شوفتها وكانت احلي صدفه في حياتي ، ضحكتها خطفتني لعالم تاني ، أنا معرفهاش لكن حسيت بفرحه وانا شايفها بتضحك ، وبعد شويه مشيت واخدت قلبي ، انا ماذن 22 سنه في اخر سنه في الجامعه و وانا واقف مع صحابي شوفت بنت كانت زي القمر وضحكتها حكايه ، فضلت متابعها لحد ما مشيت واخدت قلبي معاها ، روحت البيت وانا بالي مشغول بيها ، والابتسامه بتترسم علي وشي مجرد ما افتكر ضحكتها ، طردت الأفكار من دماغي ونمت وصحيت علي رنت تليفوني .
ماذن بنوم : اممممم
محمد : انت فين ياض
ماذن بنوم : في الساحل بصيف انت مين يا لذيذ علي الصبح
محمد : أنا محمد يا زفت ، قوم يلا أنا هقوم البس واستناك في الكافيه الي بنتقابل فيه
ماذن بنوم : طيب غور بقي
محمد : تصدق أنا حيوان اني بعبرك غور في داهيه
مآذن وهو بيقفل التليفون بنوم : ابو شكلك علي الصبح
قومت لبست وروحت الكافيه علشان أقابل محمد .
ماذن وهو بيتكلم في التليفون : يعني نزلتني علي الفاضي
محمد : ياعم ابو خطيبتي تعب والبت كلمتني وبتعيط فلازم اروح معليش بقي يا زوز ، متعوضه انشاء الله
مآذن : ماشي يا اخويه منك لله صحتني من النوم
محمد : ياعم محسسني أن الساعه 7 الصبح احنا العصر ياباااااا
مآذن : اجازه يا سيدي انام براحتي
محمد : ماشي اشوفك بكره في الكليه سلام
مآذن : س.........
لقيت صوت زعيق جاي من التربيزه الي ورايا .
_ مش تفتح ياعم انت
_ أنا اسف جدا يا فندم
_ وانا اصرف اسفك ده منين الهدوم باظت ، بقي دريس بالمانجا
_ اسف جدا لحضرتك يا انسه ..... ، حضرتك اسمك ايه
_ وهو ده وقت تعارف اسمي حور يا عم الشبح شوف بقي هتتصرف في المصيبه دي ازاي اروح ازاي أنا كده
هي ، هي ام ضحكه جننتني ، حور اسمها حور ، فعلا اسم علي مسمي ، كان واقفه متعصبه جدا لأن الجرسون وقع المانجا علي هدومها ، ما صدقت اني لقيتها تاني وقررت أتدخل .
_ ما تتنحش كده اتصرف ، قولي بقي هروح بيتي كده ازاي ولا امشي في الشارع ازاي
_ يا أنسه والله أنا اسف جدا
_ يادي النيله عليا وعلي سنيني السوده ، انت يا بني حافظ مش فاهم ، طيب عرفت انك اسف ، حليلي بقي المصيبه الي وقعتني فيها دي
* انا ممكن اوصلك لحد البيت يا أنسه
_ انت مين انت كمان ، هو يوم باين من أولو
_ انا ماذن ، أنا معايا عربيتي بره اتفضلي معايا وانا اوصلك لحد البيت
_ اللهم طولك يا روح ، وهو أنا اعرفك يا اخ انت
_ لا
_ يبقي اركب معاك العربيه بمناسبه ايه اوعي كده هي مش ناقصه ، دي ايه البلاوي الي علي الصبح دي
لسانها طويل شويه لا شويتين ثلاثه ، طلعت من الكافيه وهي متعصبه جدا وانا طلعت وراها وانا مراقب ملامحها الي كلها عصبيه ومبتسم .
_ هو انا بهلوان بتضحك علي ايه ياعم انت
_ اصل شكلك حلو وانتي متعصبه
_ اااااه هو انت منهم ، طب بص يابااا أنا علي أخري ومش فايقه لجو النحانيح ده تمام
_ مش قصدي نحنه طب بصي اهدي وانا هتصرف
_ لا متشكرين لخدماتك أنا هرن علي حد يجي ياخدني
_ طيب هفضل واقف معاكي لحد ما الي هتكلميه يجي ياخدك
_ لا طريقك اخضر أنا هقف لوحدي مش صغيره أنا
_ طريقي اخضر !! هو انا بكلم واحد صاحبي
_ يابني اتقي شري أنا مش طايقه نفسي
_ طب يا ستي خلاص هفضل واقف ساكت لحد ما حد يجي ياخدك ، انتي بنت بلدي وماينفعش اسيبك واقفه لوحدك كده لحد يعاكسك مع انك مش محتاجه حد معاكي لسانك كفايا
_ إذا كان عاجبك
_ ماهو المصيبه انو عاجبني
_ افندم ؟!!!
_ رني علي حد يجي ياخدك
_ اووووووف
_ ايه محدش بيرد
_ مش معايا رصيد
_ 😂😂😂😂😂😂
_ ماتضحكش
_ حاضر
_ ياربي اتصرف ازاي أنا دلوقت ، امشي في الشارع كده ازاي ، و..... انت بتعمل ايه
_ .................
_ بيكلم مين ده
_ خلاص يا ستي 10 دقائق وتروحي
_ وده ازاي يا اخويه هطير
_ يخربيت طولة لسانك ، لا يا ستي طلبتلك تاكسي هيجي ياخدك يوديكي لحد باب البيت
_ وهو حد قالك تطلب تاكسي
_ تصدقي أنا ابن كلب ، روحي بمانجتك بقي
_ 😂😂😂
