رواية شتاء فبراير.. 😍💜🔥

طعنة الأقرباء

ناااااااار ياحبيبي ناااااااار 🔥😍

الحلقه الرابعة عشر

على بذهول تام من حديث كريم : سجن، سجن ايه اللي بتتكلم عنه وليه.؟

هنا اخرج كريم ورقة من جيبه بكل هدوء ومدها لعلي الذي سرعان ماسئل كريم قبل أن يلتقطها من يده : ورقة ايه دي

كريم بهدوء : ده اعلان نيابة اختصاره انك لو ما سددتش مبلغ وقدره نص مليون جنية لشركة الهوارى خلال شهر هتدخل السجن فوراً..

على بغضب : ده ازاي، ورفعو بيهم قضيه امتى، ده لسه معاد اول قسط ماجاش، وبعدين مش هما دول صحابك اللي انت ضامنهم برقبتك.؟

كريم بهدوء : واحد زيك فقري وقدمه ناشف واول ما انت اخدت بضاعة منهم الشركة أعلنت افلاسها فبدأت تلم اللي في السوق بره، دي فلوسهم وده حقهم

على بغضب ونبرة هجومية : حق ايه جاك كسر حقك، الورطة دي انت اللي وقعتنا فيها

كريم بهدوء : وانا دلوقتي اللي بطلعك منها

على بغضب عارم : وتطلعني منها بالسرقة، بالسرقة ياكريم

كريم بانفعال : قلي سياتك معاك ايه تبيعه يجيبلك نص مليون هااا رد

على بحدة : هبيع المعدات كلها والبضاعة

كريم باستهتار : المعدات والبضاعة بعد استعمالها مش هتجيب غير نص التمن لأنها مستعملة وانت عارف كده كويس، طيب والباقي هتجيبه منين.؟

زفر على بضيق : استغفر الله العظيم يارب من كل ذنب عظيم، طيب وان شاء الله مين اللي هيكون الضحية فكرتو فيه ولا لسه

كريم ببرود : حمزة

هنا نهض على من مجلسه وامسك برقبة كريم وكاد ان يخرج روحه من جسده : انت شكلك اتجننت، وشكلك جاي هنا على موتك

هنا تعلقت اسيا ووالدها بيدي على بسرعة لكي يترك كريم لكت دون جدوى فعلي يمتلك جسد فائر وقوة هائلة من عمله بالسيارات الي ان نظرت اسيا الي وجه كريم فوجدته بلون الدم وكان قاب قوسين او أدنى من الاختناق وكادت ان تخرج روحه في لحظة لولا صرخة اسيا : سيبه ياعلي حرام عليك كريم هيموت

القاه على على الأرض وولي عنه واعطاه ظهره ووضع يده على رأسه من شدة الغضب بينما كانت تجلس اسيا بقلق بجوار كريم الملقى على الأرض ويضع يده على عنقه يتحسسه ويلتقط أنفاسه بصعوبة وهنا تحدث على بطريقة هجومية بحتة وهو يشير باصبعه نحو كريم : انسى الموضوع ده من دماغك خالص، حمزة لا ياكريم، ولو طلت اقتلك هقتلك لو قربت منه

كريم بانفعال : ياغبي يامتخلف اللي زي حمزة ده هنرفعله محامي شاطر من نصيبه وهيطلعه منها براءة وكبيره هياخد سنة سجن ويطلع يلاقي الدنيا كلها وردي، يعني هوه كسبان من ناحية، وانت هتسدد اللي عليك وتكون انت التاني كسبان، وآسيا هتعالج اختها وتكسب من ناحية تاني، حمزة هيضحي عشانا كلنا وان شاء الله مفيش تضحية ولا حاجة، إنما أنت لو اتسجنت، هتفضل طول عمرك في السجن، وهتعيش وتموت جوه، فهمت