اسكريبتات بقلم اسراء محمد ❤️

اسكريبت 2

انا بنت اسمي شروق عندي 22 سنه في سنه 4 طب بشري عايشه في القاهره بس كليتي في اسكندريه بروح اسكندريه اقعد هناك طول الترم وارجع في اجازه نص السنه انا و سما صاحبتي ، لينا شقه هناك في اسكندريه بنخلص الكليه ونروح ، انا شخصيا بحب الشقه دي جدا لانها بطل علي البحر بحب ايام الكليه علشان بفضل في الشقه دي وبفضل شايفه جمال البحر قدام عيني ، انا بحب اكتب وانا قاعده في البلكونه وبشم هوا البحر ، في شقه جنب بتاعتنا بالظبط البلكونتين لزقين في بعض بس محدش قاعد في الشقه دي فاضيه من يوم ما روحت اسكندريه وفي يوم كنت قاعده بالليل في البكونه وبكتب لقيت صوت جامد في الشقه الي جنبنا استغربت جدا هو في سكان جديده ولا ايه .

شروق : سمااا بت يا سمااا
سما : ايه يا اخرة صبري
شروق : بقولك ايه مش الشقه دي فاضيه ايه بقي الصوت ده
سما : يمكن حد جيه جديد وهيقعد فيها
شروق بفضول : يمكن

طلعت سما بره البلكونه وانا كملت كتابه وبردو سامعه صوت خبط في الشقه دي فضولي قاتلني بس كملت كتابه وطنشت الموضوع .
بعد شويه خرج شاب وقف في البلكونه ، تقريبا الي بيفصل البلكونه بتاعتي عن بلكونه الشقه التانيه حيطه بس .
خرج الشاب وفضل واقف باصص للبحر كتير اوي شاب شيك وشكلو حلو فضلت متبعاه بعنيا من تحت لتحت بس فضولي قاتلني عاوزه اسألو هو هيسكن هنا ولا لا وبدون اي مقدمات اتكلمت .

شروق بفضول : هي دي شقتك ولا انت ساكن جديد
سيف : بسم الله الرحمن الرحيم طب كحي الاول مش كده
شروق : ياعيني اتخضيت ياعم اعتبرني حكيت هاا شقتك دي ولا ساكن جديد
سيف : القمر اسمو ايه الاول
شروق بكسوف : شروق
سيف : وانا سيف ، لا دي مش شقتي انا جاي هنا في مأموريه طويله فأجرت الشقه دي
شروق بصدمه : ايه ده انت ظابط
سيف بضحك : اه ظابط ، وحشين الظباط
شروق : مابحبهومش
سيف بتساؤل : ليه كده
شروق : بيوجعو قلوب الناس الي بتحبهم
سيف بضحك : الاعمار بيد الله يا شوشو
شروق بكسوف : م...م...مش بتخاف علي نفسك طب اهلك مش بيخافو عليك
سيف : لا اهلي بيخافو طبعا مش قادر اقولك العياط الي عيطوه النهارده وانا ماشي ، اما انا مش بخاف علي نفسي الموت مش وحش ، قوليلي انتي بقي دي شقتك ولا مأجراها
شروق : لا شقتي قاعده فيها انا وصاحبتي
سيف : طب واهلك
شروق : بقعد هنا طول الترم علشان كليتي هنا وبرجع القاهره كل اجازه ترم
سيف : وانتي في كلية ايه بقي
شروق بإبتسامه : سنه 4 طب بشري
سيف : مشاء الله يا دكتوره ربنا معاكي
شروق : شكرا ا........
سما : انتي بتكلمي مين يابت
شروق : ده سيف الي ساكن جديد ، سما صاحبتي يا سيف
سيف بإبتسامه : ازيك يا سما
سما : الله يسلمك
شروق : هندخل ننام بقي علشان نصحي بدري للكليه سعيده اني اتعرفت عليك يا سيف
سيف بإبتسامه : انا اسعد تصبحي علي خير

ودخلت انا وصاحبتي جوه وطبعا مانمناش فضلنا نعمل مصايب زي اي اتنين صحاب وبعد كده سما نامت وانا مش جايلي نوم قررت اعمل كيكه واطلع اقعد في البلكونه واكتب شويه الوقت متأخر بس انا مش جايلي نوم ، الساعه دلوقت 4 امال هصحي امته للكليه يلا مش مهم وخرجت بطبق الكيك علشان اقعد في البلكونه بس الي استغربت منو لقيت سيف لسه صاحي وواقف سرحان وباصص للبحر
شروق : كح كح كحيت اهو ياعم علشان ماتتخضش
سيف بإبتسامه : ماشي يا ستي ، ايه الي مصحيكي دلوقت
شروق : لا انا مانمتش لسه مش جايلي نوم ، وانت؟؟
سيف : مش جايلي نوم بردو
شروق بضحك : خلينا قاعدين بقي كده
سيف : الله ايه الريحه الحلوه دي
شروق : دي كيكه انا الي عملاها تاخد
سيف : والله انا جعان مكلتش حاجه من امبارح
شروق بلهفه : طب ثانيه هجبلك طبق من جوه