صدفة

الجزء التانى عشر

فى بيت عمر
نادين : ماما انا جيت
ناديه : تعالى انا فى المطبخ
نادين : ايه ده ى ست الكل لسه مش جهزتى الاكل
ناديه : لاء يعتبر خلصت ودى الاطباق بره
نادين : ماشى ى ماما .. بقولك هو عمر لسه مش جه
ناديه : لاء لسه ..  انتى عملتى ايه فى موضوع ابن عمك اقنعتيه ولا لاء
نادين : لاسف ى ماما
ناديه : انا كنت عارفاه .. اخوكى صعب حد يقنعه بحاجته
نادين : الا انا طبعا .. انتى عارفاه عمر بيحبنى قد ايه  وطول عمره بيعاملنى حلو وبيقولى أنه بعتبرنى بنته
ناديه : ايه لازمه الكلام ده كله .. اقتنع ولا لاء
نادين : اه اقتنع واخد منى وقت كبير جدا
ناديه : يعنى سامح عمه ولا وافق ياخد ميراثه بس ولا علاقته هتبقى كويسه بمرات عمه و ولاد عمه
نادين : بالراحه ى ماما ايه كل ده .. لاء ى ستى سامح عمه وهياخد ميراثه انما علاقته بولاد عمه مش اتكلمنا فبها
ناديه : مش مشكله كله يجى بالتدريج
نادين : ماما
ناديه : نعم ى اخره صبرى
نادين : ادينى عملت اللى انتى عايزاه اهو واقنعت عمر دورك انتى كمان
ناديه : يعنى انتى كنتى بتقنعى عمر عشان عايزاه حاجه
نادين : لا والله تعرفى عنى كده
ناديه : اعرف اوى .. المهم عايزاه ايه
نادين : طبعا ى ماما انتى عارفاه أنه خطوبه صاحبتى يوم الاحد .. فهى عايزانى اروح معاها هى وخطيبها وهى بتشترى دريس الخطوبه
ناديه : طب ما تاخد اختها ولا واحده قريتها ولا حتى أخته
نادين : معندهاش اخوات وملهاش علاقه اوى بقريبها وخطيبها مش عنده اخوات
ناديه : ما شاء الله قفلتيها من كله .. طب بصى انا مش عارفاه إذا كان عمر هيوافق ولا لاء بصراحه بس اقولك ممكن تقوليها تجيب امها كده ممكن عمر يوافق
نادين : ايه ى ماما الأوفر انا هكون انا وفلسطين وخطيبها ليه امها
ناديه : ده اللى عندى وانتى حره .. يلا عشان ناكل
نادين : طيب

