رواية شتاء فبراير.. 😍💜🔥

غرام 😍

الحلقه الأكثر اثااااااره من بداية الروايه.. 😍🔥

#رواية
#شتاء_فبراير.. 😍💜

الحلقه الثامنه.. 💛

فور إغلاقها الهاتف ركضت اسيا باتجاه خالتها ثم احتضنتها وهي تصيح بصوت مرتفع وسعادة عارمة : خالتووووووو حمزة جاي هوه وأهله يوم الخميس علشان يخطبوني ياخالتووووو

هنا ابتسمت هيام بسعادة : الف مبروك يابنتي، كنت عارفة من الاول ان حمزة راجل وابن حلال وانا نظرتي فيه ماخيبتش، شفت فيه ابني اللي مخلفتوش، ربنا يهنيكم يابنتي

اسيا بسعادة وهي تقبل وجنتي خالتها : ربنا يخليكي ليا يا خالتو يارب..

**----------------**-----------------* *

على الجانب المقابل "في شقة كريم"

كان كريم مضجع على فراشه لا يلبس الا شورت اسود قصير بالأسفل، عاري الصدر، عيناه معلقتان بسقف الغرفة، شارد تماماً في اسيا التي قلبت حياته رأساً على عقب من اول دقيقة رئاها بها وهي لم تذهب عن باله لحظة واحدة في ليلة، في نهاره، في عمله، حتى في أحلامه، لكن سرعان ما استفاق من شروده على صوت يحدثه من جانبه..

كانت تجلس بجواره على السرير فتاة من فتيات الليل وهي على علاقة بكريم، واحدة من الكثير الذي يعرفهم، كانت ترتدي قميص نوم احمر مثير جداً يظهر مفاتنها، ويظهر اكثر مما يخفى..

هنا جلست تلك الأنثى بجوار كريم ومررت يدها على صدره برفق وتحدثت بمياعة : كوكي، مالك سرحان مني ليه كده النهاردة وعلى غير عادتك

كريم بضيق : مفيش بالي مشغول شويه

هنا غمزت صافي وتحدثت بخبث : وحد يبقى في حضن صافي وباله ينشغل برضه، تعالي اما افكلك أعصابك المشدودة دي

زفر كريم بضيق وهو يبعد يدها عن صدره ثم حدثها بحدة: سيبيني دلوقتي يا صافي مش طالبة معايا حاجة

صافي بدهشة : مالك ياكريم في ايه، وبتكلمي ليه بالطريقة دي.؟

كريم بغضب وصوت مرتفع : ماقلتلك بالي مشغول، قومي ياصافي روحي انا هنام عشان عندي شغل بالليل

نهضت صافي من جوار كريم وتحدثت بغضب ثائر ونبرة هجومية حادة: انت مجنون يابني، جرا في عقلك ده حاجة، انت نسيت نفسك ونسيت بتكلم مين، نسيت صرفت قد ايه فلوس وجريت ورايا قد ايه علشان توصلي، ودلوقتي بتطردني، لا فوق يابابا واعرف انت بتكلم مين، دانا صافي، وشكلك متعرفش مين هيا صافي، وبكرة الايام هتعرفك انا مين، وانا اصلاً غلطانة اني جيتلك، ثم اكملت ارتداء ملابسها وخرجت من المنزل واغلقت الباب خلفها بعنف يظهر شدة غضبها، فزفر كريم بتعب ثم أغلق عينيه متمنياً ان تذهب اسيا عن باله المشغول بها دائماً ولو للحظة ليستطيع الغراق في النوم من شدة التعب..