رواية شتاء فبراير.. 😍💜🔥

بداية النهاية

حلقة اليوم حاااااابسة للانفااااس.. 😍🔥

الحلقة الثلاثون.. 🖤🔥

وقبل ان يكمل سليم قطع حديثة فُتح باب المنزل ودخول يوسف علي غير موعدة اليومي وهنا كانت الصدمة فور رؤية سليم مع والدتة بمفردهم في المنزل خصوصاً انة قابل والدة للتو بالخارج وهنا تحدث بصدمة : سليم انت بتعمل اية هنا.؟ ابويا لسة مقابلني برة ماعتقدش انة لحق ييجي البيت بالسرعة دي، ثم وجة نظرة لوالدتة وتحدث بجدة : راجل غريب بيعمل اية هنا في بيتنا في عدم وجودي انا وابويا يام حمزة.؟!

ارتبكت حنان في ذلك الوقت ولم تستطيع النطق بحرف واحد في الوقت الذي قبض سليم على كتف اخية وتحدث بهدوء : اهدي وانا هفهمك كل حاجة

دفع يوسف يد سليم من على كتفة بغضب ثم تحدث بثورة : اهدي ايييية وازااااي، متنطقي ياحاجة راجل غريب بيعمل اية فى بيتنا هاااااه؟!

سليم بغضب : يوسف فوق بقي انا مش راجل غريب انا حمزة اخووووك

يوسف بصدمة وعينين متسعتين : حمممممزة.!!

سليم بحدة : ايوة حمزة اهدي بقى وانا هفهمك كل حاجة..

يوسف بسخرية : والمفروض اني اصدقك انا على كدة صح، اي حد ييجي من الشارع يقولي انة حمزة المفروض اني اخدة في حضني واقولة اخويا حبيبي كنت فين من زمان صح.؟

زفر سليم بضيق ثم تحدث بغضب : يابني آدم افهم انا هينقصني اية ولا هعوز اية منك انت وأهلك علشان اكدب واقول اني حمزة لو انا مش حمزة اصلاً، فكر بدماغك دي وبلاش العند يركبك في الوقت دة بالزات..

يوسف بسخرية : ااااه تصدف صح، طيب ووشك راح فين ياعم حمزة وآية اللي غير شكلك كدة.؟

زفر سليم بضيق من طريقة اخية الاستفزازية ثم اكمل حديثة لإثبات زاتة : دي حكاية طويلة هبقي احكيهالك على رواقة

يوسف بسخرية : آه الحكاية اللي هتحكيهالي دي هيا نفس الحكاية اللي حكيتها لامي وصدقتها صح.؟

قطعت حنان حديثهم في ذلك الوقت رداً على يوسف بلهفة : يا يوسف يابني دة حمزة اخوك انا بحس بية صدقني..

يوسف بغضب عارم : اسكتي انتي خالص مانتي لو بتشوفي وشفتي شكلة اللي انا شايفة دلوقتي مكنتيش قلتي كدة..

في ذلك الوقت تفاجأ يوسف بصفعة قوية على وجهة جعلتة يسقط على الأرض ومن ثم مال سليم ومسكة بين قبضتية بقوة من ملابسة وضربة بقوة على الحائط ليلتصف جسد يسوف بالجدار بقوة بينما لم يتركة سليم من بين قبضتة ثم تحدث بغضب : انت شكلك كبرت وبقيت قليل الادب وعاوز تنعاد تربيتك من الاول

في ذلك الوقت تقدمت حنا وهي تتحسس ظهر سليم وتحدث بخوف : لا ياحمزة متمدش ايدك على اخوك يابني اخوك معزور برضة الصدمة كانت شديدة علية، سيبة يابني ابوس ايدك