លាក់បាំងស្នេហា (Completed)

Episode 5

លាក់បាំងស្នេហា ♡
Episode 5 : នេះជាអ្វីដែលគេសមនឹងទទួលបានមែនទេ?

បន្ទាប់ពីសង្គ្រាមស្នេហ៍បានបញ្ចប់ រាងសង្ហារក៏លះបង់ដៃម្ខាងឲ្យរាងតូចល្អិតបានកើយនៅលើគ្រែធំទូលាយតែនៅតែធ្វើឲ្យ Jimin ឯកាចង់អោបគេណែនណាន់ដដែល ។
« ថ្ងៃស្អែកបងទៅជប៉ុនធ្វើអីទៅ Yoon? រួចចុះទៅប៉ុន្មានថ្ងៃ ពេលណាទើបបងមកវិញទៅ? » គេសួរនូវសំណួរជាច្រើនដែលចង់ដឹងព្រោះនៅទីនេះ គេមានតែនាយម្នាក់ប៉ុណ្ណោះដែលស្និទ្ធស្នាលជាងគេ បើគ្មាននាយនៅជាមួយ គេប្រាកដជាកណ្ដោចកណ្ដែងខ្លាំងជាមិនខាន ។
« ទៅធ្វើការប្រហែលជាមួយខែទៀតទើបបងមកវិញ » លឺ Yoongi ឆ្លើយដូច្នេះធ្វើឲ្យរាងតូចកាន់តែមុខស្រពោនខ្លាំងឡើង ។
« ហេតុអីទៅយូរម្ល៉េះ ឬជាការងារសំខាន់? » កាលបើគេសួរបែបនេះ រាងក្រាសស្រាប់តែបើកភ្នែកសម្លឹងមកគេយ៉ាងត្រជាក់ល្ហឹមនាំឲ្យ Jimin អោនមុខចុះរហ័ស ។
« អូនភ្លេចទៅថាបងមិនចូលចិត្តឲ្យអូនសួរនាំច្រើន សុំទោសណា៎កុំខឹងអូនអី » រាងតូចលើកដៃបបោសអង្អែលទ្រូងនាយថើរៗដើម្បីលួងលោម មិនបង្អង់យូរ រាងក្រាសក៏ឡើងទ្រោបពីលើគេហើយចាប់ដៃស្រឡូនទាំងគូឡើងទៅលើមុននឹងនាយអោនខាំបបូរមាត់រាងតូចតិចៗ ឆ្លៀតពេលដែល Jimin ភ្លេចខ្លួន ស្រាប់តែនាយខាំក្រញិចមួយទំហឹងឲ្យបបូរមាត់ស្រស់ស្អាតមានស្នាមរហែកហូរឈាមមកភ្លាមៗ ។
« កុំព្យាយាមធ្វើឲ្យបងទាស់ចិត្តឲ្យសោះ ម្ដងនេះគ្រាន់តែខាំបន្តិចប៉ុន្តែថ្ងៃក្រោយបងមិនធានាទេ » ស្របសម្ដី ស្នាមញញឹមចុងមាត់គួរឲ្យខ្លាចក៏លេចឡើងធ្វើឲ្យរាងកាយរាងតូចញ័រទទ្រើក ទឹកភ្នែកក៏ហូរមកព្រោះឈឺទាំងបបូរមាត់ឈឺទាំងចិត្តព្រមគ្នាទ្រាំនៅស្ងៀមឲ្យអ្នកម្ខាងទៀតធ្វើគ្រប់យ៉ាងតាមតែអំពើចិត្ត គេមិនដឹងថាអាចទ្រាំជាមួយភាពកំណាចនិងសោះកក្រោះរបស់គេបានយូរប៉ុណ្ណាទៀតឡើយ ។
ការដាក់ទណ្ឌកម្មត្រូវបានបញ្ចប់ មុននឹងចេញទៅ Yoongi ក៏ដកលុយច្រើនសន្ធឹកដាក់នៅលើតុរួចក៏នាំខ្លួនឯងចាកចេញ សូម្បីពាក្យលាមួយម៉ាត់ក៏គេមិនស្រដីទុកឲ្យរាងតូចល្អិតគេងផ្កាប់មុខសម្រក់ទឹកភ្នែកម្នាក់ឯងនៅលើគ្រែ គេឈឺ...ឈឺខ្លាំងណាស់ គ្រាន់តែមិននិយាយប៉ុណ្ណោះ ព្រោះគេតូចទាបខ្លាំងពេកដល់ថ្នាក់មនុស្សតែម្នាក់ដែលគេស្រឡាញ់ក៏អាចប្រែប្រួលម្ដងល្អ ម្ដងអាក្រក់ ធ្វើឲ្យគេយល់ថាខ្លួនឯងស្ទើរតែគ្មានសល់តម្លៃទៅហើយ ។