رواية شتاء فبراير.. 😍💜🔥

أخطاء غير مغفوره

كفايه هزار بقى وندخل في الجد.. 😍💜🔥

#رواية
#شتاء_فبراير.. 💛

الحلقه التاسعه..💜

كانت اسيا قد انهت عملها بيوم من الايام وخرجت من المصنع لاتخاذ طريقها الي منزلها لكن تفاجأت بكريم الذي ينتظرها امام المصنع فحدثته بتساؤل : كريم انت بتعمل ايه هنا.؟

كريم بابتسامة : هكون بعمل ايه يعني لقيت نفسي خلصت شغلي بدري شوية وكنت عارف انك لسه مروحتيش فقلت اعدي عليكي اخدك في سكتي بما ان شغلي قريب منك مش بعيد، ولا انتي ضايقك اني جيتلك علشان اخدك ونروح مع بعض.؟

ابتسمت اسيا بلطف : لا طبعاً ياكريم انت عارف ان مش ده قصدي بس كل الحكاية اني استغربت وجودك علشان كده سألتك

كريم بغمزة : طيب مش يلا بينا بقى

اسيا بابتسامة : يلا بينا

في طريق العودة تحدث كريم الي اسيا بعناية في انتقاء كلماته : اسيا انتي محتاجة شغل يجيبلك فلوس اكتر علشان تقربي الوقت في إنقاذ اختك صح

اسيا باهتمام : اه طبعاً ياريت والله ياكريم

هنا ابتسم كريم بداخله لكن سرعان ما نطق بجدية ليخبئ سعادته : طيب ليكي عندي شغلانة أجرها احسن من اللي انتي شغالاها دي باضعاف

اسيا بعدم فهم : على اسياس انك انا باخد كام في شغلي

هنا ابتسم كريم بثقة : بصي يا اسيا انتي لسه ماتعرفيش مين هوه كريم، انا مفيش حاجة في الدنيا ماعرفهاش، ومش هقلك اعرف يومك ماشي بكام بالتحديد بس الطبيعي ان عمال المصانع بياخدو من ١٥٠ ل ٢٠٠ جنية في اليوم صح

اسيا باستغراب : ايوة صح عرفت منين.؟

هنا ابتسم كريم بثقة : منا قلتلك قبل كده ان مفيش حاجة في الدنيا انا ماعرفهاش

اسيا بابتسامة : لا منا كده اتأكدت من كلامك

كريم بابتسامة : يبقى تسمعيني كويس وتركزي في كلامي وياريت ماتتسرعيش في ردك غير لما اخلص كلامي وساعتها هديكي فرصة للرد

اسيا وهي تستمع له بعناية : اكيد اتفضل

بدأ كريم حديثه بطريقة مباشرة : بصي ياستي انا شغال في بار والبار ده طالب بنات جميلة زيك كده تخدم على الترابيزات وتقدملها مشروبات، مشروبات بس وحطي تحت بس دي مليون خط، شغلك هيكون ل٨ ساعات عمل بس مش ١٢ وبراتب ٥٠٠ جنية في الليلة وبعيد عن أي حاجة انا هكون متواجد معاكي في الصالة علشان بس ماتكونيش متوترة ولا خايفة، ها قلتي ايه.؟

اسيا بعد ان اتسعت عينيها حدثت كريم بعدم تصديق : بار، بار ياكريم، ترضا لاختك دا لو بتعتبريني اختك فعلاً اني اشتغل في بار

كريم بهدوء : مش كل اللي شغالين في البار يبقى سمعتهم وحشة، ايه مشكلتك في انك تقدمي أوردر على الترابيزة، ومحدش حتي هيلمس شعرة منك، ثم اننا مضطرين لده يا اسيا، مضطرين لده علشان ننقذ دموع اللي انا حبيتها من قبل ماشوفها، تفتكري يا اسيا انا لو شايف ان شغل البار في حاجة تأذيكي كنت هقلك عليه... كان كريم يتحدث بحزن مصطنع ببراعة مما جعل اسيا تفكر في حديثه بعدما كانت رافضة مجرد التفكير بالحديث الي ان اكمل بابتسامة انتصار عندما لاحظ ترددها وبداية اقتناعها بحديثه : انا مش شايف فرصة انسب من دي يا اسيا علشان تساعدنا في علاج اختك، وانتي بنفسك قلتي ان كل يوم بتقرب فيه العملية كل مابتكون أنجح ونسبة الشفاء منها أعلى