اسكريبتات بقلم اسراء محمد ❤️

اسكربت 25

_يعني ايه
_ يعني الي سمعتيه
_ ما انا مش فاهمه
_ ايه مش مفهوم في كلامي
_ عمرو ايه الي انت بتقوله ده انت سامع نفسك
_ سامع يا حنين وعارف انا بقول ايه كويس
_ لا شكلك مش عارف حاجه خالص
_ لا عارف كويس انا بقول ايه مفيهاش حاجه احنا مش اول ولا اخر اتنين يتجوزو ويطلقو
_ بردو بيقولها تاني طلاق ايه يا عمرو انت اتجننت
_ لا ماتجننتش بس ده الصح
_ صح ؟! صح ليه انا عملت ايه
_ ماعملتيش حاجه انا مش مرتاح في الجوزاه وعاوز اطلقك
_ مش مرتاح ؟! لا ده انت اتجننت رسمي ، وكان فين الكلام ده طول فترة الخطوبه بتقول كده بعد جوازنا بتلات شهور
_ ع...عادي م...مكنتش اعرف اني مش هرتاح
_ عمرو انت مصدق نفسك ، بجد مقتنع بالي انت بتقولو
_ ا...ايوه
_ ايوه ايه ، ايه الجنان ده ، يعني انت صحيت الصبح فجاه كده لقيت نفسك مش مرتاح فقولت خلاص انا هطلقها
_ ا...ايوه ولو سمحتي ماتفتحيش الموضوع ده تاني لحد ما نخلص الإجراءات وكل واحد يروح لحالو
_ استني هنا انت رايح فين انت مش هتمشي من هنا غير لما افهم في ايه بالظبط
_ انا قولتلك في ايه بس انتي الي مش راضيه تصدقي انتي حره ، لو سمحتي لمي هدومك وورقتك هتجيلك لحد بيتك يا بنت الناس
_ لا ده جنان رسمي عمرو انت حد مشربك حاجه ايه الي انت بتقولو ده وايه الطريقه الي بتتكلم بيها دي عمر انا حنين حب اعدادي انا حنين يا عمر
_ عارف
_ امال في ايه بقي ايه الكلام العجيب الي انت بتقولو ده
_ ولا عجيب ولا حاجه انا مش عاوز اعيش معاكي
_ انا يا عمر
_ اه ممكن بقي لو سمحتي تسبيني امشي
_ انت مش هتمشي من هنا غير لما افهم كل حاجه
_ انا فهمتك كل حاجه لمي هدومك وروحي وورقتك هتوصلك ولو احتاجتك في حاجه في الاجراءات هكلمك بعد اذنك
_ عمر عمر استني وكملت بصدمه وعدم فهم : هو في ايه

ايه الجنان الي اتقال ده طلاق ايه وهبل ايه ، بعد حب 10 سنين يقولي طلاق وليه انا مش فاهمه حاجه ، انا وعمرو بنحب بعض من اعدادي وفضلنا نحب بعض لحد ما دخلنا الجامعه واتخرجنا وبعد التخرج بسنتين جيه واتقدملي واتخطبنا سنه وبعدها اتجوزنا علطول ، بقالنا 3 شهور بس متجوزين والنهارده لقيتو بيقولي الكلام الغريب ده وسابني ومشي بس انا مش همشي غير لما افهم في ايه ، لبست ونزلت تحت علشان اعرف في ايه .

حنين : ازيك يا ماما
ام عمرو : ازيك يا بنتي تعالي
حنين : امال بابا فين
ام عمرو : بيصلي العصر يا حبيبتي زمانو جاي
حنين : اه ماشي ط...طب طب كنت عاوزه اسال علي حاجه
ام عمرو : ايه يا حبيبتي قولي
حنين : هو عمر مالو
ام عمرو : والله يا بنتي ما انا عارفه انا لسه كنت هسالك من يوم ما رجع من المؤموريه وهو متغير وحتي ما بيقعدش معانا خالص
حنين : من يوم ما رجع وحاسه ان في حاجه غريبه مش هو ده عمر الي اعرفو ساكت سرحان اجي اتكلم معاه في أي حاجه يهرب مني بيقعد لوحدو مش فاهمه في ايه قولت انزل اسالكو يمكن انتو عارفين حاجه
ام عمر : مش عارفه والله يا بنتي انا زي زيك معرفش والله
حنين : عمر عاوز يطلقني يا ماما
ام عمر بصدمه : يالهوي يطلقك ليه
حنين : معرفش ، النهارده رجع من بره يقولي انا هطلقك ولمي حاجتك وارجعي بيتك وورقتك هتجيلك وكلام غريب كده وانا مش فاهمه حاجه ومش عارفه انا عملت ايه علشان يعمل كده
ام عمر : ليه كده بس ده انتو مابقلكوش 3 شهور متجوزين وبعدين يطلقك ايه ده كان هيتجنن علشان يتجوزك ده بيموت فيكي
ام عمر : ما ده الي مجنني يا ماما واحنا كنا كويسين اوي مع بعض قبل ما يطلع المؤموريه الاخيره دي ماعرفش ايه الي حصل لما رجع وانا والله ما عملتلو حاجه
ابو عمر وهو بيدخل : السلام عليكم
حنين وام عمر : عليكم السلام ورحمة الله وبركاته
ابو عمر : ازيك يا حنين
حنين بابتسامه : الحمد لله كويسه
ابو عمر : ديما يارب ، هو الواد عمر مالو كل ما اجي اكلمو يتهرب اقولو تعالي اقعد معانا يقولي لا أصل ورايا مش عارف ايه طب تعالي صلي معايا لا انا صليت في البيت الواد ده غريب من ساعت ما رجع
حنين وهي بتبص لام عمر : ها شوفتي بقي يعني المشكله مش فيا لوحدي أو مثلا انا مضيقاه فعاوز يسبني ده بيعمل كده ما الكل
ابو عمر : يسيبك ازاي
حنين : عمر بيقولي هطلقك يا بابا
ابو عمر : يطلقك ليه هو اتجنن ولا ايه ايه الي حصل
حنين : والله هو ده الي حصل هو فعلا متغير من ساعت ما رجع وطريقتو غريبه والنهارده جيه قالي هطلقك وارجعي بيت أهلك
ابو عمر : هو الواد ده اتجنن ولا دماغو لسعت ولا ايه بالظبط
حنين : انا خايفه يطلقني بجد يا ماما
ام عمر : يطلقك ايه يا عبيطه ده بيعشق التراب الي بتمشي عليه هو يمكن بس مضغوط شويه ولا في حاجه مضايقاه
حنين بتنهيده : يارب
ام عمر وهي بتحضنها : لا يا اختي يطلقك ايه هو لو لف الدنيا يلاقي زيك
حنين بابتسامه : ربنا يخليكي يا ماما