ادم : عمر انت فين انا عايزاك ضرورى
عمر : انا فى الجامع  مستنى صلاه لمغرب
ادم : اكيد فى الجامع اللى بتروحه علطول طب انا جايلك اهو فيه حاجه مهمه
عمر : طب مستنايك
فيه راجل دخل الجامع ولما شاف عمر فرح جدا
الراجل : السلام عليكم ورحمه الله وبركاته
عمر ( بابتسامه ) : وعليكم السلام ورحمه الله وبركاته
الراجل : عاش مين شافك ى باش مهندس من زمان مش شوفتك بتعد  قبل الصلاه  كعادتك
عمر : معلش والله ى عم محمد .. كنت مشغول شويه الكليه وكده بس بجى اصلى جماعه وامشى علطول
محمد : اه طبعا الجماعه لازم اشوفك فيها وخصوصا الفجر ربنا يتقبل منك يارب
عمر : ومنك يارب .. والله مهما عملنا احنا مقصرين ربنا يهدينا جميعا
محمد : انا كنت ماشى دماغى هتتفرتك من كتر التفكير وقولت اجى الجامع اصلى ركعتين يمكن أهدى
عمر : خير ى عم محمد .. لو فيه حاجه حابب تحكيها انا موجود
محمد : انا كنت هطلق مراتى النهارده .. لولا ان ربنا هدانى وسيبت البيت ساعتها
عمر : لا حول ولا قوه الا بالله .. ليه كده بعد الشر
محمد: انا مراتى ست ونعم الزوجه كانت معايا ست اصيله  وكنت معايا على المره قبل الحلوه
عمر : اللهم بارك .. ربنا يديمكم لبعض
محمد : لحد من أسبوع بالضبط عرفت انها باعت الدهب بتاعها من غير اذنى والله اعلم ودت فلوسه فين
عمر : انت عايز الحق ؟
محمد : الحق طبعا والشرع
عمر : الشرع بيقول أنه الدهب ده حقها وتتصرف فيه زى ما هى عايزاه من غير حتى ما تستاذنك
محمد : الكلام ده بجد .. ازاى وانا اللى دافع تمنه
عمر : انت دافع تمنه وبقى بتعها طالما دخلت بيتك وبقيت مراتك .. ويمكن مش قولتلك عشان مش تضايقك انما شرعا ده بتعها وتتصرف فيه براحتها
محمد.: طب طالما هو بتعها لو انا كنت طلبته منها لو عوزت فلوسه  يبقى حقها أنها مش تجيبه ومش ذنب عليها صح ولا انا فهمت غلط
عمر : بالضبط كده .. لو انت طلبت منها الدهب هى قدامها تلت حاجات تعمل اللى هى عايزاه إما أنها توافق انها  تبيع الدهب وده يبقى تفضل منها وتاخد ثواب لو هى خلت نيتها أنها تفك زنقتك أو أنه ده من حسن العشره .. أو أنها مش توافق وطبعا ده حقها ومن تأثم على ذلك ولا حاجه وطبعا المفروض زوجها مش يزعل .. واخيرا أنها توافق برضوه بس ساعتها ممكن تخليه يكتب على نفسه تمن الدهب على اعتبار أنه دين
محمد : ربنا يكرمك يارب ى باش مهندس كنت هطلق الست وهى مش غلطانه فى اى حاجه ( موبايله رن ) : عن اذنك ثانيه واحده
بعد شويه جه وهو مبسوط جدا
محمد : لسه مكلمانى وبتعتذرلى أنها غلطت وقالت لى انها باعت الدهب عشان البت بنتنا بتجهز وكان نقصها شويه حاجات
عمر : شوفت بقا .. الست اصيله ازاى ومحبتش تقولك عشان مش تحسسك انك ماثر
محمد : فعلا هى ونعم الست .. وانت ربنا يجزاك خير يارب ويسعد قلبك بست تكون زى مراتى كده
عمر ( بضحك ) : يارب ى عم محمد
ادم جه
ادم : السلام عليكم
محمد وعمر : وعليكم السلام ورحمه الله وبركاته
ادم : ازيك ى عم محمد
محمد : ازيك ى ادم ى بنى عامل ابه
ادم : الحمد لله والله .. اخبارك انت
محمد : الحمد لله فى نعم .. عن اذنكم اروح اتوضى ( ومشى )
ادم : عمر انا روحت النهارده سألت على ميار .. وفيه واحد قالى أنها مش محترمه
عمر : مستحيل .. البنت كويسه جدا ومحترمه واختى عمرها ما قالت عليها غير كل خير
ادم : عشان كده انا مش صدقت سألت ناس تانيه قالوا إنها كويسه جدا ومحترمه ولما قولتهم أنه فيه واحد قالى أنها مش كويسه قالوا إنه كان متقدملها واترفض
عمر : لا حول ولا قوه الا بالله اتقدملها واترفض يشوه سمعتها ويكذب ويشهد شهاده زور
ادم : ربنا يهديه ..ولما سالت عليها عرفت أنه ابوها  قاسى وصعب التعامل معاه
عمر : فيه ناس بيكون ده طبعها بس ده مش معناه أنه مش كويس
ادم : مهو انا صراحه خوفت لما عرفت أنه ابوها كده
عمر : خوفت ليه انسان وفيه عيوب زى ما كلنا فينا عيوب .. اهم حاجه البنت تكون كويسه .. يبقى عشان كده قالتلك تقول انت
ادم : ده برضوه إلى انا فكرت فيه .. ادينى هروح الخميس اشوف ايه اللى هيحصل عشان ابطل تفكير
محمد جه
محمد : يلا عشان تأذن ى بنى
عمر : هو فعلا المعاد بتاع الاذان جه عن اذنكم وفعلا بدأ يأذن وصوته كان جميل جدا وصل بالناس امام وبعدين روح البيت
عمر : السلام عليكم
نادين :وعليكم السلام .. احطلك اكل
عمر : اه ياريت جعان جدا
بعد شويه جت بالاكل وفضلت مستنيه لما اكل
عمر : عايزاه ايه ى نادين قولى ى حببتى
نادين قالتله على موضوع فلسطين
عمر : لو مامتها هتبجى معاكم وانا الى. هوديكى  وهجيبك أنا موافق
نادين : الله يصلح حالك ى عمر يارب .. ثانيه واحده تودينى وتجيبنى ازاى
عمر : اوديكى بيت صحبتك واجيلك لما تخلصى وطبعا قبل المغرب
نادين : طب تمام أما اروح اقولها
نادين كتبت على" جروب المتشردين " : تمام ى فلسطين هجى معاكى بكره أن شاء الله بس ياريت نمشى الضهر عشان الحق اجى المغرب عشان عمر هيودينى ويجيبنى "
فلسطين :"  تمام .. هخلى باباه يكلمه يقولوه "
ميار :"  نعم ى اختى هو انتى مش معاكى رقمه "
فلسطين: " لاء طبعا رقمه ليه .. انتى نسيت ضوابط الخطوبه ولا ايه "
ميار : اه صح افتكرت
# روايه صدفه # امنيه الطحان