اسكريبتات بقلم اسراء محمد ❤️

اسكريبت 4

انا ولد اسمي اسلام عندي 25 سنه ، انا شخصيه مرحه جدا بس وقت الجد جد انما انا اصلا بحب التفاهه وبحب الضحك والهزار ، ولأسف مش مرتبط بس هلاقي بنت الحلال ان شاء الله  ،  ليا كافيه مخصوص بحب اقعد فيه واقرأ كتب انا اه تافه بس بحب القرأه ، وفي يوم كنت قاعد زي كل يوم لقيت بنت دخلت الكافيه وقعدت ، اول مره اشوف البنت دي في الكافيه ،  بس كانت بتعيط ، فضولي خدني اوي وعاوز اعرف ليه بتعيط بس قولت لا اخليني في حالي احسن ، فضلت قاعد متابعها من بعيد بس بعد تفكير كبير قررت اني اروح اكلمها .

اسلام :  مش بعاكس والله ممكن اقعد

هي بصتلي وسكتت بس انا قعدت .

اسلام :  مفيش حاجه في الدنيا تستاهل انك تزعلي عليها الزعل ده كلو
رودينا :  انت مين
اسلام :  انا اسلام كنت قاعد لقيتك بتعيطتي قولت ادخل واكلمك لو مضايقه اقوم
رودينا : حتي  لو كان الانسان زعلان علي حد سابو
اسلام بإبتسامه :  كده تبقي مش مضايقه من وجودي ،  بصي انا مليش صحاب يا...
رودينا :  رودينا
اسلام :  انا مليش صحاب يا رودينا ،  ممكن نبقي صحاب واخوات وتحكيلي مالك
رودينا :  تمام بس توعدني ان اي حاجه هقولهالك تبقي سر
اسلام بإبتسامه :  اوعدك يا ستي ، ها خانك ولا سابك
رودينا باستغراب :  وانت عرفت ازاي
اسلام :  البنت ماتعيطش كل العياط ده غير علي حبيبها

لما قولتلها كده فضلت بصه في الارض وبتعيط في صمت من غير صوت .

اسلام :  بطلي عياط بقي كل حاجه وليها حل ، ها خانك ولا سابك
رودينا :  س..سبني
اسلام بتركيز :  ليه
رودينا :  بيقولي زهق من علاقتنا
اسلام :  يبقي ماحبكيش
رودينا :  لا بيحبني ب...ب...بس عمرو ماقلها
اسلام :  مدام ماقلهاش يبقي ماحبكيش ، مفيش حاجه اسمها زهق الي بيحب بنت عمرو مايزهق منها
رودينا :  هو امبارح عزمني علي الغدا وقالي اننا لازم نسيب بعض علشان زهق انا ماردتش عليه وسبتو ومشيت

كانت بتحكي ودموعها نازله وانا كنت بسمعها وانا زعلان عليها ، شكلها متعلقه بيه جامد .

رودينا : بس ده كل الي حصل
اسلام : بتحبيه هااا
رودينا : للأسف ااه
اسلام : عاوزه ترجعيلو ولا لا
رودينا : ياريت انا ممكن اموت من غيرو
اسلام : خلاص بما اننا صحاب انا هساعدك
رودينا : ازاي
اسلام : بصي يا ستي ، مبدأيا ده يتعملو بلوك من علي كل حاجه واتس وفيس وتليجرام وكلو تمام
رودينا : تمام
اسلام : وبعد كده هو اكيد هيرن عليكي ، ماترديش عليه خاااالص لمده 10 ايام كده ولا حاجه ،  وبعد كده اراهنك انو هيجيلك البيت ويقولك انتي مش بتردي ليه يا حبيبتي قلقتيني عليكي انا عرفت غلطتي خلاص والشويتين دول فطبعا انتي مش هتوافقي كده بسهوله هتقوليله هفكر وبعدها تقفلي تليفونك خالص وبعد كده ادعيلي
رودينا : ماشي هعمل كده وابقي اقولك ايه الي هيحصل
اسلام وهو بياخد فونها : ماشي يا ستي، وده رقمي سجلتهولك اهو ابقي كلميني
رودينا :  ماشي يا اسلام ، شكرا مش عارفه اقولك اىه
اسلام بإبتسامه : مفيش شكر بين الصحاب
رودينا بضحك : ماشي
اسلام بضحك : هقوم انا بقي علشان اروح علشان اخرتيني وعطلتيني
رودينا بضحك : وانا كمان هروح ، سلام
اسلام : سلام