رواية شتاء فبراير.. 😍💜🔥

عودة حميدة 😍💜

حلقة من العيار الثقيييييل
نغيب غيبتنا ونرجع بهيبتنا.. 🔥😍

الحلقة الثامنة والثلاثون.. 🖤
#قبل_الاخيرة.. 🔥

في صباح اليوم التالي" في المستشفى" وفور خروج الطبيب من غرفة على حدثة سليم بلهفة : طمني يادكتور.؟

نزع الطبيب كمامتة وتحدث بابتسامة : لا اطمن الحالة مستقرة جداً الحمدلله، النزيف وقف كليا والتنفس بدأ ينتظم ومكان الجرح التعقيم فية كان كافي والحمدلله محصلش اي تلوث ولا مضاعفات، اطمن ياسليم بية احنا بفضل الله تجاوزنا مرحلة الخطر كلياً، مستنيين على بية يفوق بس ومن هنا لحد بالليل هننقلة من العناية المركزة لغرفة خاصة علشان تقدروا تدخلو تزوروة براحتكم وتطمنو علية بنفسكم

سليم بفرحة وهو يرفع يدية للسماء : الف حمد والف شكر ليك يارب، ومن ثم عاود النظر للطبيب : بجد يادكتور مش عارف اشكرك ازاي على مجهودك، بجد من كل قلبي شكرا ليك ولكل طاقم الدكاترة والتمريض اللي ساهم في العملية دي

الطبيب بابتسامة : ولو ياسليم بية، انا معملتش غير شغلي وبس والحقيقة حضرتك مش مقصر في حق المستشفى في اي حاجة ومش بخلان عليها بأي أجهزة علشان كدة بتكون مستعدة لاستقبال أخطر الحالات في اي وقت، ربنا يبعد عن حضرتك وعن الأسرة الكريمة الخطر، عن اذنك

سليم : اتفضل يادكتور، ومن ثم احتضن دموع التي تبكي بهستيريا فور سماع حديث الطبيب والارتياح من القلق والتوتر الذي حل بها اليومين الماضيين وقبلها من أعلى رأسها وتحدث بابتسامة : خلاص بقى يانكدية يابومة، على بقى كويس الحمدلله بتبكي لية دلوقت، على فكرة على مبيحبش الست النكدية هااا

ضحكت دموع رغم دموعها التي تغرق خديها ثم تحدثت باطمئنان : بجد ربنا يخليك لينا كلنا وتفضل سندنا على طول كدة، احنا ملناش غيرك ياسليم، بس ممكن اطلب منك طلب.؟

سليم يترقب : اكيد يا دموع دة اسمو كلام، اطلبي من غير مقدمات

دموع بجمود وهي تقبض على يد سليم بهدوء : علشان خاطري تسامح اسيا، اسيا بتحبك ياسليم وهيا مظلومة زيك بالضبط، اسيا عملت كل دة علشاني وان كان حد مزنب في الحوار كلة فهوة انا مش هيا

سليم بابتسامة اطمئنان : انتي عمرك مكنتي مزنبة يادموع، انتي كمان كان غصب عنك ومعرفتيش حاجة عن الموضوع غير مني انا من وقت قصير جداً، ثم اني مسامح اسيا وهرجعلها من غير ما تطلبي مش علشانك، علشان دي اخر وصية من الخال قبل ما يموت، وصاني بس على آدم وآسيا وقالي انها كانت لعبة في ايدين كريم وطلب مني اني اسامحها، وانا كمان هسامحها لاني لسة بحبها، وعمري ما حبيت ولا هحب غيرها مهما حصل حتى لو كنت قتلتها بايديا دول، يمكن الحقيقة خلت النار اللي جوايا تهدي شوية من ناحيتها لان حبي ليها مكانش كفاية في اني اسامحها بعد اللي حصل، بس انا بعد ما عرفت الحقيقة سامحتها وحالياً بعت بكر يعرفلي هيا فين بالضبط