💥هوس 💥السفاح💥

18

💥هوس السفاح 💥18
بقلمي✏رنوشة ✏
وصلو لروسيا لبلاد المافيا لبداية حياتها الجديدة لمعاناتها لتضحيتها حياة مع مغتصبها الوحش يلي دمرها وسرق منها ضحكتها الحاجة يلي كانت دايما مزينة وجها وقف مع طلوع الفجر وهي فحملتو نزل بيها وخرج من الطيارة لقاهم محضرنيلو طموبيلو ركب وهي حاطها فحجرو يسوق بيد وبالثانية شادها من حزامها ساعة ونصف من السوڨان كان وصل بيها لمزرعتو فريف مدينة ڨازان الساحرة مزرعة فيها دار تهبل ببيوت تصميم قديم وتحفة وجنينة كبيرة وواسعة لقى الحراس سابقينو ومكثفين الحراسة عليها دخل بيها للداخل قابلتو الخدامة مرا كبيرة فالستينات من عمرها من أصول تونسية ظاهرة حنينة وقلبها أبيض شافها تبسم وقرب منها باسلها راسها يحكي معاه بإحترام
أرسلان:أهلا خالتي الحمد لله على سلامتك هكا تروحي لبلادك وتنسايني شهرين بطولهم هنت عليك
عزيزة:لا ياولدي لا صارها ننساك راك عزيزي الغالي كيف حالك يابابا تعرف أختي كانت مريضة
أرسلان:وكيفاش صارت درك إنشاء الله تكون مليحة
عزيزة:أي الحمد لله شكونها المزيانة يلي بين يديك محلاها ماتقليش عرست من غير ماتقلي ياوحيد ههه
أرسلان:عرس يا زوزا تعرفيني أنا ودوماني نتاع الحاجات هاذو عارفة أنو همومي أكبر تحبيني نربط الطفلة بإسمي فغضون ساعة تروح لرحمة مولاها هاذي هوسي وملكيتي هارب بيها من الدنيا ولعباد نشوفها ونشبع بيها وحدي لفطور حاضر ياك
عزيزة:أي حاضر أتفضلو تفطرو حالتها موش عاجبتني أرسلان يابابا نوصيك إذا شفت روحك رايح تعذبها بعد عليها لبنية صغيرة وتستاهل الفرحة وتعيش حياتها تقرى وتحلم بمستقبلها
ماردش عليها تبسملها تبسيمة صفراء وفات بيها لطاولة لفطور قعدها فكرسي بجنبو ونادى على عزيزة تفطر معاهم يعزها ويقدرها مرا عررفها من،أول يوم وصل فيه وصاحبو فتحتلهم دارها ووكلتهم خبزها وملحها حنت عليهم وكانت ليهم الأم يلي فاقدينها ووقت طلعت بيهم ووصلو وين هما مافرطوش فيها قايمة بالدار وحاسبينها مولاتها كل شئ بشورها عندها فبلادها غير أختها أصغر منها مرة أرملة وبنتها فعمرها 19سنة فطرو و كملو فجو هادئ تحكي معاها وهي تجاوب مرتاحتلها وتشوف فيها صورة أمها يلي ماشبعتش منها ومن وجودها معاها صونا تيليفونو لقاه أسر ورقمو هنا فروسيا تبسم وهز عليه أكيد رجع طاير ولحقهم باه يديها منو مرة أخرى وعلى هذا خذا كل إحتياطاتو ومستحيل يقدر يوصللها مهما حاول
أسر:أنت غلطت ومازالك قاعد تغلط الطفلة هربت منك وبعدت عليك لحقتها ولا زدت خطفتها أفهم آيات مراحش تكون ليك ولا فأحلامك فأقرب وقت نلقاها ونبعدها عليك للأبد أفهم يا سفاح
أرسلان:أسر أحمد ربي أني وعدتها مانلمسكش ولا نأذيك طول أما إذا تماديت فغبائك هذا رايح تشوف مني الأسوء خليك عاقل ودرك نخليك باي
كوبا معاه وشاف جيهتها لقاها تساعد فعزيزة تلم فالطاولة وضحكة خفيفة مرسومة على وجها قرب منها وجاء وراها يديه على كرشها وراسو فرقبتها يبوس فيها ويحكي يوصي فيها
أرسلان:مانطولش ونرجع نريڨل أموري برك خليكي مع زوزا وممنوع الخروج للجنينة فغيابي كل يلي تحتاجيه تلقايه فغرفتي لفوق أتهلاي فروحك
باسها وخرج مخليها واقفة تشوف معاه
👑Ranoucha👑