صدفة

الجزء الرابع عشر

فعلا نادين وعمر راحوا بيت فلسطين ونادين رنت الاول عشان تعرفهم أنهم جايين وأنه عمر اخوها معها عشان يكونوا عارفين وكده
ودخلوا الصالون واسامه كانت موجود وعمر واسامه لتعرفوا على بعض وعمر مشى بعد ما اتاكد انه ام فلسطين هتروح معاهم وقال لنادين أنها مش تتاخر
وفعلا مشوا فلسطين وميرنا ونادين قاعدوا فى الملاكى ورا و ام فلسطين قدام
فضلوا يلفوا طول اليوم لحد ما فلسطين لقت دريس لونه موف حقيقى كان جميل ورقيق فى نفس الوقت
اسامه : الحمد لله الدريس جميل جدا ... نروح نجيب طرحه منين
فلسطين : قصدك خمار .. امشى علطول فى الشارع ده هتلاقى محل فى اخره
نادين : هتحيبى الشوز لونه ايه .. فيه محل فاتح جديد بيبع شوزات قمر اوى ابه رايك نروح
فلسطين : تمام مفيش مشكله .. ايه رايك ى ميرنا اجيب شوز لونه ايه والخمار
ميرنا : بصى انا بحس أنه السواريه مش ينفع فيه الوان كتير هانى الشوز والخمار لونهم موف برضوه بس ممكن يبقى الخمار درجه افتح .. والله بقا لو جيبتى تاج ورد هيبقى قمر
نادين : معاكى حق جدا .. وانا شايفاه كده برضوه
فلسطين : طالما انتو الاتنين شايفين كده انا معاكم جدا
فعلا اشتروا كل حاجه
نادين : لو سمحت ى استاذ اسامه نزلى هنا
اسامه : ليه .. مش  المفروض اخوكى هياخدك من البيت عند فلسطين .. ولو تحبى اوصلك بيتكم معنديش مانع
نادين : لاء .. انا هنزل اجيب حاجه بس بسرعه وهرجعلكم
اسماء " ام فلسطين" : براحتك ى حببتى مفيش حاجه .. بس اسامه بس عايز يكون قد كلمته اللى عطها لاخوكى
نادين : انا فاهمه والله ى طنط ... ايوه هنا
بعد شويه نادين رجعت ومعاها كيس
فلسطين : فيه ايه الكيس ده ى نادين
نادين : بعدين اقولك ... يلا عشان مش اتاخر اكتر من كده
وفعلا راحوا بيت فلسطين وعمر جه اخد اخته من هنالك وروحوا
اسماء : فلسطين .. كنت عايزاه اقولك حاجه
فلسطين : نعم ى ماما
اسماء : اسامه جابلى فلوس عشان البت إلى. تحط ليكى مكياج وكده هو كان عايز يعطيهم ليكى بس خاف من رد فعلك فعطهم ليا انا .. والله الولد ده ابن حلال وبيفهم فى الزوق
فلسطين : ماماه انا مش هحط ميكياج اصلا .. لما الخطوبه تخلص واليوم يعدى اعطوله فلوسه
ميرنا : ده انتى فقربه صحيح هو عطر لامك الفلوس وانتى مش  راضيه تعملى مكياج .. طب حطى حتى ولو خفيف
فلسطين : مفيش حاجه اسمها خفيف كله حرام لغير المحارم
اسماء : انتى بجد مس هتحطى ميكياج .. البينات هيبقوا احلى منك وانتى العروسه .. مش كفايه هتلبسى الخمار وهتدارى جمال الفستان كنتى حتى البسى طرحه مس هقولك اقلعى الحجاب كله وخلبكى بشعرك زى ما البنات بيتعمل .. ده يوم ى بنتى
فضلوا يناتقشوا معاها كتير جدا .. وهى أصرت على موقفها برضوه ( اسد يلا فيه ايه )
فى بيت عمر
نادين : وايه ى ماما الدريس بتاعها قمر قمر اللهم بارك وأصرت تلبس الخمار  ومش هتحط ميكب
ناديه: ربنا يسعدها يارب .. ويتمم ليهم علىى خير ويكون انسان كويس .. وعقبالك ى بنت بطنى
نادين : عقبالى ايه ى ماما .. انا مش هتجوز غير شخص بمواصفات قياسية
ناديه : ربنا يهديك .. وتوافق على حد من الشباب اللى انتى عماله  ترفضى فيهم دول
نادين : ريحى دماغك ى ماما .. انا مش توافق غير على الشخص اللى احس انه الرسول صلى الله عليه وسلم قدوته فى كل حاجه فى حياته ... استنى عايزاه اوريكى حاجه
ناديه : خير يارب
نادين : ايه رايك
( نادين كانت ماسكه فى ايديها طارة مكتوب عليها فلسطين وعمر ومكتوب عبارة " لست أمام عينى ولكنك كل ما أرى . وطارة تانيه مكتوب عليها اسامه وسميه وعباره " والعين تقول للعين.. احنا اتخلقنا لبعضنا " )
ناديه : ايه دول ى بت
نادين : دى طاره ى حببتى العريس والعروسه بيجيبوها يوم الشبكه وكتب الكتاب عشان نكون زكرى حلوه ليهم بعدين .. قولت لواحده زمليتى تعملهم وبعت ليها الاسماء على الواتس وهى اتلخطبت وكتبت فلسطين مع عمر .. وسميه مع اسامه
ناديه : ههههه .. يعينى ى بنتى وانتى هتعملى ايه
نادين : هعمل ايه يعنى مش هوديها لحد فيهم .. فلوسى راحت على الأرض
ناديه : ههههه مش مشكله بتحصل .. يلا ادخلى نامى عندك يوم طويل بكره
نادين : معاكى حق .. المفروض طوال اليوم اروح مع سميه وعمر عشان تجيب هى كمان الدريس بتاعها .. وبعدين اجى اغير وتروح خطوبه فلسطين .. ربنا يعينى

