💥هوس 💥السفاح💥

74

💥هوس السفاح 💥74
بقلمي✏رنوشة ✏
راقدة فالسرير عينيها ماحبسوش من لبكاء والدموع حرقوها متوحشتو مية على شوفتو ووحامها جاها عليه خاصة الدقيقة هاذي شاهيتو موت حابة تبوسو وترجع ملكو ماعادش فيها صبر ناضت تعيط وتبكي من خوفو، عليها قبيلة عرفت أنو وجيعتها نقطة ضعفو دخل عندها مفزوع وخايف يسأل فيها بخوف وهي بين عينيها غير حبيبها هو والروح تطلع شدتلو يدو تترجى فيه
آيات:😭😭😭😭خليني نروح لعندو بليز رجعني ليه هو حياتي مانقدرش من غيرو والله
يشوف معاها ومحروق من دموعها على شعرة كان رايح يرضخ لمطالبها ويردها بيدو لوكر المافيا أما شاهد لعقل رجعلو زير كلامو وملامحو وتكلم معاها
فاضل:لا وألف لا أنت بنتي أنا وهاذو حفادي أنتم الحاجة الوحيدة يلي تربطني بالدنيا ريحتها فيك
آيات:أنا نحب عليه هو وبرك نحب أرسلان يخليك رجعني ليه أكيد يكون جانن درك هو يحبني 😭
فاضل:أرسلان يلي تحكي عليه يحمد فربي أنو رتحو منك لأنو لوكان حب فساعتين يردك ليه أما أنت من ساعات هنا وهو وين أه لاتي مع غيرك
دموعها يحرقو على خدها من كلامو متأكدة ألفين ب%من حبو ليها وأنو عندو ظرف مانعو يكون معاها تنهدت وحبست بكاء تحكي بثيقة كبيرة
آيات:بلي تحكي عليه يكون مالك هاذي(قلبها) وأب ولادي ثيقتي فيه وفوفائو ليا ماتقدرش تتصورها أنت مستصغرو وأنا نقلك فظرف 5ساعات رايح يكون هنا قدامك وأنا وولادو فحضنو وقتها نوريك
رماتلو كلامها ووقفت تترامى دايخة راحت للدوش غسلت وجها ورجعت أتكات محضنة كرشها لمكعبرة يلي زايدتها زين على زين شوية وخرج مخليهاتتبسم مهما يصير ماتتهدش وارثة عنادها وعشقها فالراجل يلب تحبو بصدق من أمها تضحي وتتحمل المهم هو بخير غير الأدوار إختالفو المرة هاذي هو الأب ومن رجال الدولة وبنتو تحب من المافيا وموش مسلمة فيه التاريخ بعد 17سنة قاعد يتعاد نفسو قصة عاشها هو قبل ويعرفها
وصل للمستشفى وهما لثنين معاه عزيزة أصرت ماتروحش وتكون بجنب سيلا بلي تعتبرها بمكانة روزا وآيات الدنيا ظلمتها قبل وضطرتها تتحرم من بنتها اليوم رجعت دارت وكفأتها بثلاث بنات وزوج ذكورا يرفعو الرأس دخلو قابلهم واقف مع دانيال يأمر فيه يروح للدار يرتاح والثاني موش عاطيه قلبو يبعد عليها وهي فالحالة هاذي ووحدها
أرسلان:أرتاح حتى ساعتين وأرجع مراحش نحرمك منها ترضاها تفطن وتشوفك بالحالة هاذي
دانيال:بوص أنا مابقدر إرتاح وهي هون بها الحالة بترجالك خليني جنبا أنا بحبا بعشقها والله بليز
تنهد وقبل مايرد تكلم أير من وراه يأمر فيه هو
أسر:روح أرتاح فغرفة هنا فالمستشفى هكا تكون قريب ليها وماتمرضش أنت هيا أتحرك يا عاشق
تبسملو بإمتنان وراح عزيزة حضنتو تواسي فيه وهو تقول كان يستنى فيهازير عليها عندو نزلت دمعة من عينو مسحها بالخف مخبيها عليهم أما ماخفاتش على عشيرو يلي حافضو من عينيه يفهمو وكمل طريقة كلامو مع دانيال أثبتتلو أنو تغير مابقاش السفاح لقوي يلي إذا ترفضلو كلام مايعودوش يخسر عليك رصاصة بين عينيك يرتاح ويرتح البشرية منك تنهد بقلة حيلة قرارو خذاه قبل مايروح لتونس وغير يرجعهالو ينفذو مافيهاش هذا يلي لازمو يصير ولو أنو متأخر شوي
عزيزة:شنوة يلي صار ياولدي وين آيات شكون يلي خطفها هي بروحين وصغيرة بنتي الغالية وينها
أرسلان:هي عند باباها حارمني منها وحالف يخسرني ولادي إيه ولادي هي حامل بثلاثة زوج ولاد وطفلة نعشقها يازوزا نموت من غير وجودها
عزيزة:وأنت كيفاش عرفت ألي هي حامل بولادك شكون خبرك ماتكون كان يلي راقدة للداخل أم لسان طويل ولا آيات موش كانت رافضة تعرف
أسر:هو السفاح يازوزا يفهمها وهي طايرة عارف أنها تحبو وعمرها تخونو ماتستغربيش منهم ههه
👑Ranoucha👑