رواية شتاء فبراير.. 😍💜🔥

قلبي اطمئن.. 😍💜

حلقة اليوم على صفيح ساخن وغير منصوح بصها لاصحاب القلوب الضعيفه 😎🔥

#رواية
#شتاء_فبراير.. 🔥💛

الحلقه السادسه️

في صباح اليوم التالي التقي حمزة واصدقائه داخل ورشة على واستمعوا بترقب حديث حمزة التفصيلي عن يوم أمس ومقابلته مع اسيا الا انه لم يتحدث عن خصوصيتها وحديثها عن أهلها لينهي حمزة حديثه : بس خلاص هوه ده كل اللي حصل

على : طيب والله الناس دي محترمة، ثم اكمل حديثه بتساؤل : طيب وانت ماقلتلهاش حاجة عن مشاعرك ناحيتها

هز حمزة رأسه برفض : صدقني ياعلي مادتنيش فرصه خالص وقالتلي افكر في كل اللي قالتهولي كويس وبعدها يبقى كل واحد مننا ياخد القرار اللي يريحه

كريم بتهكم : انا شايف ياحمزة ان اللي قالتهولك اسيا حاجة عادية جدآ ومافيهوش اي حاجة تفكر فيها، ثم اكمل بتساؤل ووجه سمج : ولا هيا قالتلك حاجة تاني وانتي مخبيها عننا.؟

في ذلك الوقت نظر حمزة لكريم نظرة طويلة ساد فيها الصمت والذي تفهمها على اخيراً ليتحدث بسرعة لإنقاذ الموقف موجهاً حديثه لكريم بحدة : كريم دي حياته الخاصة واكيد هيا قالتله عن خصوصيات ماينفعش نعرفها

كريم ببرود : ومن امتي في بينا حاجه بتستخبي ياسي على

على بغضب : اللي بينا كاصدقاء حاجة وان حمزة يكون له علاقة بوحدة ويختارها كزوجة ويكون بينهم خصوصية دي حاجة تاني خالص، احترم الخصوصية ياكريم

كريم بتهكم وسخرية: خصوصية اممممم تصدق حلوة الخصوصية دي

هنا انهي حمزة الجدال بجدية : خلاص ياجدعان مش وقته الكلام ده، اكيد لو في نصيب بينا وربنا رايد بحاجة اكيد اول حد هعرفها عليه هوه انتو قبل أهلي لأنكم انتو اهلي وساعتها هيا حرة تقلكم اللي حابة تقولهولكم انا مش همنعها وفي الاول والأخر دي حياتها الخاصة وهيا حرة فيها

على بابتسامة : عندك حق ياحمزة والله اللي انت بتقوله ده هوه عين العقل

هنا نطق كريم بابتسامة : بقى انت يا علي كلمتني عن جمالها الفاتن وحمزة دلوقتي بيكلمني عن عقلها اللي مفيش زيه اليومين دول، لا دانا اتشوقت اني اشوفها، ثم وجه نظره لحمزة : اشمعنا على يشوفها وانا لا

هنا ابتسم حمزة ثم تحدث بهدوء : المقابلة الجاية هنتفق فيها العلاقة بينا هتكون ازاي وسواء اختارت تكون معايا كحبيبية او تكون صديقتي في كلا الحالتين هعرفكم عليها

هنا نطق كريم دون تفكير : لا انا مش هستني لما تقررو انا عاوز اشوفها يعني عاوز اشوفها، عاوز اشوف ذوقك ياهادي ياساكت يامحترم انت علشان شكل ذوقك فاق اللي كنت متوقعه بمراحل، ثم تحدث بحدة وطريقة لا تقبل النقاش : انا هاجي معاك المقابلة اللي جايه ياحمزة