💥هوس 💥السفاح💥

02/13

💥هوس السفاح💥13/02/
بقلمي ✏رنوشة✏
ماحكاتش معاه أما ردت فعلها صدمتو حركتلو راسها بالرفض ودموعها نزلو أكثر موش متقبلة ولادها موش حابة تهزهم ولا حتى تسوفهم حار معاها ومابقاش عارف الحل من غير شئ ناقص نوم بادوب يرقد ساعة على بعضاها تنفس بقللة حلية وزير عليها لين رقدت تكاها فبلاصتها وهو بقى مقابلها عالكرسي يستنى فخوه يعيطلو اليوم
فروسيا وبالضبط فمدينة فكازان تحل فعينيها بالسيف عليه خارج من، الدو ش لابس ومستعد باش يخرجتكلمت معاه تسأل فيه هي مغوبشة
روزا:علاش خارج وين رايح مخليني وحدي تعرفني نتوحشك ونحبك تبقى معايا بليز أبقى هنا
قرب لعندها خطف بوسة من فمها وحط جبينو عجبينها يحكي بهمس باش يقنععها ترجع ترقد
أسر:حبيبي ياروحي أنا مضطر نخرج درك كرم يستنى فيا لازم ننفذو العملية ونرجعو فاضل بخير
روزا:أمان مانحبش نبقى وحدي عالأقل خبر سيلا تجي تقعد بحدايا لين ترجعو ماو دانيال معاكم
حركلها راسو بإيه ووقف تبسملها وخرج وهي غرقت فدموعها ماعادش فيها تتحمل غير يبعد لحظة تتوحشو 10دقايق ودق الباب ودخلت عليها سيلا متلكمة فالفاست الحالة خريف وليل البرد لبرا قعدت معاها يحكيو عند الذوراري خرجو لثنين ومعاهم دانيال والحراس نتاعهم شدو طريق الغابة ساعة من الزمان ووصلو ومعاهم ساحنة كبيرة الهدوء مخيم عالمكان 5دقايق ووصلو رجال مصطفى باش يتسلمو بضاعتهم ويسلموهم فاضل نازلة من الطموبيل لبستها الفاضحة كل شئ فيها كيف العادة شعرها لامتو كوتشوفال تتبسم بشر عاجبتها تعابير الصدمة يلي مرسومة على وجهم لثنين قربت منهو باش تسلم عليه حبسها بيدو ✋وشاف مع خوه ومع المكان بعدها تكلم يسأل
أسر:فاضل أين هو سلمونا أمانتنا ونسلمكم خاصتكم لنذهب المكان يخنق هنا ولا يحمل كلينا
ريتا:ولكن حقا صدمت لما علمت أنك والسفاح إخوة هههههه لا والأغرب العميل شقيقكم الأصغر
كرم:خويا ماتعبرهاش خلينا نكملو شغلنا ونرجعو ماتنساش زوجتك حامل وتنتظر رجعوك للمنزل(جملتو الأخيرة تقصد يقولها بالأنجلزية باش يغيضها ويخليها تهبل شوية)بشوق اتركنا من هذه
تبسم على كلام خوه وغمزو بعدها شاف معاها هي
أسر:ممممث وأنا أيضا إشتقت لها ولمداعبة بطنها والحديث مع إبني هيا لا تماطلي أكثر لننهي الأمر
تمت العملية بنجاح كل طرف منهم إستلم أمانتو وإنطلقو راجعين لديارهم غير ضمنو بعدهم عليها و أنو فاضل بخير بعث ميساج لجماعتو وكمل يسوق فرحان بعملتو خاوتو فأمان ومديرو رجعوه لازمو يكمل واجبو وينقذ لبنات يلي مخطوفين ويردهم للبلاد بخير أما أسر خلى فاضل مع خوه ودعس بنزين طاير لعند مرتو عارفها مراحش ترقد غير فحضنو طريق ساعة حرقها، فنصف غير وصل هز عينو لشباك غرفتهم قابلتو واقفة تستنى فيه سيلا من حوالي ربع ساعة روحت راجلها بعثلها ميساج أنهم راجعين تبسملها ودخل مع وصل للداخل قابلتو هابطة فالدروج تجري ناسية روحها حامل وقادرة تطيح وتصيرلها حاجة هي ولا ولدهم الشئ يلي خلاه يتنطر لعندها بخوف يحضنها ومن غير عياط باش مايفجعهاش هزها بين يديه وراح بيها للصالون عد الوتاي ويحجرو يمسح عخدها ويحكي أسر:علاش نازلة تجري ناسية أنك حامل ياروحي لوكان بعيد الشر طحتي وتأذيتي أنت ولا ولدنا
حشات راسها فرقبتو تبوس فيها وتعض خلاتهالو كاملة ديطراس بسنانها وبعدها بدأت تحكي بهمس
روزا:شنية تحبني نعمل كان أني متوحشتك وأنت طولت علينا جعنا پاپي نحبو على بيتزا وتوا تو هه
أسر:مام أنا متوحشكم ياروح قلبي أنتم أما مايجيش تجري هكا ودرك نطلب لحبيبي بيتزا
ماردتش عليه وطلعت معاه بعضة لشفتو التحتانية سيحتلو الدم منها وباقية تعدي فشفافها عليها
👑Ranoucha👑