رواية شتاء فبراير.. 😍💜🔥

لقاء سليم بوالدته

اقسم باالله االلي فات من الروايه كوم وحلقة النهاردة كوم تاني خاااالص.. 🔥😍
اربطو أحزمة الأمان ويلا بينا اااا 🔥💜

الحلقة الواحدة والعشرون.. 🔥

كريم بغضب عارم : لا مكانش اتفاقنا، كان اتفاقنا انك تديني فرصة اني اتقرب منك، بقالي تمن سنين بحاول ارضيكي بكل الطرق علشان تحسي على دمك وتحني وانتي ولا عندك دم ولا احساس

اسيا بجمود : اه فعلآ بس انا اديتك فرصة ومش حساك خالص، ولو فضلت معاك ميت سنة مش هحسك ياكريم

كريم بغضب : انتي مراتي ومتخلينيش استعمل معاكي القوة وتجبريني اعمل معاكي حاجات انا مش حابب اعملها

اسيا بثقة : شكل الايام والوش الكويس اللي بعاملك بيه قدام الناس اللي يليق بمركزك دلوقتي نساك مين اسيا، نساك اسيا اللي من يوم مطلعت على وش الدنيا وهيا مش بتقابل غير أشكال زبالة وأولهم ابويا اللي اتربيت على ايده، الظاهر انك نسيت ان ابويا كان تاجر مخدرات وكان شغال شغلانة تاني عيب اصلاً اني انطقها على لساني وامي انتحرت واختي اتولدت بمرض نادر ومن يوم ماوعيت على الدنيا وانا بنحت في الصخر، الظاهر انك نسيت قعدتك مع ابويا يوم ماتفقتوا على جوازنا، فوق لنفسك ياكريم، واوعى الحرير اللي بلبسه والكعب والعقد الالماظ اللي على رقبتي ينسيك انا مين واتربيت ازاي، وحابه افكرك تاني انك يوم ماهتفكر تمد ايدك انا هكسرهالك، ومش هتعرف تلمس مني شعرة غير بمزاجي ولما انا اللي اأذنلك غير كده لما تشوف حلمة ودنك، ثم عادت للتحدث بهدوء جعلت كريم يشتعل غضبا : واظن انك مش مجبر على العيشة دي ولو مش عاجبك طلقني

في ذلك الوقت صفق كريم على يديه وتحدث بابتسامة باردة : لا برافو والله انك لسه منسيتيش اصلك، بس انا ليا عندك حقوق وابني كبر ولازم اجيبله اخ يقف في ضهره، والفكرة الهبلة اللي انتي هرياني بيها دي وبتقولي انك مش عاوزة تخلفي تاني دي تنسيها خالص، وانا ان كنت بوافقك الرأي قبل كده واقلك اللي تشوفيه ياحبيبتي فده كان عشان ارضيكي بس مش اكتر، والايام بينا يا اسيا وهنشوف كلام مين فينا اللي هيمشي، ثم نهض من على السرير بسرعة وفتح باب الغرفة وخرج ثم اغلقه خلفه بقوة مما يظهر شدة غضبه.

**----------------**-----------------* *

وصل سليم الي مكان غريب الشكل يبدوا منزل قديم من التراث فركن السيارة ونزل منها متوجهآ الي الداخل فقابله على باب المنزل من الخارج احد الحراس فتحدث بابتسامة فور رؤيته : اهلا سليم بيه، الخال مستنيك جوه

تقدم سليم بخطوات الي الداخل حتى وقف امام الخال الذي كان يضع نظارة حفظ نظر على عينيه وغارق في القراءة كعادته فجلس سليم أمامه حتى اكمل رامز جملته التي يقرأ بها ثم أغلق الكتاب وانزل النظارة من على عينيه وتحدث بابتسامة : حمدالله على سلامتك يا ابن اختي