_ممكن اعرف أنا اترفضت ليه
_ كده أنا حره
_ امل
_ زين
_ امل
_ زين
_ يووووه ، ممكن اعرف رفضتيني ليه
_ مش عاوزه ارتبطت أنا حره ياعم
_ لا مش حره والله العظيم هولع فيكي وفي امك وابوكي وفي بيتكو كلو لو ماقولتي رفضتيني ليه
_ قولتلك مليون مره مش هتجوز ويتقال واخدها علشان طمعان في فلوس ابوها
_ يا ستي أنا مالي بفلوس أبوكي أنا عاوزك انتي
_ زي ما قالو علي اخواتي هيقولو عليا اتجوزها علشان فلوس ابوها وانا مش هسمح بكده
_ طب وانا ذنبي ايه انا مليش دعوه بفلوس أبوكي أنا عاوزك انتي وهنعيش في بيتي وهنصرف من فلوسي مش هناخد مليم من أبوكي زي ما اخواتك عملو
_ لا يا زين
_ يعني ايه
_ يعني لا ، مش هتجوز غير لما تكون ليا حياتي الخاصه لما اشتغل واكون فلوس ويبقي ليا العالم بتاعي وحياتي وفلوسي بعيد عن ابويا وفلوسو ، وساعتها ابقي افكر في الموضوع
_ وهو أنا هستني كل ده ، ذنبي ايه انا في الحوارات دي انا بحبك وعاوزك
_ لو بتحبني استني
_ يا امل أنا شاريكي وعاوزك معايا ومش هقدر اصبر كل ده
_ الي بيحب بيصبر
_ الي بتقوليه ده ملوش غير تفسير واحد ده مش موضوع فلوس أو كلام الناس
_ تفسير ايه
_ أنك مش عاوزاني ، لو مش عاوزاني قوليلي اسهل من الي بتعمليه ده
_ مش من حقك تحكم عليا بالشكل ده
_ امال بانهي شكل بقولك بحبك وعاوزك وروحت اتقدمتلك وحضرتك روحتي رافضه واسال عن السبب تقوليلي هيقولو طمعان في فلوس ابوها مايقولوا الي يقولوه المهم انك تبقي معايا
_ وانا مش هستحمل كلام الناس يا زين انت عارف ان كلام الناس بيأثر فيا
_ مابقتش عارف حاجه بصي يا بنت الناس ماهو انا هتجوزك غصب عنك وعن اي حد ماشي وتوظ فيكي انتي وفلوس أبوكي سلام يا اختي
بموت فيه بس غصب عني مش عاوزه الناس تتكلم عليا زي ما اتكلمو علي اخواتي وقالو أنهم اتجوزو علشان اجوازهم طمعانين في فلوس بابا ، مش عاوزه حد يقول عليا كده عاوزه تبقي ليا حياتي الخاصه العالم بتاعي فلوسي الي أصرف منها علي نفسي مش فلوس ابويا ، زين بيحبني بقالو سنتين من هو في 3 جامعه وانا كمان بحبو وهو استني لما اتخرج وكون نفسو وجيه اتقدملي ورفضت وقولتلوا سبب الرفض بس هو مش مقتنع بس انا هفضل علي مبدأي مش هتجوز غير لما تكون ليا حياتي الخاصه ، تاني يوم روحت الجماعه وحضرت محضراتي ولما خلصت قعدت مع صحابي في الكافتيريا لحد ما لمحت زين واقف بعيد وحاطط ايدو في جيبو قومت روحتلو وقربت منو .
_ أنت ايه الي جابك هنا
_ يترفض بدل ما اولعلكو في البيت
_ هشششش يخربيتك وطي صوتك
_ هترفضيه يا أمل يا اما ورحمة ابويا هخطفك وماهخلي حد يعرفلك طريق ولا امك ولا أبوكي ومفيش دكر في مصر هيعرف طريقك ولا يقرب منك ، مش كل يومين عريس يا روح امك
_ هو انا الي بجيبهم يا زين أنا مالي انت بتزعقلي أنا ليه
_ انتي ولا مش انتي مايخصنيش لو دكر قرب من بيتكو تاني هولعلكو في البيت يا اما هخطفك واريح دماغي
_ هشششش ، يا بني صوتك عالي الناس بتبص علينا امشي قدامي ، امشي ماتنحش كده امشي
_ طيب ماتزقيش
_ معاك عربيتك
_ معايا
_ طب يلا قدامي امشي يا مجنون امشي ماتبصليش كده
