صدفة

الجزء التاسع والثلاثين

فى بيت عمر
منار راحت لنادين بيتها  حكت لها كل حاجة
منار : أنا دلوقتى مش عارفه أعمل أيه ؟
نادين : منار أنتى صحبتى من زمان وعشان بخاف عليكى وبحبك هقولك الكلام ده
أنتى  علاقتك من الأول وكلامك معاه غلط ولا يجوز شرعا العلاقة من الأول أخدت شكل غير اللى هى المفروض تأخده فعشان كده حصلت المشاكل دى وهى أنه للأسف جوزك حاسه أنك غلطتى لما اتكلمتى معاه وهو بيقول أنه أيه اللى يضمنله أنك مش كلمتى حد قبله ولا حد بعده
منار( بغضب )  : نهار أبوه أبيض ده لو بيفكر كده ده أنا أموته
نادين : غالبا ده تفكيره .. والدليل على كده الموقف بتاع لما أنتى  كنتى مفكره أنك حامل وهو قالك هتربيها أزاى
منار ( بغضب ) : على أساس أنى اللى غلطت لوحدى ده على اعتبار أصلا أنى غلطت لما كلمته، ده هو زن عليا كتير جدا عشان أوافق أكلمه ودلوقتى أنا اللى غلطانة!!
نادين : نمسك حاجة حاجة بالراحة كده اول حاجة هو أيه اللى على أعتبار انك غلطتى لما كلمتيه أه غلطتى ى حبيتى لانه أى علاقة بين راجل وست لازم يكون فيها حدود إنما شغل الإرتباط والكلام ده مش فى شرعنا ده ربنا سبحانه وتعالى نزل فى قرأنه اللى نزل أيام الصحابة يعنى أطهر قلوب على الأرض بعد الأنبياء وعلى الصحابيات ربنا قال " ولا متخذى أخدان" وقال كمان " ولا متخذات أخدان" يعنى لا يجوز أنه الشاب يبقى عنده صحبات ولا البنت يبقى عندها أصحاب شباب وده مش تشدد ولا حاجة ده عشان ربنا عايز يحفظ قلوبنا ويحفظ المجتمع أنه مش يحصل حاجات غلط بين الرجال والنساء بدون زواج مش أكتر  ولا أقل
منار : طب أنا أعمل أيه دلوقتى؟
نادين : أول حاجة وأهم حاجة أنك تحمدى ربنا أنه حصل كده عشان تعرفى أنه اللى كنتى بتعمليه من الاول غلط وده من نعمه أنه وقفك عشان تفكرى ، تانى حاجة أنك تتوبى وتندمى على الذنب ده تالت حاجة أنك تتكلمى مع جوزك بمنتهى الصراحة أنكم أنتم الاتنين كنتو غلط من الأول وأنكم لازم تتوبوا عن الذنب ده وتحاولوا مش تفكروا فيه أوى وتتعاملوا مع بعض كأنكم لسه عارفين بعض
منار : ههه لسه عارفين بعض ايه ى بنتى أحنا مع بعض بقالنا اربع سنين أهو ههه
نادين : كام سنة متجوزين ؟
منار : بقالنا سنة تقريبا
نادين: خلاص تتعاملى على الأساس ده وأعتبروا أنكم مع بعض بقالكم سنة بس أه صحيح فيه حاجة مهمة جدا
منار : خير
نادين : أنه أنا حاسة أنه جوزك مش حاسس أنه غلطان خالص وده مش صح هو غلطان وغلطه أكبر منك كمان لأنه فضل وراكى عشان تكلميه ودينا مش بيفرق بين الراجل والست فى الذنب إلا إذا كانت حاجة تستوجب كده يعنى مثلا لما ربنا قال ما معناه " والزانى والزانية فأجلدوا كل واحدٍ  منهما مئة جلدة " ربنا مثلا مقالش أجلد الراجل خمسين بس لأنه عنده شهوة أكتر من الست لاء خالص الأتنين إرتكبوا نفس الذنب يبقى عقابهم واحد بس للأسف المجتمع بيتعامل أنه الشاب عادى يصاحب إنما البنت لاء وده غلط تماما
منار : معاكى حق فى كل كلمة بس أنا عايزاه أعرف إزاى أنتى عارفه كل الحاجات دى فى الدين وحتى فى الحياة وإزاى قدرتى تحللى طريقة تفكير جوزى كده ده أنا عمرى ما فكرت بالطريقة دى خالص
نادين( بضحك )  : ههه ايه ى بنتى كل ده ههه لاء الموضوع وما فيه إنى أتعلمت علم شرعى فى كذا مكان وعلى إيد كذا شيخ ومربى ومربى دى كلمة كبيرة جدا فوق ما تتخيلى هو بيخليكى إزاى تقدرى تتعاملى صح زى دكتور إياد قنيبى  وأسامة زيدان ودكتورة سوزان الشافعى  حقيقى الناس دول فرقوا جدا معايا ومع تفكيرى وكمان كتاب يوميات مأذون والأهم دورة  فى التأهيل الأسرى مفيدة جدا جدا وفيديوهات عاطف وعواطف لدكتور محمد الغليظ وغيرها
