_ طب اعمل ايه طيب
- ..................
_ طب تيجي نخرج
- .............
_ طب تيجي اجبلك لبس
- ..............
_ طب الشوكلاته تيجي معاكي سكه ؟!
- ...............
_ طب انا زعلتك ؟!
- ........
_ ما انا مش عارف انا عملت ايه والله
- معملتش حاجه يا عمر
_ يا فرج الله اخيرا نطقتي ولما انا معملتش حاجه متغيره معايا ليه طيب
- كده
_ كده لبه
رديت عليه وانا بزعق .
- قولتلك سبني لوحدي مخنوقه يا سيدي الله
_ طب مخنوقه ليه
- يووووووه
_ ما انا مش هسيبك يا فيروز
هو مش راضي يمشي ليه ايه البني ادم ده ما انا محبتوش 7 سنين من فراغ ، اتكلمت بعصبيه وانا بقف .
- خلاص انا هسيبلك البيت وامشي
_ خلاص خلاص اهدي ، اهدي بقي واقعدي
قعدت وانا بتنهد وماسكه نفسي بالعافيه .
- عمر لو سمحت سبني لوحدي
_ انا وحدتك يا فيروز انا الي بتهربي من نفسك له انا الي بتهربي من الناس في حضنو ، انا الي بتلجأيلو في وحدتك ، انا عمر يا فيروز
كلمه كمان وهترمي في حضنك امشي بقي يا ابني ، اتكلم هو بيلمس شعري بحنيته المعتادة .
_ مالك يا حبيبتي قوليلي فيكي ايه بس
- قولتلك مفيش ولو سمحت كفايا بقي واطلع بره انا عاوزه ابقي لوحدي
_ بردو يا فيروز
- اه يا عمر يا اما هروح عند ماما
_ لا يا ستي وعلي ايه خليكي بس اعملي حسابك انا هسيبك تهدي بس وهاجي تاني ، فوقي انا عمر يعني مش هسيبك لوحدك يا فيروز مهما حصل
خرج واخيرا خرج وانا انهارت بمعني الكلمه اول ما طلع من الأوضه ، انا تايهه ومش عارفه اتصرف ومش عارفه اعمل ايه ومش عارفه أقرر ، من ساعت ما عرفت وانا متغيره معاه وهو لأحظ ده وبيحاول يعرف مالي بكل الطرق ، هو ده عمرو من يوم ما عرفتو لحد ما اتجوزتنا عمرو ما سابني لوحدي في حزني أو في ضعفي ديما معايا هو وحدتي الي بهرب بيها من الناس زي ما قال بس الموضوع صعب وانا مش عارفه اعمل ايه وفي نفس الوقت مش قادره أشيل الحمل لوحدي .
_ مش هتاكلي
- لا
_ انزل اجبلك اكل طيب لو ملكيش نفس لاكل البيت
- لا مش عاوزه
_ طب انزل اجيب 4 اندومي ونخربها
صعب عليا وهو بيحاول يخرجني من الي انا فيه حتي وهو مش عارف فيا ايه .
- لا مش عاوزه لو عاوز انت انزل هات
اتكلم بإحباط وهو بيقعد علي السرير .
_ لا خلاص بقي هو انا هاكل لوحدي
- ................
_ تيجي ادخلك سينما في فيلم جديد نازل قالب الدنيا تيجي ندخل حفلة واحده الساعه دلوقتي 11 ننزل نتمشي شويه علي النيل وبعدين ندخل الفيلم
- شكرا مش عاوزه انزل
اتنهد وهو بيبصلي وكأنو بيقولي اعمل ايه تاني ، قرب مني لحد ما قعد قدامي ، مسك ايدي واتكلم بنبرة صوت فيها حنية الدنيا .
