اسكريبتات بقلم اسراء محمد ❤️

اسكريبت 7

وافقت؟! ، مش هي قالت مش هترتبط دلوقت
_ ب...بتحبوا
_ بتحبوا ، وعرفتي منين
_ كلمتني وهي مبسوطه وقالتلي علي معاد الخطوبه وقالتلي انها بتحبو علشان كده وافقت ، معليش يا مراد بس انا كان لازم اقولك علشان اكيد كلنا هنروح
_ اكيد لازم تروحوا ، خلاص روحي انتي يا حنين شوفي ماما عاوزه ايه
_ حاضر

خرجت وسابتني ، انا مراد عندي 25 سنه مهندس بترول ، وشاطر جدا في شغلي ، بس بحب دنيا بنت خالتي من وانا صغير ، بحبها من واحنا عيال وديما فارض حمايتي عليها ، ديما مابحبش حد يقربلها غيري ، وكبرت وحبها في قلبي بقي بيكبر كل يوم وبيزيد كل يوم عن اليوم الي قبلو وامي واختي عارفين بس انا منبه عليهم انهم ميعرفوهاش ولا يعرفوا خالتي وكنت مستني الوقت المناسب علشان اتقدم بس خلاص فات الاوان ودنيا وافقت علي العريس زي ما اختي قالتلي ، مش عارف ازاي هقدر اشوفها مع حد غيري ، ازاي هشوف في ايديها دبلة غيري ، دنيا بتاعتي من واحنا اطفال بس دلوقت خلاص بقت لغيري ، فضلت قاعد في اوضتي مش مستوعب الي اختي قالتهولي لحد ما تليفوني رن وكانت دنيا اخدت نفس كبير ورديت بهدوء .

مراد : الووو
دنيا : ازيك يا برنس وحشني والله
مراد : وانتي كمان ، م... مبروك
دنيا : اخص عليكي يا حنين فتانه ، هي لحقت قالتلك
مراد : اه لسه قايلالي من شويه ، مبروك يا دنيا
دنيا بفرحه : الله يبارك فيك عقبالك يارب
مراد : لا ماخلاص بقي
دنيا بمرح : خلاص ليه يا واد هو انت عندك 100 سنه ولا ايه ، ده انت الف واحده تتمناك
مراد : ربنا يخليكي ، سلميلي علي خالتي
دنيا : ماشي ياسطاا ، الخطوبه الاسبوع الجاي اوعي تقول ورايا شغل لاولع فيك
مراد : ربنا يسهل
دنيا : هستناك
مراد : انشاء آلَلَهّ سلام
دنيا : سلام

قفلت معاه وانا حزين ومصدوم في نفس الوقت ، عدي الاسبوع وانا مش مركز في اي حاجه ولا عارف اشتغل ولا عارف انام كل تفكيري فيها ، بفكر في يوم الخطوبه ازاي هستحمل اشوف حد غيري جنبها ، وجيه يوم الخطوبه ولبست انا وامي واختي وروحنا ، وصلنا وشوفتها قاعده جنبو ومبسوطه والفرحه في عنيها ، وقفت زي اي حد غريب بتفرج وانا مكسور والدموع علي وشي وانا شايف الحلم الي بحلم بيه من طفولتي بيضيع ، فضلت قاعد شويه وبعد كده طلعت وقفت في البلكونه لان الخطوبه كانت في البيت .

حنين : معليش يا حبيبي
مراد بدموع : راحت لغيري بعد ده كلو يا حنين ، كل السنين دي بحلم انها تبقي من نصيبي ومستنيها تفكر في الاتباط وبعد كل ده تروح لغيري
حنين بحزن : ده نصيب يا حبيبي وخلاص هي مش من نصيبك انشاء الله ربنا يرزقك بأحسن منها
مراد بدموع : انا مش عاوز احسن منها انا عاوزها هي
حنين بحزن : بس هي ماتنفعش تبقي ليك خلاص بقت لغيرك ، يبقي تنساها وتشوف غيرها
مراد بدموع : بس ده مش حب سنه ولا اتنين انا بحبهاا من يوم ما اتولدت حب 25 سنه
حنين وهي بتطبطب علي اخوها : ربنا يعوضك يا حبيبي
* انتوا بتعملوا ايه هنا
حنين : دنيا
دنيا : اه يا اختي دنيا الي انتي سيباها لوحدها وواقفه هنا
حنين : معليش جايه اهو
دنيا : مالك يا مراد
مراد : مفيش حاجه ده انا كنت واقف بشم هوا اصل جوه زحمه
دنيا : طب يلا علشان هنلبس الدبل
حنين وهي بتبص لمراد : يلا يا مراد
مراد بحزن : يلا