رواية شتاء فبراير.. 😍💜🔥

النهاية

عودة بعد طوووول انتظار
حلقة من العيار الثقيل جدا جدا جدا.. 🔥🔥

#رواية
#شتاء_فبراير.. 😍
الحلقة التاسعة والثلاثون.. 🖤
#والاخيرة.. 🔥

فور خروج على من المستشفى ركب على ودموع في الكرسي الخلفي من سيارة سليم بينما جلست اسيا بجوار سليم الذي يحتل كرسي القيادة

على بتساؤل : هنروح على فين ياسليم.؟

سليم بحزن : هنروح المقابر

على يترقب : ونعمل اية فى المقابر.؟

سليم بحزم شديد : هنزور قبر الخال

على بصدمة : انت بتقول اية.؟ الخال.؟

سليم بحزن : ايوة الخال ياعلي

ربت على علي كتف سليم من الخلف : انا عارف غلاوة الخال عندك ازاي، وحاسس بيك والله ياصاحبي، علشان كدة مش هقلك غير شد حيلك وربنا يكون في عونك، بس دة حصل امتى وازاي انا سايبة كويس بعد المشكلة.؟

سليم ببكاء : يارب ياعلي، للأسف الخال مكانش لابس صديري واقي في المعركة ومعرفتش بدة غير في المستشفى لما كنا بنعالجك اتفاجأت زيك بالنزيف ورفض اي تدخل جراحي ، يلا ربنا يصبر قلبي على فراقة

في ذلك الوقت مسحت اسيا دموع سليم وتحدثت بهدوء : احنا مش قلنا مفيش حزن تاني، انا مش هقلك غير انا جنبك وفي ضهرك وهفضل سندك طول عمري، بس بالله عليك ياسليم بلاش دموعك دي علشان دموعك دي أكبر خسارة ليا في حياتي

دموع : احنا كلنا بنحبك وجنبك ياسليم

سليم بابتسامة باهتة : ربنا يخليكم ليا وميحرمني منكم ابداً

**----------------**-----------------* *

فور وصول السيارة الي النقابر نزل سليم يحمل بيدة بوكية كبير من الورد وتقدم نحو قبر الخال وجلس يجوارة بعد ان وضع الورد أعلاة ثم تحدث ببكاء : وحشتني قوي ياخال، الحياة من غيرك صعبة قوي، يمكن لما دخلت السجن وبعدت عن امي وابويا واخويا وصحابي وحبيبتي متعبتش التعب دة، مفتقدتهمش زي مفتقدتك، انا حاسس اني فقدت توازني ياخال، الدنيا من غيرك ضلمة ياخال ضلمة، لية ياخال سبتني لية.؟

في ذلك الوقت جلست اسيا بجوار سليم واحتضنتة من الخلف وتحدثت بهدوء : علشان خاطري ياسليم كفاية، كفاية حزن بقى، متجوزش على الميت غير الرحمة ودموعك دي بتعذبة ولو هوة بنفسة عايش كان هيقولك كفاية حزن وان الأوان انك تعيش حياتك

فور إنهاء اسيا حديثها قبض على علي مرفق سليم واوقفة على قدماة وقبل التوجة نحو السيارة تحدثت اسيا بجدية : تعالي ياسليم زور قبر خالتو هيام، هتفرح قوي بزيارتك، دي كانت بتحبك اوي

سليم بحزن : هيا ماتت امتي.؟

اسيا : بعد مانت دخلت السجن على طول هيا تعبت تعب جامد وماتت مكملتش بعدك شهر واحد