بينا
نادية : يارب ى حببى
نادين ( بصوت واطى ): بت ى فلسطين
فلسطين : نعم
نادين : مش ملاحظة أنه عمر أخويا عينه منزلتش من عليكى وكل شوية يحاول يشيل عينه مع أنه ده مش طبعه
فلسطين ( بأحراج ) : قصدك أيه
نادين: هههه قصدى نخليها كتب كتاب علطول أحسن هههه
فلسطين : بت أتلمى
نادين: ههههه حاضر
أنت تقرأ
صدفة
Короткий рассказقال رسول الله صلى الله عليه وسلم" بدأ الإسلام غريبا وسيعود غريبا كما بدأ فطوبى للغرباء"