منار ،( بإنبهار ) : ما شاء الله كل ده ولقيتى وقت لكل ده أمته ؟
نادين : ههه ى بنتى أنا مش سوبر هيرو ولا حاجة أنا بس بحاول على قدر ما أقدر أنى أقسم أولوياتى وأنظم وقتى ودول غالبا بيكون فى الأجازة إلا العلم الشرعى ده علطول، وده مش معناه خالص أنى علطول بتعلم حاجة جديدة أو بشترك فى حاجة لاء خالص ساعات بيجى عليا وقت مبيكونش عندى طاقة لأى حاجة خالص وساعتها بحاول أفصل على قد ما أقدر عشان صحتى النفسية أهم حاجة بس كده ى ستى 
منار : حقيقى أنا فخورة بيكى جدا جدا من ساعات ما سيبت البيت وأنا بفكر أعمل حاجة مهمة ومفيدة ليا أنا كنت ناوية أراجع على حفظ القرأن أو أخد كورسات يمكن يجى ليا فرصة شغل كويسة
نادين : ياريت تعملى كده وأنا معاكى جدا، بقولك هاتى  موبايلك أكتبلك فى النوت الناس إلى أنا يتابعها والدورات والأكادميات اللى أنا أشتركت فيها
منار ( بتعطى لها الموبايل ) : ياريت ى ستى استفيد منهم هما كمان
نادين (وهى بتكتب لها على الموبايل ) : اه صحيح أيه موضوع بقا أنك بتسيبى البيت ى حبيتى
منار : ههه عادى دى يمكن رابع مرة أسيب فيها البيت يعنى مش جديدة عليا هههه
نادين( بدهشة ) : نهارك أبيض أربع مرات فى سنة جواز ليه كده ى منار أنتى  غلطانة ى بنتى مينفعش تسيبى البيت أى مشكلة تحصل بينك وبين جوزك تحلوها مع بعض تحت سقف بيت واحد ولو  زعلك تأخدى جمب منه تقعدى فى أوضة  الأطفال مثلا بس بتعملى له أكله وهدومه تكون نضيفة وكل حاجة عشان ميتعودش  كل شوية أنك سايبه البيت ويعرف يعمل لنفسه الأكل مرة على مرة ويغسل هدومه بيحس أنه ملكيش فايدة فى البيت لأنه أتعود على غيابك وبقا بالنسباله شىء عادى مش جديد .. وبعدين أحنا معندناش بنات تسيب البيت والشقة من حق الزوجة ى أوختى هههه
منار( بضحك )  : أنتى بتكونى بتتكلمى جد وبعدين تقلبيها هزار كده الاه هههه
نادين : لازم كده شوية كدة وشوية كدة هههه .. لاء بجد مينفعش كل شوية تروحى بيت أهلك غير لما يكون الموضوع كبير أوى أوى يعنى وأنتى مش عارفه تحليه معاه ساعتها هو اللى يروح بيت أهله وتجيبوا حكم من أهلك وحكم من أهله عشان الموضوع يتصلح أن شاء الله
منار: تصدقى معاكى حق فعلا
نادين : وعشان كمان مش كل شوية لما  يحصل حاجة أهلك يشيلوا من ناحيته ويتضايقوا منه .. هاتى  ى بت الأنستجرام عشان أعمل  فولو لكمية ناس هتفيدك جدا إن شاء الله
منار : ما هو التلفون فى إيدك أهو افتحى واعملى اللى أنتى  عايزاه
نادين : لازم برضوه استأذن .. ايه ده ى بت أننى حاطه صورتك أنتى  وجوزك أكيد الأكونت برايفت صح ؟
منار : لاء ده عام عادى ده أنا عندى يجى ١٠٠ ألف followers
نادين : وعلى كده بتقدمى أيه بقا ؟
منار : ولا حاجة بحط صورى أنا وعلى حببى وصور لهدومى وإعلانات لبراندات ومنتجات بشرة وشعر كده يعنى
نادين( بتعجب ) : نهارك أبيض كمان لاء طبعا ده مينفعش كدة لانه لا يجوز شرعا أنه المرأة تنشر صورها عشان صورك متبقاش مع الشباب على موبايلتهم ويركزوا مع ملامحك وكمان البنات مش من حقهم يشوفوا جوزك ويركزوا فى ملامحه وغير كدة وكدة ممكن حد يحسدكم  ويقارن حياته بحياتك
منار : تصدقى معاكى حق جدا أنا هنزل بوست أنى معدتش هنزل صور ليا وهشيل صورى كلها
نادين : اللهم بارك اللهم بارك أنا فرحت جدا بالله ربنا يثبتك
يترى ايه اللى هيحصل جديد فى حياة أبطالنا
أنا أسفة على التأخير بس حقيقى البارت ده تعبت فيه جدا جدا وكل ما أكتبه يحصل حاجة ومش يرضى يتبعت ومرة تانية التلفون فصل قبل ما أعمل نشر فأعذرونى  وطبللولى كتير بالله 😂😂😂  بحبكم جدا
# رواية صدفة
# أمنية الطحان