رواية شتاء فبراير.. 😍💜🔥

الخطر يقترب

الخطر يقترب.. 😍🔥🔥🔥

الحلقة الثانية والعشرون..

سليم ببكاء : صدقيني يا أمي والله العظيم ابداً، بس الناس دي بقيت قويه قوي ولو عرفو اني عايش اصلاً هيقتلوني زي ما وصو عليا اني اتقتل في السجن، سيبيني يا أمي انتقم منهم واخد حقي وحقك وحق ابويا واخويا علشان النار اللي جوايا تبرد واعرف اعيش كويس وساعتها والله هرجع لحضنك ولحضن بابا ولحضن يوسف تاني، وهنتجمع كلنا

حنان بلهفه : يقتلوك ايه بس يابني الف بعد الشر عنك، متبعدش عني تاني يابني انا فقدت نظري وصحتي من حزني عليك

سليم ببكاء : سلامتك يا امي، صدقيني والله هعمل المستحيل علشان ارجع لحضنك في أقرب وقت، وهاجي ازورك من وقت للتاني لما ابويا ينزل الشغل ويوسف يكون في الجامعه، يلا هسيبك دلوقت علشان ميقولوش اني اتاخرت عليهم وحد يشك في حاجه

حنان ببكاء : خلي بالك من نفسك ياعزيز امك
سليم بعد ان جفف دموعه : حاضر يا أمي متقلقيش عليا، ثم قبل أعلى رأسها وبدأ بالخروج مسرعاً نحو كريم

**----------------**-----------------* *

فور الخروج صافح كريم كامل ثم مال وقبل يده على عادة حمزه قديماً ومن ثم صافحه سليم وبتلقائيه مال هو الاخر وقبل يده في الوقت الذي كان الجميع معلقاً عينيه بسليم بصدمه تدارك الموقف مسرعاً وابتسم بهدوء دون ارتباك : انت في مقام والدي ولما شفتك افتكرت بابا على طول

كامل بابتسامة رضي : الله يرضى عليك يا ابني، ومن ثم توجه الاثنان الي السيارة

**----------------**-----------------* *

"داخل السيارة"

كان سليم شارداً طوال الوقت بملامح متغايرة وصمت دائم على غير عادتة، في الوقت الذي كان ينظر له فيه كريم بالمرأة من وقت للآخر ثم يعيد النظر امامة مرة أخرى ، وبعد صمت دام طويلاً بينهم استفاق سليم من شرودة على نظرة كريم له بالمرأة فابتسم رغمً عنه ونظر اليه : ايه يابني بتبصلي ليه كدة

كريم بتساؤل : انا اللي مالي برضة ولا سياتك، اللي من وقت ما طلعنا من بيت عمو كامل وانت مش طبيعي وساكت وسرحان على طول، هوه في حاجه حصلت هناك معجبتكش.؟

سليم بابتسامه : لا أبداً بالعكس كانت القعده جميله خالص وناس فيهم البساطه، حسسوني فعلاً ان الدنيا لسه بخير وانبسطت بالقعده معاهم جداً على فكره

كريم بعدم اقتناع : امممم طيب اسمع كلامك اصدقك اشوف امورك استعجب، ازاي بتقول انك انبسطت بالقعده دي ووشك بيقول غير كده

سليم بجمود : معلش ياكريم انا مرهق بس شويه ومحتاج ارتاح

كريم بعدم اقتناع : تمام اللي يريحك..
لم يمر وقت طويل حتى وصلوا الي منزل سليم وقبل نزوله من السياره تحدث بابتسامه : تعالي نشرب فنجان قهوه مع بعض