رواية شتاء فبراير.. 😍💜🔥

خطوه جديده 💜😍

الحلقه النهارده في حته تانيه خااااااالص😍🔥

#رواية
#شتاء_فبراير.. 🔥😍

الحلقه السابعه

انتهت الليلة ليذهب حمزة الي منزله بسعادة واضحة وضوح الشمس على وجهه ليجد والدته تنتظره لتحضير له العشاء قبل أن يخلد للنوم

حنان بحب فور وصول حمزة : حمدالله على السلامة ياحبيبي ثانية وحدة والعشا يكون جاهز

هنا اوقفها حمزة وهو يمسك بيدها ويقبلها بحب : تسلملي ايدك ياست الكل انا اتعشيت بره

نظرت حنان بحب الي حمزة وتحدثت بابتسامة بها الكثير من التساؤل : مش ناوي بقى تقلي اللي مغيرك ومخليك سرحان ومبسوط كده بقالك فترة

هنا جلس حمزة على الطاولة مقابلاً لوالدته فاخذ نفس عميق ثم أخرجه بارتياح : تقدري تقولي كده اني لقيت شريكة حياتي يام حمزة

حنان بسعادة عارمة : ايه ده بجد، يا الف نهار ابيض، ثم اكملت بعتاب : برضه ياحمزة كل ده وانا ماعرفش

حمزة وهو ينظر لوالدته بحب وابتسامة ناصعة : صدقيني ياماما لسه واخد منها الموافقة النهاردة

حنان بسعادة واضحة : ووافقت كمان، طيب ومستني ايه هيا مين خلينا نخطبهالك حالاً

حمزة بهدوء : مين دي وحدة ماتعرفيهاش إنما موضوع نخطبها ده فدى حاجة قريبة جداً ان شاء الله

حنان بحب : ان شاء الله ياحبيبي ربنا يتم فرحتك على خير دانا كنت مستنية اليوم ده بفارغ الصبر بقالي كتير

حمزة بسعادة واضحة : وهو جه يام حمزة

حنان وقلبها يتراقص من السعادة : ربنا يهنيك ياحبيبي ويتم فرحتك على خير

حمزة بعد ان قبل يدي والدته : تصبحي على خير ياست الكل

حنان : وانت من اهله ياحبيب امك

صعد حمزة الي الأعلى فاستلقي على فراشه وظل يحادث اسيا عبر الهاتف لوقت طويل الي ان غرق في نوم عميق

**----------------**-----------------* *

" في البار"

كان كريم غارقاً تماماً في شروده الي ان استفاق على صوت مدير الصالة وهو يحادثه بحدة : انت ايه حكايتك ياجدع انت النهاردة، مش ناوي تفوق من السرحان اللي انت فيه ده بقى وتشوف شغلك

كريم بضيق : انا تعبان ومش طالبة معايا شغل، انا مروح واحسبلي اليوم ده اجازة مرضى، سلام..

**----------------**-----------------* *

وصل كريم أخيراً الي منزله فاستلقي على فراشه وشرد تماماً وهو يتذكر تفاصيل اسيا، ضحكتها التي خطفت قلبه عند رؤيتها، عيونها التي بعثرت مشاعره، انقباض قلبه عند ضحكاتها، خصرها الرفيع وجسدها الملائكي، مشيتها الاستعراضية، شعرها المتطاير، بشرتها الناعمة الي ان حدث نفسه بغرور : دي بتاعتي انا، دي وشها بيقول انها بتاعة كريم، حمزة ايه ده الغبي اللي ياخدها مني، هيا اكيد لما تشوفني وتعرف اني احلى واذكى من حمزة بكتير هتسيب حمزة وتجيلي، انا مستعد اخسر الدنيا كلها علشان اكون معاها، مستعد اخسر على وحمزة وكل الناس، دي شبهي حتى في نظراتها الحادة، واخيراً ابتسم بغرور : مثير الايام هتجيبك جوه حضني يا اسيا..