💥هوس 💥السفاح💥

85

💥هوس السفاح💥85
بقلمي ✏رنوشة✏
روزا:يلي صار البارح مراحش يتعدى بالساهل أما نحاسبك بطريقتي وتوا نحب نفهم شنوة حكاية خاوتك وشربك لهاكا الدرجة شكون أمك مافهمتش
تنهد ونحى يدو من على عينيه وشاف معاهايحكي
أسر:من قرابة عام كلفت شكون يتحرى على عايلتي يما وبابا والبارح عرفت شكونهم خاوتي تعرفي أنو أرسلان عشير عمري يكون خويا الكبير
شهقت من كلامو كيفاش هاذي يطلعو خاوة حاجة ماتدخلش للرأس بلعت ريقها وسألتو مرة أخرى
روزا:وشكون خوك لأخر وينو هو توا أمك باباك أه
تبسم بقهر لعبة القدر وين حطتهم كل واحد فجيهة
أسر:خويا الثاني هو كرم شوفار آيات يكون عميل فالأنتربول مبعوث جاسوس لينا باش يثبت جرائمنا حرت كيفاش ندير من جيهة هم ومن الثانية يلي بعدنا على بعضنا حرمنا من والدينا
قعدت بجنبو عحافة السرير وحطت يدها على قلبو تحكي معاه ودموعها نازلين موش متحملة ضعفو
روزا:قلبك هو دليلك عمرك تخلي شكون يكذب عليك ويقلك أنو العقل قرارتو صحيحة لا غالطة
هزلها يدها قربها لفمو باسها ووقف وهي معاه يحكي ويلبس فتريكوه مابقاش فيها لعب لحكاية
أسر:نخطبك وبعد شهر عرسنا يكون بين لحباب وبس أمك ماعندهاش مدة متوفية ماتخميش أنت
خرجو كيف كيف من غرفتو قابلتهم جاية عندو تسألو عليها سكوتهم هذا ونظراتهم لبعض موش مطمنينها قربو لعندها وهي تكلمت تسأل فيهم
عزيزة:أنت وهي شنوة قاعد يصير بينكم نظرات غريبة ولقاءات سرية أتكلمو شفما ومن غير كذب
شافت معاه وهو غمضلها عينيه مزير عيدها يحكي
أسر:أنا نحبها بنت أختك وكنت مبعد عليها لأني متزوج أما درك صاي طلقت والليلة خطبتنا لبعض
تشوف معاهم وخاصة معاها هي من ملامحها تعرفها موافقة يعني تحبو، وقابلة بيه تكلمت معاه
عزيزة:أنت توا أمشي عند مكبوب السعد الأخر وخليه يسيب الطفلة تحضر روحها نفرح بيكم لكل
تبسم إبتسامة خفيفة مخبي وجيعتو يلي ماخفاتش عليها هي كبست على يدو تقوي فيه
خلاهم وراح لعند صاحبو لقاهم ثنيناتهم عطاولة لفطور حلفت تقعد عالكرسي متحججة بوزنها صبح عليهم والثاني شاف معاه زمان وتكلم يسأل
أرسلان:خير صاحبي إحتجت حاجة نظن خبرتك خالتي بالبشارة ماعادتش مرتك رجعت نتاعي أنا
تبسم عليه وهز زيتونة كلاها يلعبلو بأعصابو
أسر:جيت لأنو خالتك طردتني من الدار طلبت مني نجي عندك وهي تروح ليها الليلة خطبتنا يامعلم
تنفض واقف شادو من التريكو يحكي بغش عاللخر
أرسلان :كيفاش كيفاش عاود مافهمتش واش من روحة وواش من خطبة أنتم صاي طلقتو رسميا
أسر:ياسفاح أهدأRolexe Boosنحكي على خطبتك أنت وهي وأنا وروزا الطفلة نحبها وناويها
أرسلان:ال#######هذا خلعتني مبروك عليك المهم أنت أرتاح هنا هي محتاجها قبل ماتروح ليها
حركلو رأسو بإيه وهو قرب منها هزها بين يديه طلع بيه لغرفتهم غارسة راسها فرقبتو بسكات أصلا تاعبة وموش قادرة تتحرك وصل تكاها عالسرير وهو جاء اجونو يحكي ويمسح على خدها
أرسلان:واش بيها هوسي حالتك ماعجبتنيش وجهك أصفر، خير موجوعة نرجعك للمستشفى؟
هزت يدها بالسيف حطتها عخدو وتتبسم معاه
آيات:أهأه موش موجوعة أما تاعبة وحابة نرقد مانحبش نروح لعند أسر نحب نبقى هنا فغرفتنا
باسلها يدها ونزل حط جبينو عجبينها ويحكي بهمس صوتو ذابل وشهوتو باينة أما صحتها أولى
أرسلان:ماكانش حاجة فالدنيا هاذي أغلى منك أنت وهاذو(ولادهم) أرتاحي أنا نحكي معاهم نأجلوها
شدتلو يدو برفض موش حابة تأجل فرحة عمرهم
آيات:لا ماتأجلش خليهم يجيو هنا وأنت روح عند أسر حضرو رواحكم الليلة فرحتنا نحب نكون ليك
حركلها راسو بإيه وغرق ففمها يبوس لين روا عطشو من شفافها بدل حوايجو وخرج مخليها ترتاح ديراكت لعند أسر خبرو وراحو لعند عزيزة
👑Ranoucha👑