فى بيت ميار
ماهر ( بصوت عالى ) : ايه اللى انتى عملتى ده انتى مش بتشوفى كسرت الازاره مهو انتى لو دافعه  تمنها مكنتش كسرتها كده
جيهان ( بصوت واطي ) : يعنى انتى إلى. دفعت تمنها اوى .. ( علت صوتها ) : حاضر هشيلها اهو
ماهر : وبنتك الشملوله إلى. جوه دى عماله تبعزق فلوسها على اللبس والفشخره الكدابه .. على الله تعجبك العريس بعد كل ده
ماهر ( راح اوضتها و رزع الباب )
ماهر : العريس قال إنه هيقعد معاكى كمان مره .. تبقى مش عجبتيه .. والله والله لو مش عجبتيه واتجوزك ما انا مجوزك لحد وهخليكى جمبى كده
ميار : ممكن اسالك سوال
ماهر : اخلصى
ميار : اشمعنا العريس ده يعنى .. ما انا ياما اتقدملى عرسان وانتى كنت بترفض اشمعنا ده يعنى
ماهر ( اتوتر) : وانتى مالك .. المهم لازم تعجبيه والا انتى عارفاه بقا ... حطى عقلك فى رايك واعرفى خلاصك ( ورزغ الباب )
ميار فضلت تعيط بعد شويه جيهان دخلت
جيهان : معلش ى حببتى استحملى
ميار : ما انا بقالى ٢٢ سنه مستحمله ضرب واهانه وقله قيمه .. وبعدين هدوم ابه وفشخره كدابه  ايه اللى هو بيتكلم عنها انا اخر مره جيبت هدوم كانت أمته .. وبعدين ما هى فلوسى ولا هو نسى
جيهان : انا عارفاه ى حببتى انها فلوسك بس هنعمل ايه بقا هو هيفضل كده كل شويه اقول بكره  يتهد بكره يعقل بكره يحس انه كبر مفيش فايده بيبقى اسوء
ميار : والله عمرى ما هسامحه لحد ما اموت
جيهان : بعد الشر  .. أن شاء الله هو ... المهم ى ميار العريس
ده كويس انا عمرى ما شوفت ابوكى مصمم على عريس كده .. واديكى شوفتى حلف أنه لو مس اتجوزتيه مش هتجوزى خالص
ميار : ادم ..ادم ده احسن انسان شوفته فى حياتى ادب واخلاق ودين وزوق
جيهان : الله الله .. ايه ده كله ى استاذه من ورايا
ميار : انا عمرى ما كلمته ى ماما .. انتى مربيانى كويس وانا متعوده بحكيلك على كل حاجه
جيهان : وطالما هو كويس كده انتى ليه مش موافقه عليه
ميار : مش عايزاه يكرهنى ولا يزلنى عشان موضوع بابا .. ولا حتى باباه يعمل معاه حاجه وحشه ولا يستغله
جيهان ( بعد تفكير ) : لاء من الناحيه دى مس تقلقى هو متمسك بيه ومش هيعمله حاجه .. صحيح انا مش عارفاه هة متمسك بيه اوى ليه كده بس بكره اعرفه
يترى ايه اللى هيحصل
# روايه صدفه # امنيه الطحان