انا حسام 22 سنه في سنه 5 طب بشري شاب طموح وعندي احلام كتير انا من الصعيد بس عايش في القاهرة مش بتكلم صعيدي يمكن ابويا وامي بس هما الي متعلقين بطريقه كلام الصعيد بس انا بتكلم عادي عايش انا وامي وابويا في القاهره ومعانا عمي ومراته وبنتو كلنا عايشين في عماره واحده الشقتين في وش بعض ، انا وحيد مليش اخوات وعمي كمان مخلف بنت واحده اسمها شيماء هي دلوقت في 2 ثانوي مؤدبه وشاطره وليها طموحات كتير وبعتبرها اختي الصغيره ويوم نتيجه شيماء بنت عمي كنا كلنا متجمعين في بيتهم وبنحتفل بس انا اتفقت مع امي اني هاجي في الاواخر اقعد شويه واباركلها وامشي ويارتني ماروحت لا في الاول ولا في الاخر اليوم ده كان اسود يوم في حياتي علشان حياتي كلها اتشقلبت .
في بيت عمي .
ام حسام : شدي حيلك بجي يا شيماء يا بتي وتذاكري كويس في 3 علشان عاوزين بتنا دكتوره وتبقي زي حسام
شيماء: انشاء الله يا مرات عمي ، امال حسام مجاش ليه
حسام : جيت اهو يا ستي الف مبروك يا شوشو وان شاء الله تحققي حلمك السنه الجايه
شيماء بإبتسامه : الله يبارك فيك ربنا يخليك يا احلي اخ في الدنيا
حسام : يلا يا ستي قومي البسي علشان ننزل ننقي هديه حلوه
شيماء: لا يا عم شكرا كفايا كلمه مبروك
حسام : يلا يابت انتي هتعملي مكسوفه ولا ايه انا اخوكي الكبير
وخدت شيماء واتمشينا شويه وبعدين دخلنا مول جبتلها حاجات كتير هي اختارتها بنفسها وكانت مبسوطه اوي وبعد كده قولنا هنشرب حاجه في اي كافيه ونروح .
في البيت والكل متجمع .
ابو حسام : حسام فين يا وليه
ام حسام : خد شيماء يجبلها هديه بمناسبه نجاحها
ابو حسام : طب اطلبيه يجي بسرعه عاوزه في موضوع مهم جوي جوي
ام حسام : خير يا حاج في ايه
ابو حسام : بص يا اخوي بما ان انا ابني وحيد وبنتك وحيده خلاص يبجي نجوزهم لبعض ونخلص
ابو شيماء : والله عين العجل ودي تقاليد اتربينا عليها
ام شيماء: لا يا ابو شيماء ، شيماء لسه صغيره جوي ولسه في المدرسه دي عيله
ابو شيماء : اخرسي يا وليه مش راچلك بيتكلم يبجي تخرسي خالص وانا موافق وشيماء كمان موافقه
ام شيماء : انت كده بتضيع مستقبل بتك ، يرضيك مستقبلها يضيع ، دي لسه صغيره
ابو شيماء: تكبر في بيت چوزها ، يلا يا مرات اخوي رني عليهم وخليهم يچيو علشان نبلغهم الخبر الزين ديه
ورنو علي شيماء وحسام وروحو .
حسام وهو داخل البيت : السلام عليكم ورحمة الله وبركاته
شيماء بفرحه : بصي يا ماما حسام اخويا جابلي ايه
ابو شيماء بزعيق : ده مش اخوكي ده هيبجي چوزك
شيماء : نعم جوز مين
حسام: جوز مين انت بتقول ايه
ابو شيماء : ايوه چوزها ابوك طلب ايد شيماء ليك وانا وافقت
حسام : ده الي هو ازاي يعني ، انت ازاي تعمل كده يا بابا من غير ما تقولي
ابو حسام : اوعي تكون القاعده في مصر نستك اصولنا وعادتنا الولد ملوش غير بنت عمو
حسام بزعيق : دي عيله هتجوزني عيله، دي اختي الصغيره هو اي كلام بيتقال ، البت داخله 3 ثانوي دي ماتمتش السن القانوني انتو بتقولوا ايه
ابو حسام : تكبر في حضنك وتحت ايدك وفي بيتك
شيماء : يا بابا انا لسه في ثانويه عامه لسه بدري اوي علي الكلام ده انا صغيره انت عاوز ترميني
ابو شيماء وهو بيضربها بالقلم : اخرسي احنا معندناش بنات بتختار اجوزها
شيماء وهي حطه ايدها علي وشها وبتعيط : انا ماقولتش اختار بس علي الاقل اما اكبر شويه انا لسه بدرس وعندي حلم بسعي له وعاوزه احققو انت كده بتدمر حياتي
ابو شيماء : حياتك هي بيت جوزك انا موافق يا اخويا وكتب الكتاب الخميس الجاي
حسام : وانا مش كاتب كتاب انتو كده بتدمرو حياتي وحياتها واعلي ما خيلكوا اركبوه
ابو حسام : حسام استني عندك
حسام بزهق: نعم
وراح ابو حسام ضرب حسام بالقلم .
أنت تقرأ
اسكريبتات بقلم اسراء محمد ❤️
Krótkie Opowiadaniaاسكريبتات مختلفه كل اسكريبت ليه قصه غير التاني ♥
