هدير : خلاص يا حبيبي انا اسفه
ياسين بزعيق : اطلعي بره وسبيني دلوقت
هدير : يا ياسين خلاص انا اتأسفتلك مع اني مش غلطانه
ياسين بزعيق : لما تتعكسي في الشارع تبقي مش غلطانه
هدير : هو انا الي قولتلوا يعاكسني يابني ، وبعدين انا ماردتش عليه ولا اتكلمت ولا وقفت حتي ، يبقي غلطانه في ايه انااا
ياسين : قولتلك قبل كده ماتحطيش خرا ميكياج وانتي خارجه
هدير : يابني ده فرح ماحطش ليه وبعدين انت كنت معايا وخرجين مع بعض ولما الواد عاكسني انت شتمتوا وضربتو خلاص بقي زعلان ليه
ياسين : ما انتي لو مش حطه القرف الي بتحطيه ده محدش هيعكسك
هدير : يا حبيبي هو انا كنت لوحدي ما انت كنت معايا وبعدين انت قومت بالواجب مع الي عكسني خلاص بقي
ياسين : سيبني دلوقت هدير ، غوري من وشي
هدير : في ايه يا ياسين ما خلاص بقي انا بتأسف مع اني مش غلطانه في حاجه
ياسين بزعيق : قولتلك غوري من وشي
هدير بدموع : حاضر يا ياسين أنا مش هغور من وشك بس انا هغور من البيت كلو
ياسين بغضب : انتي حره ، الباب مفتوح اهو محدش ماسكك
هدير بدموع : ماشي يا ياسين أنا راحه عند بابا ومش هتشوف وشي في البيت ده تاني
أنا هدير 25 سنه متجوز بقالي سنه وبحب جوزي وهو كمان بيحبني بس بيغير جدا جدا لدرجة الجنون ، بيحب التملك ، النهارده كنا معزومين في فرح ولبست وحطيت ميكاب زي اي بنت وروحنا مع بعض و واحنا راجعين في شاب عكيسني فهو شتم الشاب وضربوا ولما روحنا البيت اتخانق معايا طب أنا ذنبي ايه انا طول عمري لبسي محترم وواسع مش ذنبي اني اتعاكس ، حاولت ارضيه مع اني مغلطش بس هو رافض ومتعصب جدا وبقولوا هسيب البيت قالي الباب مفتوح ، خلاص انا لازم امشي ، انا ليا كرامه وماسمحش أنو يقولي كده .
لبست وجهزت شنطي ووقفت قدام الأوضه .
هدير : ياسين انا ماشيه
ياسين : انتي حره اعملي الي انتي عاوزاه
ده حتي مهنش عليه ينزل يوصلني هيسبني ازاي امشي في الوقت ده ، الساعه كانت 11 بالليل بس خدت شنطي من سكات وانا دموعي علي وشي ونزلت ركبت تاكسي وروحت بيت بابا .
ام هدير وهي بتفتح الباب باستغراب : هدير ؟!!! ايه الي جيبك في الوقت ده ، وفين ياسين
اترميت في حضن امي وانا بعيط ومش عارفه اتكلم .
ام هدير : مالك يا حبيبتي طب ادخلي ، يالهوي ايه الشنط دي ، يا حاج
ابو هدير : في ايه ايه الصوت ده ، ايه ده هدير مالك يا بنتي
ام هدير : تعالي يا حبيبتي ادخلي
بابا دخل الشنط وانا دخلت وحكتلهم الي حصل وانا بعيط بشده .
ابو هدير : وسابك تنزلي لوحدك في الوقت ده ، ده انا هطربقها علي دماغو
هدير : لا يا بابا الي حصل حصل ، أنا هطلق وخلاص كل واحد يروح لحالو
ام هدير : يالهوي تطلقي ايه يا هدير انتي مابقلكيش سنه
هدير : ولو يا ماما ، أنشلا يكون مابقليش شهر أنا مش هعيش في الذل ده كتير و.......
