_هتجنن هموت هطق ، افهمها ازاي طيب
_ يابني دي عيله
_ 17 سنه عيله يا اسامه
_ اه يا محمود 2 ثانوي عيله وماتفهمش حاجه في الارتباط دلوقت
_ بس انا بحبها عارف انها صغيره بس بحبها وعاوزها
_ خلاص استنها بقي
_ يابني دي كل ما اكلمها تقولي حبيبي يا احلي اخ ، افتح دماغها دي ولا اعمل ايه
_ يا محمود كامليا لسه في سن مراهقه يعني حتي لو مشاعرها اتحركت ناحيتك هتكون مشاعر مضطربه
_ طب بس تتحرك يا اخويه
_ يعني سايب كل بنات الكون ورايح تحب بت في 2 ثانوي ، يا شيخ منك لله
_ بت في عينك دي ست البنات كلهم
_ خلاص خليك ساكت بقي لحد ما تيجي في يوم تعزمك علي خطوبتها
_ تصدق انا اهلي معرفوش يربوني اني واقف معاك ، طب قولي كلمه تهديني مش تولع الدنيا كده
_ انتي عاوز تسمع الي يريحك بس يعني
_ اسامه اخرس
انا محمود في 2 جامعه ، بحب كامليا بنت خالتي بس مشكلتي معاها انها صغيره ولسه في سن مراهقه ومعتبراني اخوها وانا بحاول بكل الطرق اني افهما بس هي مابتفهمش في حوارات الارتباط ومش من نوع البنات الي بتفهم من التلمحيات بس انا هموت عليها وهي كل ما اتكلم معاها او احاول المح لحاجه تقولي يا اخويا ، النهارده عيد ميلادها وانا اصريت انو يكون في بيتنا ، اختي ساعدتني في كل التجهيزات وساعدتني ان اجبلها هديه علشان هي واختي قريبين من بعض واختي عارفه هي بتحب ايه وجبت الهديه .
كاميليا وهي بتبص للبيت المتزين بطريقه جميله : واااااااو ايه الجمال ده ، مين الي عامل كل ده ، اكيد انتي يا خالتو ربنا يخليكي ليا
محمود بغيظ لنفسو : بقي صارف ومكلف وتقولي خالتو بحب حيوانه والله يا جدعان
كاميليا بابتسامه : ازيك يا حوده
محمود بحب : ازيك يا كوكي كل سنه وانتي طيبه وعقبال مليون سنه
كاميليا : وانت طيب ياسطاا
محمود : ايه رايك في الزينه انا الي عامل كل ده علفكره
كاميليا : بجد ، تحفه يا محمود ربنا يخليك
ملك : وانا ساعدتو
محمود : لا دي ملك الحشريه عادي
كاميليا : والله يا جماعه مش عارفه اقولكوا ايه
محمود بابتسامه حب : طب تعالي بقي اوريكي انا جبتلك ايه
كاميليا بابتسامه : ماشي
خدتها ودخلت انا وهي وملك الاوضه الي كنت مزينها بالورد وكاتب اسمها علي الحيطه بالورد ، دخلت بفرحه شديده وكانت بتطنطط من الفرحه زي الاطفال وكانت مبسوطه اوي وده فرحني وفضلت سرحان في ضحكتها .
كاميليا بفرحه : تحفه والله مش عارفه اقولكوا ايه ربنا يخليكوا ليا
محمود وهو بيقدم لها البوكس بتلميح : كل سنه وانتي منوره حياتي
كاميليا بفرحه وهي بتاخد البوكس : وانت طيب
محمود بغيظ وهو بهمس لاختو : وانت طيب ، بني ادمه براس بخاخه
كاميليا : الللله دي كل الروايات الي كنت بدور عليها
محمود بابتسامه وحب : دي كل الروايات الي قولتيلي انك بتدوري عليها بقالك كتير
كاميليا بفرحه : بجد انا فرحانه اوي ربنا يخليك ليا يا احلي اخ في الدنيا
ملك بضحك : 😂😂😂😂
محمود بغيظ من كلمه كامليا : اطلعو بره وانتي بطلي ضحك
ملك بضحك : سوري يا حوده مش قادره اكتم ضحكتي
كاميليا بعدم فهم : هو في ايه انا مش فاهمه حاجه
محمود بنفاذ صبر : وهو انتي بتفهمي اصلا ، اطلعوا بره والله خساره فيكي كل الي انا عاملهولك
كاميليا : حد ضربك علي ايديك وقالك اعمل ما احنا كنا هنعملو في بيتنا بس انت الي اصريت يبقي هنا
محمود بغيظ : معليش انا ابن كلب ده انتي في الدبش معندكيش يا اما ارحميني
