_ اهلا اهلا ازيك يا حبيب ماما انت رجعت أمته
_ من شويه يا ماما
_ ماكلمتش ابوك ولا اخوك ليه يستنوك في المطار
_ حبيت اعملهالكو مفجاه
_ تعالي يا حبيبي ، يا حاااااج ، يا حمزه ، محمود جيه
_ امال حمزه عامل ايه يا ماما
_ اهو يا بني عايش بس مش كويس خالص وديما قاعد لوحدو وسرحان
_ ربنا يهون عليه
_ طب ادخل هتفضل واقف علي الباب كده
_ اصل أنا عملكو مفاجاه
_ مفاجاه ايه
_ معايا ضيفه هتفرحو لما تشوفوها
* حمدل علي السلامه يا محمود
_ وحشني والله يا حمزه ، امال بابا فين
_ ابوك في الشغل
_ طيب بما أن انت وماما موجودين احب اعرفكو علي سلمي مراتي ، تعالي يا سلمي
اتصدمت ، بقيت واقف في حالة ذهول ، هي ، هي دي حبيبتي الي سبنا بعض الشهر الي فات ، هي دي الي حياتي اسودت من يوم ما بعدت عني وقالتلي مش هينفع نكمل مع بعض ، ثانيه واحده ، هو قال مراتي ، مراتو ازاي ، حاسس ان أعضاء جسمي كلها اتشلت ومش عارف اتكلم .
حمزه بذهول : م...م...مراتك
محمود : ايوه يا زوز ، اتجوزنا الشهر الي فات ولسه راجعين من شهر العسل
الام : يعني مكنتش مسافر شغل زي ما قولت
محمود : لا يا ماما كنت في شهر العسل مع عروستي
مكنتش عارف ابعد عيني عن عيونها ، بعتبها بعيني ، ليه ، عاوز اقولها ليه عملتي فيا كده ، وليه اخويا ، الضربه جيت جامده اوي عليا منهم الاتنين ، من حبيبتي الي كانت كل حاجه بالنسبالي وعايش علشانها ، ولا اخويا الي المفروض يكون سند ليا وقت ضيقتي ، فوقت علي صوت محمود وهو بيقول .
محمود : ايه يا زوز مفيش مبروك
حمزه بابتسامه باهته : م...مبروك يا محمود ، م..مبروك يا مرات اخويا
الام : رايح فين يا حمزه
حمزه : خارج يا ماما عاوزه حاجه
محمود : مش هتقعد معايا ولا ايه ، ده انا لسه راجع
حمزه : راجع علطول ، علشان اسيبك تعرف عروستك علي ماما وبابا
محمود : ماشي يا زوز بس ماتتأخرش
حمزه بابتسامه باهته : اكيد
خرجت من البيت وانا مصدومه ، مش عارف اروح فين ، الصدمه مخلياني مش عارف افكر ، ازاي جالو قلب يعمل فيا كده ، ازاي جاتلو الجرأة يقف ويحط عينو في عيني ويتكلم عادي ولا كأنو عمل حاجه ، وهي ، هي واقفه وماسكه ايدو وبتضحك ومبسوطه ، كنت ماشي تايهه ، دموعي علي وشي وماشي بخيبة أمل وقلة حيله .
محمود وهو بيحط ايدو علي وشو : انتي بتضربيني بالقلم ، ليه انا عملت ايه غلط
الام بصوت عالي : عملت ايه غلط ، انت بتسأل عملت ايه غلط
محمود : أنا معملتش حاجه عيب ولا حرام
الام بصوت عالي وزعيق : انت تخرس خااالص هو انت ليك عين تتكلم ، داخل بكل بجاحه ومبسوط وماسك ايديها ، وبتعرفو عليها ، بتعرفو علي مراتك الي هي كانت حبيبتو ، ده غير انك رايح تتجوز من ورانا كمان
محمود : حبيبتو وسابتو خلاص واختارتني أنا واتجوزتني علي سنة الله ورسوله يبقي فين الغلط في كده
الام : اخووووك ، مفكرتش في اخوك الي الله اعلم حالتو عامله ازاي دلوقت وهو شايف اخوه الي من لحمو ودمو داخل وبيعرفو علي مراتو الي كانت حبيبتو ، حبيبتو الي من يوم ما بعدت عنو وهو مطفي ، مدمر ، وانتي يا اختي ، مفكرتيش في الي سبتيه من غير سبب ده وراحه تجوزي اخوه ، مفيش في قلبك رحمه بس الغلط مش عليكي الغلط علي البغل الي وافق علي حاجه زي دي
سلمي : يا طنط انا بحب محمود
الام : بره ، خدها واطلع بره وماشوفش وشك هنا تاني
محمود : انتي بتطرديني يا ماما
الام : دي اقل حاجه اعملها بعد الي عملتو يلا بره ، زي ما اتجوزتها في سر ، عيشو في السر أنشلا تقعدو في الشارع ، بررررره
محمود : مش همشي يا ماما وهعيش في بيتي مع مراتي
الام : واخوك يا محمود مفكرتش في وجع قلبو فكر فيه ولو مره واحده في حياتك
محمود : والله الي مش عجبو الباب مفتوح يلا يا سوسو ادخلي أوضتك اول اوضه علي اليمين
